Ma꞉tiu 21:39 - Panake Pi La: Ula: Buka pita: Kine Pieke Buka

³⁹ Koto laata꞉ ikana꞉ma꞉ mo some da꞉ka꞉pa꞉ minimikime. Ta꞉nka꞉pa꞉ minaata꞉ mo e tikene yola꞉ mea miniki puaata꞉ lia homaemekeme leekeme.

Ma꞉tiu 21:39 Mawu Ofanana

Ma꞉tiu 21:38

Kutu piekepate mo hande e handeteke haemeke haliwekima꞉ mo hande teke halima꞉ tapaeyeke weki epeekeeki handaata꞉ kota꞉ ikana꞉ma꞉ ika꞉ hone lombolo hata꞉ alota꞉ Hande e tekehali ipika꞉ anketeke mulu pa꞉la꞉ wekita꞉ koto ipula꞉ma꞉ ota꞉ lumana꞉e la alota꞉ Luma꞉ka꞉na꞉ta꞉ mo eta꞉ kota꞉ ota꞉ nika꞉ e wilieke lemekeme.

Ma꞉tiu 21:40

Koto pimanu la paeyeketa꞉ Yesuma꞉ iki lota꞉ pitolo alota꞉ Do ena꞉ tekehali opolo epea꞉ka꞉na꞉ta꞉ kota꞉ mo e handeteke haleme haliweki iki pa꞉ta꞉ta꞉ ipikana꞉ma꞉ eki haumanu pealia꞉pe leekeme.

Ma꞉tiu 26:50

Kutupa Yesuma꞉ ipika꞉ pi hombo peaaso alota꞉ Someo. Mo naka꞉ puluekema꞉ epele hauta꞉ a̱i̱ koto kone pie leekeme. Koto leeketa꞉ mo Yesu minuluekema꞉ epemeke haliwekima꞉ a꞉pa ipiki da̱o̱la miniki haemekeme.

Ma꞉tiu 26:57

Mo Yesu da꞉ka꞉pa꞉ miniki haemeke haliwekima꞉ hande yeni peao hayeke you hali Kaiya꞉pasina꞉ da nane hatuku pemekeme. Koto pa꞉ta꞉ta꞉ mo hande pi ula꞉eki walolo haemeke haliweki pita꞉ tondiki haliweki peaata꞉ mo da pa꞉ta꞉ amba꞉ mombela pitimikime.

Dioni 18:12

Mo ami haliweki ika꞉ you hali tonka꞉na꞉ mo Diu wanda꞉halina꞉ tembolo da handeteke haemeke haliweki make ikana꞉ma꞉ Yesu da꞉ka꞉pa꞉ minaata꞉ puma꞉ tonkao

Dioni 18:24

Koto ekina꞉ A꞉nasima꞉ta꞉ Yesuta꞉ tonkao pelia haena꞉ kone mo yeni peao haemeke you haliwekina꞉ you hali Kaiya꞉pasi pa꞉ta꞉ tapaeyekeme.

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Aposolo 4:10

Iki paeyao mo Isulai wanda꞉hali make doeki opua꞉pe. Na꞉sa꞉tete hali Yesu Ketisota꞉ ikana꞉ma꞉ limipate Koda꞉ma꞉ paa mea tiaeyeke hali ipika꞉ bikina꞉ do hali epeke tupa꞉ tiao honkopu hao do hala꞉ handa꞉e leekeme.

Aposolo 5:30

Ikana꞉ma꞉ Yesu a꞉ka꞉tei wapepiki tina꞉ ikoko lia homaemepate nika꞉ apa꞉ amedana꞉ Koda꞉ma꞉ Yesu lapa꞉ pa꞉ta꞉ kone paa mea tiaeyekeme.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Dia꞉mesi 5:6

Mo handeeki a꞉nda꞉ na pa꞉la꞉ halima꞉ta꞉ iki pa꞉ta꞉ a꞉nda꞉ na pita꞉la꞉pate ikana꞉ma꞉ amba꞉ pi yokaalu pea lilimime.