Ma꞉tiu 20:8 - Panake Pi La: Ula: Buka pita: Kine Pieke Buka

⁸ Nate pambolo pulu haena꞉ta꞉ mo hande e teke halima꞉ mo e haliweki handeteke haena꞉ leeke hali pa꞉ta꞉ alota꞉ Mo haliweki wi laa mombelao ika꞉ yenkimanu hala꞉peke. Yenki halolo hata꞉ mo ota꞉ wetepe siki kini pea e pokeme haliwekina꞉eki amba꞉la kini pea hala꞉tiki puaata꞉ ota꞉ titina꞉ kini pimi haliwekina꞉ ekita꞉ paeyaaso hata꞉ hala꞉peke leekeme.

Ma꞉tiu 20:8 Mawu Ofanana

Kini Pieke 15:2

Pate Eipola꞉ma꞉ma꞉ alota꞉ Tekehali Koda꞉o. Mo I̱ta꞉ wekiwandiki make dia꞉me. Kota꞉ pa ekipa epeke yenki kilipikipe. Yaka anke teke mulu pa꞉la꞉ halita꞉ mo Damasikasi hali Eliesa homeke hala꞉me.

Kini Pieke 43:19

Koto ekina꞉ mo da pota꞉ pa꞉ta꞉ pua hata꞉ mo e pokao haya꞉ handeteke hayeke some pa꞉ta꞉ alota꞉

Ma꞉tiu 20:7

Ikana꞉ma꞉ hombo peaaso alota꞉ Yenki e pokomono ma꞉nda꞉ma꞉ niki na mia꞉me. Koto lemeke ipikana꞉ma꞉ alota꞉ Kota꞉ a꞉pa꞉la꞉me mo ya waini pu e pua pokaape leekeme.

Ma꞉tiu 20:9

Koto leeke opuaata꞉ ipikana꞉ma꞉ mo welealo nane nate leke yunki hata꞉ kini pea e pokeme haliweki homeke homeke pa꞉ta꞉ 1 kina hale hale piekeme.

Ma꞉tiu 25:19

Bapi mandaneeki hao hoki naneta꞉ mo e pokaemeke haliweki ika꞉ you halima꞉ ika꞉ pokaemeke emanu handoma꞉ tialuekema꞉ paa epeekeme.

Ma꞉tiu 25:31

Kutu piki onkoluma꞉ pi lo paeyaaso hata꞉ Yesuma꞉ alota꞉ Mo Kenke Wanda꞉halina꞉ Eiyeketa꞉ pa Kini Hali hata꞉ ipika꞉ enisolomanu tonka꞉na꞉ do kenkena꞉ epea꞉ka꞉na꞉ta꞉ kota꞉ ipikana꞉ma꞉ ipika꞉ pa̱a̱ tieke piki handeteke hala꞉ biki wiki sea tieke manda pitilieke.

Luku 10:7

E pokao hala꞉ hali ipika꞉ yenkita꞉ ota꞉ mea꞉peke ya꞉la꞉ ekina꞉ da lumbu na likita꞉ homeke da pa꞉ta꞉ pa hao hata꞉ ne ikali alekemanu kimika꞉na꞉ta꞉ pa napa꞉peke.

Luku 12:42

Koto leeke mo Tekehalima꞉ Pidana꞉ pi hombo peaaso alota꞉ Kima꞉ na homeke make ota꞉ epeke hone wotu u lenkene pu wia e poko halia꞉ halita꞉ epi ya꞉ka꞉ta꞉pe. Koto halita꞉ mo da teke halima꞉ta꞉ ipika꞉ da handeteke haena꞉yeke make mo ipika꞉ mandane e pokao haleme wanda꞉hali pa꞉ta꞉ ika꞉ ne no haleme di mia꞉ka꞉na꞉ta꞉ ika꞉ ne nena꞉ teli teli peao halieke leekeme.

Luku 8:3

Kutupa mo Hetodina꞉ da handeteke hayeke ami you hali Tiusana꞉ weteke bikita꞉ Dioa꞉na make Susa꞉na make mandane wanda꞉wekima꞉ make yeekeme. Mo wanda꞉wekima꞉ ika꞉ mani manuta꞉ Yesu make ipika꞉ disaipolo haliweki tonka꞉na꞉ tamba꞉ mutia pomu hatiki pimikime.

2 Kotindi 5:10

Pa ekipeke niki paeyaota꞉ ipikana꞉ma꞉ pi yokaalu pina꞉ Ketisona꞉ leke popelekena꞉ pua hapeke ya꞉lieke. Homeke homekema꞉ ipika꞉ mea꞉peke ya꞉la꞉ ekita꞉ ota꞉ milieke. Ipika꞉ kenke lokema꞉ epekeeki o hokeeki pa꞉la꞉eki paeyao sikina꞉ ana꞉na꞉ kone milieke.

Taitasi 1:7

Ipikana꞉ma꞉ta꞉ Koda꞉na꞉ hau handeteke hapeke ekina꞉ ipikita꞉ ota꞉eki a꞉nda꞉ na piki hali hapeke yelieke. Ipikita꞉ wanda꞉hali lu pambaake pi lo o mineke a̱i̱ koto kone panka꞉la꞉ o hoke ikali naa keao o wanda꞉hali make ala꞉ta꞉ ala꞉ta꞉ hoeyao tekipuleke lao o I̱ I̱ laa pasa꞉tei pu o dupiki haumanu pu halia꞉ halita꞉ hapeke na yelieke.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

1 Pida 4:10

Iki homeke homekema꞉ Koda꞉na꞉ ta ka꞉la꞉ ta꞉ta꞉ ta꞉ta꞉ pikieki manuta꞉ epeke tupa꞉ handeteke hata꞉ mo Koda꞉ma꞉ kieke ta꞉ta꞉ piki ekima꞉ta꞉ ika꞉ hameke epeaaluekema꞉ pu alualu hapa꞉peke.