Ma꞉tiu 21:26 - Panake Pi La: Ula: Buka pita: Kine Pieke Buka

²⁶ Kutaa make ikana꞉ma꞉ alo hata꞉ta꞉ Pa kenke wanda꞉halina꞉ ekie lolo poloma꞉eki make do wanda꞉hali paala꞉ pa꞉la꞉me. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo haya꞉ halie lo halememe lemekeme.

Ma꞉tiu 21:26 Mawu Ofanana

Ma꞉tiu 11:9

I̱ opuono a̱i̱ la kipa꞉e. Koto pemeke dina꞉ta꞉ aleke handulumeke hone wimipe. Koda꞉na꞉ pi la꞉ mea halaasa꞉ potopede hali yekepe. Aowe. Ipikita꞉ potopede hali ya꞉la꞉pate pa potopede halina꞉ hauta꞉ ota꞉ lombei piki some hala꞉me.

Ma꞉tiu 14:5

Koto leeke pita꞉ma꞉ kone Hetodima꞉ Dioni luekema꞉ piekepate mo Diu wanda꞉hali pa꞉ta꞉ paala꞉ma꞉ homeekeme. Pa ekipeke. Mo Diu wanda꞉halina꞉ honema꞉ Dionita꞉ ota꞉ potopede halie hone wimikime.

Ma꞉tiu 21:11

Kutu pieketa꞉ mo ipiki hatuku epemeke wanda꞉halima꞉ iki pa꞉ta꞉ alota꞉ Do halita꞉ mo Ka꞉lili kenke nane hala꞉ da Na꞉sa꞉tetena꞉ potopede hali Yesue lemekeme.

Ma꞉tiu 21:25

Dionima꞉ bapitaisi peao haya꞉ hauta꞉ hepeni nane ekipe o kenke wanda꞉halina꞉ ekipe iki pa꞉ta꞉ lota꞉ pitolome leekeme. Koto pi opuata꞉ mo haliwekima꞉ ika꞉ ika꞉ kone pi dupa lemekeme. Hepeni nane ekie loma꞉ka꞉na꞉ta꞉ kota꞉ ipikana꞉ma꞉ niki pa꞉ta꞉ alota꞉ Dionima꞉ lo haya꞉ pi manuta꞉ pa ekipeke na miniki haemepe lelieke lemekeme.

Ma꞉tiu 21:27

Koto ekina꞉ ikana꞉ma꞉ Yesu pa꞉ta꞉ alota꞉ Niki na handoloma꞉me lemekeme. Koto lemeke Yesuma꞉ hombo peaaso alota꞉ Kota꞉ I̱ma꞉ make yaka pu halo hau manuna꞉ wele peao hala꞉ halina꞉ bikita꞉ iki pa꞉ta꞉ na la kulueke leekeme.

Ma꞉tiu 21:46

ikana꞉ma꞉ Yesu da꞉ka꞉pa꞉ minuluekema꞉ taapemekepate wanda꞉halima꞉ Yesuta꞉ potopede hali hala꞉me hone wimiki handaa ikana꞉ma꞉ mo wanda꞉hali pa꞉ta꞉ paala꞉ma꞉ homolo hata꞉ paemekeme.

Maka 11:32

Kenke wanda꞉halina꞉ ekie loluma꞉pe lemekepate wanda꞉hali paeyaoma꞉ Dionita꞉ Koda꞉ ipika꞉ pi la꞉ mea halo haya꞉ halie lo halemeke handaa mo wanda꞉hali pa꞉ta꞉ paala꞉ma꞉ homemekeme.

Maka 12:12

Mo hande yeni peao haemeke teke haliwekima꞉ make mo wape pea wala꞉tiki pu haemeke haliwekima꞉ make tondiki haliwekima꞉ make paeyaoma꞉ do onkoluma꞉ pita꞉ niki pa꞉ta꞉ lea꞉me hone witolo hata꞉ Yesu minina꞉ loluekema꞉ taapemekepate wanda꞉hali pa꞉ta꞉ paala꞉ma꞉ homemeke handaata꞉ Yesu mina꞉pa꞉lao pemekeme.

Maka 6:20

Hetodima꞉ta꞉ Dionina꞉ tiki tiki hau pu hayekeeki make yako piki hali make handeeke handaata꞉ ipiki pa꞉ta꞉ paala꞉ma꞉ homolo hata꞉ panka mea hao hayekeme. Dionima꞉ wala꞉tiki pieke pimanu Hetodima꞉ opua weiya꞉tiki piekepate ta꞉na꞉ma꞉ homa opua꞉tiki piekeme.

Luku 20:19

Koto leeke ekina꞉ mo yeni peao haemeke haliwekina꞉ you haliweki make hande pi ula꞉eki walo haemeke haliwekima꞉ make Yesu koto kone minuluekema꞉ yeke taapemekeme. Ekipeke ika꞉ hone witolota꞉ Ipikana꞉ma꞉ lea꞉ onkoluma꞉ pita꞉ iki pa꞉ta꞉ kone lea꞉me hone witolo hata꞉ pimikime. Kutu puluekema꞉ pimikipate mo wanda꞉halima꞉ paala꞉ pieke handa paemekeme.

Luku 20:6

Pate nikana꞉ma꞉ kenke wanda꞉halina꞉ ekie loma꞉ka꞉na꞉ta꞉ do wanda꞉hali wopuma꞉ niki toopima꞉ lilimikie. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo hayeke halie lo halememe.

Luku 22:2

Mo yeni peao haemeke teke haliwekima꞉ make mo Lo Pi wala꞉tiki pu haemeke haliwekima꞉ make Yesu a꞉mbao luekema꞉ yeke mandane pota꞉manu wopu weimikime. Pa ekipeke. Ikita꞉ mo wanda꞉hali paala꞉ma꞉ homolo hata꞉ pimikime.

Dioni 5:35

Dionita꞉ hande ola꞉pake tupa꞉ ka꞉wa endialeke handaa pa̱a̱ wopu pu haya꞉me. Koto ekina꞉ ipika꞉ pa̱a̱ pa꞉la꞉eki pa꞉ta꞉ hosiki haluekema꞉ ikana꞉ma꞉ hone pia꞉me.

Dioni 9:22

Ateke inkiki yaapoma꞉ mo Diu haliweki pa꞉ta꞉ paala꞉ma꞉ homolo hata꞉ dupa lepekeme. Mo Diu haliwekima꞉ta꞉ hali epima꞉ Yesuta꞉ hande Ketiso hala꞉me lelimi wanda꞉halita꞉ mo pi hotu haemeke da pa꞉ta꞉ na epena꞉yeke pa yokomana꞉ la pi la꞉ wieke ekina꞉ paala꞉ma꞉ homepekeme.

Aposolo 5:26

Koto ekina꞉ mo hande tembolo da handeteke hayeke you halima꞉ ipika꞉ haliweki ame̱le̱ puaata꞉ mo aposolo haliweki hatuku mulu pua epemekeme. Wanda꞉halima꞉ toopima꞉ iki liaama꞉na꞉yeke mo haliweki yopu hatuku mea epemekeme.