Ma꞉tiu 21:34 - Panake Pi La: Ula: Buka pita: Kine Pieke Buka

³⁴ Wetepena꞉ mo waini kiliki talemeke nate opolo epeeketa꞉ mo hande haliwekima꞉ wialimi ipika꞉ putu piliki meaena꞉ta꞉ ipika꞉ e pokaemeke haliweki iki pa꞉ta꞉ tapaeyekeme.

Ma꞉tiu 21:34 Mawu Ofanana

Ma꞉tiu 21:35

Kutu piekepate mo e handeteke haemeke haliwekima꞉ iki handaa da꞉ka꞉pa꞉ minolo hata꞉ ma꞉nda꞉ta꞉ yombua bao kutupa ma꞉nda꞉ta꞉ ota꞉ homena꞉ lu make ma꞉nda꞉ta꞉ toopima꞉ limikime.

Ma꞉tiu 21:38

Kutu piekepate mo hande e handeteke haemeke haliwekima꞉ mo hande teke halima꞉ tapaeyeke weki epeekeeki handaata꞉ kota꞉ ikana꞉ma꞉ ika꞉ hone lombolo hata꞉ alota꞉ Hande e tekehali ipika꞉ anketeke mulu pa꞉la꞉ wekita꞉ koto ipula꞉ma꞉ ota꞉ lumana꞉e la alota꞉ Luma꞉ka꞉na꞉ta꞉ mo eta꞉ kota꞉ ota꞉ nika꞉ e wilieke lemekeme.

Ma꞉tiu 21:40

Koto pimanu la paeyeketa꞉ Yesuma꞉ iki lota꞉ pitolo alota꞉ Do ena꞉ tekehali opolo epea꞉ka꞉na꞉ta꞉ kota꞉ mo e handeteke haleme haliweki iki pa꞉ta꞉ta꞉ ipikana꞉ma꞉ eki haumanu pealia꞉pe leekeme.

Ma꞉tiu 21:41

Ikana꞉ma꞉ ipika꞉ pi hombo peaaso alota꞉ Ipikana꞉ma꞉ mo hoke haliweki homena꞉ liaata꞉ mo waini kiliki talimi natena꞉ ika꞉ eki minolo hata꞉ putu piliki ipiki pa꞉ta꞉ epeke tupa꞉ hala꞉tiki pulu pa꞉la꞉ mandane haliwekima꞉ handeteke haena꞉ haliekee lemekeme.

Ma꞉tiu 22:3

Kutupata꞉ koto ne nolo epena꞉ta꞉ mo ika꞉ bikimanu ula꞉ wanda꞉hali handa꞉ mulu pa꞉na꞉ ipika꞉ e pokaemeke haliweki tapaeyekepate mo hande biki wia꞉ wanda꞉hali paeyaoma꞉ta꞉ a꞉pa꞉pa꞉peke kiaemekeme.

Maka 12:1

Koto laa Yesuma꞉ onkoluma꞉ laa iki pa꞉ta꞉ alota꞉ Hali ma꞉nda꞉ma꞉ waini e pokaata꞉ pape pea mo waini kilikimanu dikili pulu pieke alena꞉ kenke awaata꞉ ti hokulu mea a꞉meiyao noka꞉pa oli manda hata꞉ e handeteke haena꞉ da a꞉eyekeme. Dupa pea ipika꞉ e pokaaseme haliweki mea haena꞉ laata꞉ kenke ma꞉nda꞉ nane peekeme.

Maka 12:7

Koto leekepate mo e pokao haemeke haliwekima꞉ ika꞉ ika꞉ kone alota꞉ Dota꞉ e teke halina꞉ anke teke mulu pa꞉la꞉ halina꞉ alema꞉ Lumana꞉ bape lemekeme. Kutupa ipika꞉ mulu pa꞉la꞉ ekita꞉ nikana꞉ma꞉ mumana꞉e lemekeme.

Maka 12:9

Yesuma꞉ alota꞉ Mo e teke halima꞉ eki pilia꞉pe laa Ipikana꞉ma꞉ a꞉paata꞉ mo e pokao haemeke haliweki ota꞉ lia paeyaota꞉ mandane haliwekima꞉ta꞉ ipika꞉ e pokao haena꞉ lelieke laata꞉

Luku 20:9

Kutupa Yesuma꞉ mo wanda꞉hali pa꞉ta꞉ onkoluma꞉ pi ma꞉nda꞉ la halolo alota꞉ Hali homeke ma꞉nda꞉ ipikita꞉ waini pu e pokaata꞉ mo eta꞉ mandane haliwekima꞉ handeteke haena꞉ta꞉ yenki mulu pimiki ekita꞉ hosikima꞉ putupa ipiki pa꞉ta꞉ hala꞉tiki pina꞉yeke halaata꞉ nate hokuluna꞉ papate peekeme.