Ma꞉tiu 21:17 - Panake Pi La: Ula: Buka pita: Kine Pieke Buka

¹⁷ Koto laata꞉ Yesuma꞉ iki make Diutuseleme da teke make mina꞉pa꞉lao Bedani da nane polu peekeme.

Ma꞉tiu 21:17 Mawu Ofanana

Ma꞉tiu 16:4

A꞉pa꞉e. Do you hoke wanda꞉halima꞉ta꞉ ekipeke handaa mo na handeke hau ma꞉nda꞉ handuluekema꞉ alemepe. Dia꞉me. Mo amba꞉ hande Diona pa꞉ta꞉ pieke yeke na handeke hau homeke waloa꞉ka꞉na꞉ta꞉ handilimikie. Koto laata꞉ iki mina꞉pa꞉lao peekeme.

Ma꞉tiu 26:6

Yesuma꞉ Bedani da puaata꞉ kindi yeni hayeke hali Saimonona꞉ da pa꞉ta꞉

Maka 11:1

Diutuseleme da teke pa꞉ta꞉ pulu hata꞉ Betepeisi Bedani da yaapo pa꞉ta꞉ opolo pemekeme. Mo da yaapota꞉ mo Olipi ti polu haemeke peiyenena꞉ hayekeme. Kutupa Yesuma꞉ ipika꞉ disaipolo hali yaapo tapaaso hata꞉ alota꞉

Maka 11:11

Yesuma꞉ Diutuseleme da opolo pua tembolo da tukiki pa꞉ta꞉ honda꞉ pambaata꞉ ala꞉ta꞉ ala꞉ta꞉ paeyao handoma꞉ handoma꞉ peaata꞉ nate amba꞉ paeyeke handaata꞉ timba꞉ lapeke yeeke mo disaipolo haliweki ame̱le̱ Bedani da nane pemekeme.

Maka 11:19

Kutupa nate pambolo haena꞉ Yesu ipika꞉ disaipolo haliweki ame̱le̱ teke da mina꞉pa꞉lao pemekeme.

Maka 14:3

Yesuta꞉ Bedani da puaata꞉ kindi yeni hayeke hali Saimonona꞉ da pa꞉ta꞉ ne nalo pitina꞉ wanda꞉ ma꞉nda꞉ma꞉ a꞉la꞉ba꞉seta꞉ toopi kanake homeke mea epeekeme. Mo kanake pa꞉ta꞉ senisi totopo pikieki seliapo pambeekeme. Koto senisina꞉ bikita꞉ Nadae. Yenki tieke alee. Kutupa mo wanda꞉ma꞉ kanake yamba꞉la꞉ liaata꞉ hande senisita꞉ Yesuna꞉ youna꞉ holaeyekeme.

Maka 3:7

Yesuma꞉ ipika꞉ disaipolo haliweki ame̱le̱ Ka꞉lili ikali leke pa꞉ta꞉ pemeketa꞉ tapake tieke teliekeme. Ka꞉lili wanda꞉hali Diudia wanda꞉hali

Luku 10:38

Yesuta꞉ ipika꞉ disaipolo haliweki ame̱le̱ pota꞉na꞉ pulu hata꞉ da yu siki ma꞉nda꞉ pa꞉ta꞉ opolo pemekeme. Koto da yu pa꞉ta꞉ta꞉ wanda꞉ ma꞉nda꞉ hayekeme. Ipika꞉ bikita꞉ Mada. Koto wanda꞉ma꞉ Yesu ipika꞉ da pa꞉ta꞉ epena꞉ta꞉ ta꞉na꞉ma꞉ homeekeme.

Luku 19:29

Kutupa ipikita꞉ oli Olipi peiyene tea꞉na꞉ hayeke Betepeisi make Bedani da yaapo pa꞉ta꞉ opolo a꞉paata꞉ ipika꞉ disaipolo hali yaapo amba꞉la tapaaluekema꞉ hata꞉ta꞉ dupa leekeme. Oni hala꞉ da nane opolo pua꞉pa꞉peke. Koto pa꞉ta꞉ opolo pepeka꞉na꞉ta꞉ donki ikiki hali ma꞉na꞉ endi bala꞉eki handilipipikie. Mo donkita꞉ ota꞉ homeke a꞉nda꞉ na pita pomu halemeekie. Hola꞉ tapao mea a꞉pa꞉peke.

Luku 24:50

Kutupa Yesuma꞉ mo wanda꞉hali hatuku mo daoni tieke mina꞉pa꞉lao mo Bedani puaata꞉ ipika꞉ kiki mina꞉liao mo wanda꞉hali epeaeyekeme.

Dioni 11:1

Bedani da pa꞉ta꞉ hayeke hali La꞉satesi yeni hayekeme. Mo Bedani data꞉ Mada hakepiki Meti yaapona꞉ dae.

Dioni 11:18

Mo Bedani data꞉ Diutuseleme da teke pa꞉ta꞉ kone hayekeme.