Ma꞉tiu 21:41 - Panake Pi La: Ula: Buka pita: Kine Pieke Buka

⁴¹ Ikana꞉ma꞉ ipika꞉ pi hombo peaaso alota꞉ Ipikana꞉ma꞉ mo hoke haliweki homena꞉ liaata꞉ mo waini kiliki talimi natena꞉ ika꞉ eki minolo hata꞉ putu piliki ipiki pa꞉ta꞉ epeke tupa꞉ hala꞉tiki pulu pa꞉la꞉ mandane haliwekima꞉ handeteke haena꞉ haliekee lemekeme.

Ma꞉tiu 21:41 Mawu Ofanana

Ma꞉tiu 21:34

Wetepena꞉ mo waini kiliki talemeke nate opolo epeeketa꞉ mo hande haliwekima꞉ wialimi ipika꞉ putu piliki meaena꞉ta꞉ ipika꞉ e pokaemeke haliweki iki pa꞉ta꞉ tapaeyekeme.

Ma꞉tiu 21:40

Koto pimanu la paeyeketa꞉ Yesuma꞉ iki lota꞉ pitolo alota꞉ Do ena꞉ tekehali opolo epea꞉ka꞉na꞉ta꞉ kota꞉ mo e handeteke haleme haliweki iki pa꞉ta꞉ta꞉ ipikana꞉ma꞉ eki haumanu pealia꞉pe leekeme.

Ma꞉tiu 21:43

Koto ekina꞉ta꞉ iki pa꞉ta꞉ I̱ma꞉ dupa alome. Mo iki pa꞉ta꞉ kieke Koda꞉na꞉ Kilu Tombuao Hala꞉ ekita꞉ paa yoka꞉ mea mo epeke kiliki a꞉elo pa꞉la꞉ wanda꞉hali pa꞉ta꞉ halieke alome leekeme.

Ma꞉tiu 3:12

Ipikana꞉ma꞉ mo hande widi kilikina꞉ ambuku napeke yaapo putupa alu puluekema꞉ pana꞉pulu pa꞉la꞉ sa꞉sata꞉ ipika꞉ kikina꞉ miniki hala꞉me. Ipika꞉ widi kiliki epekeeki paeyaota꞉ ipika꞉ widi napeke u hala꞉ da pa꞉ta꞉ momba꞉la wilieke. Pate mo ambuku paeyaota꞉ tina꞉ pana꞉pu yankilieke. Koto tita꞉ na paeyeke pa to halieke. Koto pi manuta꞉ Dionima꞉ iki pa꞉ta꞉ leekeme.

Luku 20:16

Ipikana꞉ma꞉ a꞉pa mo haliweki liaata꞉ ipika꞉ eta꞉ mo mandane e handeteke halo pa꞉la꞉ haliweki pa꞉ta꞉ hala꞉ monealieke leekeme. Mo wanda꞉halima꞉ doeki opu hao alota꞉ Ota꞉ kutupa dia꞉me lemekepate

Aposolo 15:7

Pi wotu hotu haota꞉ Pidama꞉ tiao alota꞉ Ya kametitio. Amba꞉ kone iki ame̱le̱ hano Koda꞉ma꞉ I̱ mea haena꞉ laata꞉ Diendaili wanda꞉hali pa꞉ta꞉ mo hande Pi Seliapo walonoyeke pa꞉la꞉me. Mo wanda꞉halima꞉ pi opuaka꞉na꞉ hone tulaena꞉yeke pa꞉la꞉me.

Aposolo 18:6

Kutu piekepate ipiki tolu luekema꞉ pi la la pimiki pita꞉ Poloma꞉ ipika꞉ dau tandela iki pa꞉ta꞉ alota꞉ I̱ dia꞉me. Ika꞉ youna꞉ ika꞉ we mendia꞉pa꞉peke leekeme. Ya ketete dia꞉me leekeme. Ameta꞉ Diendaili wanda꞉hali pa꞉ta꞉ pulume leekeme.

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Aposolo 28:8

Ipika꞉ ateketa꞉ ki yeni tiputu hatu yamaasa꞉ yeni make hao homa꞉pa wia꞉me. Kutupa Poloma꞉ ipika꞉ da panda꞉ pa꞉ta꞉ pua Koda꞉ pa꞉ta꞉ yeni pea ipika꞉ kiki yaapo mo halina꞉ lokena꞉ wia yeni tandelaeya꞉me.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.

Hibulu 12:25

Mo iki pa꞉ta꞉ pi ala꞉ somena꞉ pita꞉ na kiaake yopusiki hata꞉ opua꞉pa꞉peke. Mo hande Koda꞉ma꞉ la꞉niaeyeke pimanu la꞉mea halao haemekeeki na opimiki wanda꞉halita꞉ Koda꞉na꞉ hoeyaasa꞉eki na wendimikime. Ikana꞉ma꞉ na wendimiki yeke handaata꞉ nikana꞉ma꞉ oli hepeni nanema꞉ pi la kita꞉la꞉ hali hoki walaa kiaoma꞉ka꞉na꞉ta꞉ kota꞉ niki make ota꞉ na wondulumeke.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.