Ma꞉tiu 21:19 - Panake Pi La: Ula: Buka pita: Kine Pieke Buka

¹⁹ Kutu pieke pulu hata꞉ mo pota꞉ nepokona꞉ hayeke nose homeke handaata꞉ mo ti teke pa꞉ta꞉ peekepate kiliki na a꞉etolo hata꞉ pa katake homeke hayekeeki handeekeme. Kutu pieke handaa ipikana꞉ma꞉ mo nose pa꞉ta꞉ alota꞉ Wetepena꞉ nakana꞉ma꞉ kilikimanu ota꞉ pa na a꞉elipikie leekeme. Koto leeketa꞉ mo nose kutaa kone hapiekeme.

Ma꞉tiu 21:19 Mawu Ofanana

Ma꞉tiu 21:20

Hapieke ekita꞉ mo disaipolo haliwekima꞉ handaata꞉ penkilipa꞉tia pominolo hata꞉ Yesu pa꞉ta꞉ alota꞉ Mo noseta꞉ ekipa a̱i̱ koto kone hapua pa꞉la꞉pe lemekeme.

Maka 11:14

Kutupa Yesuma꞉ mo nose pa꞉ta꞉ alota꞉ Naka꞉ kilikimanu ma꞉nda꞉ma꞉ na talo nelieke leekeme. Ipika꞉ disaipolo haliwekima꞉ koto leeke pita꞉ opimikime.

Maka 11:20

Da ka꞉la꞉peketa꞉ pota꞉na꞉ yopulu hata꞉ hande nose ti handemekepate katake teke tonka꞉na꞉ paeyao hapua hayekeeki handemekeme.

Luku 3:9

Hande hapula꞉ ti manuna꞉ teke pa꞉ta꞉ pokuluekema꞉ manda꞉ meaowa꞉me leekeme. Epeke kiliki na a꞉eya꞉la꞉ timanu paeyao siki poko lopaota꞉ ti talo hala꞉ pa꞉ta꞉ paeyao siki mu yankilieke leekeme.

Dioni 15:2

Yaka paleke mandane ekima꞉ kiliki na a꞉eya꞉ka꞉na꞉ta꞉ kota꞉ koto paleketa꞉ yaka Apa꞉ma꞉ poka mea baalieke. Kutupa mo mandane kiliki a꞉eta꞉la꞉ paleke manuta꞉ wamo peaaso hata꞉ kiliki wopu a꞉ena꞉yeke yaka Apa꞉ma꞉ poka꞉ mepi pilieke.

Dioni 15:6

Hali epima꞉ I̱ pa꞉ta꞉ na haya꞉ka꞉na꞉ta꞉ ipikita꞉ mo hande hapua꞉la꞉ palekema꞉ handilieke. Kutupa mo hapua꞉la꞉ paleke manuta꞉ amu pea ti uleke pa꞉ta꞉ lopaeya꞉ka꞉na꞉ta꞉ tima꞉ telieke.

2 Timodi 3:5

Ikana꞉ma꞉ mo Koda꞉ pa꞉ta꞉ yeni pita꞉la꞉ hauta꞉ pa pea꞉tiki pea꞉tiki pu halemepate mo yenina꞉ wele pita꞉la꞉ ekita꞉ hoki walaa kiaaso halememe. Kutu piki wanda꞉hali ame̱le̱ apa꞉tao na hapeke.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Diudi 1:12

Ika꞉ yaala꞉ma꞉ na homeke kikana꞉ hau leke piteleme ekima꞉ta꞉ ikita꞉ mo hande ika꞉ epeke ne noluekema꞉ mombolo haleme ale pa꞉ta꞉ ha̱i̱piki alemanu taleke nono pa꞉la꞉me. Ikana꞉ma꞉ta꞉ iki homeke handeteke haluekema꞉ ika꞉ kone hone u halememe. Ikita꞉ mo hande lako na epeke alena꞉ pa poma꞉ tita꞉la꞉ koama꞉ handelememe. Ikita꞉ mo hande bapi paena꞉ kone kiliki na a꞉eta꞉la꞉ tima꞉ handaa ika꞉ teke tonka꞉na꞉ yoka꞉pa wia ota꞉ homeke nono piki ti manuma꞉ handelememe.

Peneme Yaeyekeeki 22:11

Epi a꞉nda꞉ hoke temoko haeka꞉na꞉ta꞉ kota꞉ ota꞉ hoke hau homeke pa pu hapeke. Epi a꞉nda꞉ ha̱i̱piki some pu haeka꞉na꞉ta꞉ kota꞉ ota꞉ ha̱i̱piki hau homeke pa pu hapeke. Epi a꞉nda꞉ epeke some haeka꞉na꞉ta꞉ kota꞉ ota꞉ epeke hau homeke pa pu hapeke. Kutupa epi a꞉nda꞉ yakopiki some haeka꞉na꞉ta꞉ kota꞉ ota꞉ yako piki hau homeke pa pu hapeke.