Ma꞉tiu 21:11 - Panake Pi La: Ula: Buka pita: Kine Pieke Buka

¹¹ Kutu pieketa꞉ mo ipiki hatuku epemeke wanda꞉halima꞉ iki pa꞉ta꞉ alota꞉ Do halita꞉ mo Ka꞉lili kenke nane hala꞉ da Na꞉sa꞉tetena꞉ potopede hali Yesue lemekeme.

Ma꞉tiu 21:11 Mawu Ofanana

Ma꞉tiu 2:23

Na꞉sa꞉tete halo pemekeme. Koto halo pemeke ekita꞉ mo potopede haliwekima꞉ la꞉ wiekeeki yaeyekeme. Koto ikana꞉ma꞉ la꞉ wiekeeki dupa Ipikita꞉ Na꞉sa꞉tete hali hala꞉me lelieke leekeme.

Ma꞉tiu 21:10

Yesuma꞉ Diutuseleme da teke nane hondo pamba peeketa꞉ mo daoni wanda꞉hali paeyaoma꞉ Koto ipula꞉ someta꞉ epiya꞉ka꞉ta꞉pe la꞉ paleke paleke pu hando mombelemekeme.

Ma꞉tiu 21:26

Kutaa make ikana꞉ma꞉ alo hata꞉ta꞉ Pa kenke wanda꞉halina꞉ ekie lolo poloma꞉eki make do wanda꞉hali paala꞉ pa꞉la꞉me. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo haya꞉ halie lo halememe lemekeme.

Ma꞉tiu 21:46

ikana꞉ma꞉ Yesu da꞉ka꞉pa꞉ minuluekema꞉ taapemekepate wanda꞉halima꞉ Yesuta꞉ potopede hali hala꞉me hone wimiki handaa ikana꞉ma꞉ mo wanda꞉hali pa꞉ta꞉ paala꞉ma꞉ homolo hata꞉ paemekeme.

Maka 6:15

Koto lemekepate mandane wanda꞉halima꞉ alota꞉ Ipikita꞉ Elaidia ya꞉ka꞉ta꞉me lemekepate mandane wanda꞉halima꞉ alota꞉ Ipikita꞉ potopede hali ma꞉nda꞉ ya꞉ka꞉ta꞉me laa amba꞉ kone hayeke hali tupa꞉ ya꞉ka꞉ta꞉me lemekeme.

Luku 13:33

Koto pa꞉la꞉pate ame belia tuneketa꞉ ya pota꞉na꞉ pa yopu pitulueke. Pa ekipeke. Mo Koda꞉na꞉ potopede halita꞉ da ma꞉nda꞉ pa꞉ta꞉manu lita꞉la꞉ta꞉ ana꞉ na pa꞉la꞉pate pa Diutuseleme da tukiki pa꞉ta꞉ homeke ana꞉ pa꞉la꞉me leekeme.

Luku 24:19

Yesuma꞉ alota꞉ Eki hau manupe leekeme. Kutupa mo hali yaapoma꞉ alota꞉ Mo hande Na꞉sa꞉tete hali Yesu pa꞉ta꞉ pia꞉ hau manuna꞉ lopa꞉me. Do halita꞉ potopede yaalo hata꞉ Koda꞉ma꞉ make wanda꞉hali paeyaoma꞉ make ipika꞉ pia꞉ hau manuma꞉ make leeke pimanu make honkopu wele pa꞉la꞉ halie lememe.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Luku 7:39

Mo hande Pa꞉tisi halima꞉ kotoeki handaata꞉ ipika꞉ honema꞉ kone alota꞉ Do halita꞉ Koda꞉na꞉ potopede hali ya꞉ka꞉na꞉ yoluta꞉ ipikana꞉ma꞉ ipikita꞉ do wanda꞉ma꞉ wataasa꞉me laa peneme handolo pia꞉me. Ipikana꞉ma꞉ koto wanda꞉na꞉ pa꞉la꞉ hoke hauta꞉ hone ulu pia꞉me laa hone wiekeme.

Dioni 1:21

Koto leeke mo haliwekima꞉ ipiki lota꞉ pitolo alota꞉ Kota꞉ neketa꞉ epi ya꞉ka꞉ta꞉pe. Neketa꞉ Elaidiape lemekeme. Dionima꞉ ika꞉ pi hombo peaaso alota꞉ I̱ta꞉ koto hali dia꞉me leekeme. Mo haliwekima꞉ paa lota꞉ pitolo alota꞉ Neketa꞉ mo hande Potopede halipe lemekeme. Dionima꞉ ika꞉ pi hombo peaaso alota꞉ Dia꞉me. I̱ta꞉ koto hali dia꞉me leekeme.

Dioni 1:25

Mo haliwekima꞉ Dioni lota꞉ pitolo alota꞉ Neketa꞉ Ketiso make Elaidia make mo hande Potopede hali make na hata꞉ kone ekipeke wanda꞉hali bapitaisi peao halepe lemekeme.

Dioni 4:19

Mo wanda꞉ma꞉ ipiki pa꞉ta꞉ alota꞉ Aneke halio. Ameta꞉ neke handolome laa Koda꞉na꞉ pi la꞉ mea halo hale hali ya꞉ka꞉ta꞉me leekeme.

Dioni 6:14

Mo wanda꞉halima꞉ta꞉ Yesuma꞉ koto pa꞉ta꞉ wele wopu piekeeki hando hao alota꞉ Do halita꞉ hande kenkena꞉ epolo pa꞉la꞉ ota꞉ Potopede hali ya꞉ka꞉ta꞉me lemekeme.

Dioni 7:40

Mo momba꞉la haemeke wanda꞉hali pa꞉ta꞉ mandane wanda꞉halima꞉ koto leekeeki opua alota꞉ Do halita꞉ hande Koda꞉na꞉ Potopede hali ota꞉ ya꞉ka꞉ta꞉me lemekeme.

Dioni 9:17

Kutupa mo Pa꞉tisi haliwekima꞉ hande hali pa꞉ta꞉ hoto ma꞉nda꞉ paa lota꞉ pitolo alota꞉ Nakana꞉ma꞉ alota꞉ Yaka leke kilaeya꞉me alepateta꞉ ipiki pa꞉ta꞉ eki hone witelepe lemekeme. Mo halima꞉ hombo peaaso alota꞉ Ipikita꞉ Koda꞉na꞉ potopede halie la leekepate

Aposolo 7:37

Ipikana꞉ma꞉ mo Isulai wanda꞉hali pa꞉ta꞉ hali ma꞉nda꞉na꞉ dupa leekeme. Koda꞉ma꞉ I̱ tapaeya꞉ tupa꞉ iki pa꞉ta꞉ potopede hali ma꞉nda꞉ make tapaalieke. Koto someta꞉ ika꞉ tapake hali kone tapaalieke laa leekeme.