Ma꞉tiu 20:7 - Panake Pi La: Ula: Buka pita: Kine Pieke Buka

⁷ Ikana꞉ma꞉ hombo peaaso alota꞉ Yenki e pokomono ma꞉nda꞉ma꞉ niki na mia꞉me. Koto lemeke ipikana꞉ma꞉ alota꞉ Kota꞉ a꞉pa꞉la꞉me mo ya waini pu e pua pokaape leekeme.

Ma꞉tiu 20:7 Mawu Ofanana

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Ma꞉tiu 20:6

Welealo nate leke yunki hata꞉ teke pa꞉ta꞉ ipikana꞉ma꞉ mo makedi hama paa pua mandane haliweki handeekeme. Iki pa꞉ta꞉ pua alota꞉ Pa ekipeke do natena꞉ nate lekemanu paeyaota꞉ pa paeyaaso pimipe laa iki pa꞉ta꞉ lota꞉ piekeme.

Ma꞉tiu 20:8

Nate pambolo pulu haena꞉ta꞉ mo hande e teke halima꞉ mo e haliweki handeteke haena꞉ leeke hali pa꞉ta꞉ alota꞉ Mo haliweki wi laa mombelao ika꞉ yenkimanu hala꞉peke. Yenki halolo hata꞉ mo ota꞉ wetepe siki kini pea e pokeme haliwekina꞉eki amba꞉la kini pea hala꞉tiki puaata꞉ ota꞉ titina꞉ kini pimi haliwekina꞉ ekita꞉ paeyaaso hata꞉ hala꞉peke leekeme.

Dioni 9:4

Hande I̱ tapaala꞉ halina꞉ eta꞉ nate a꞉pa talo haena꞉ pokatiki pumana꞉e. Timba꞉ lolo yapea꞉ka꞉na꞉ta꞉ ipika꞉ e pokaapeke na yelieke.

Aposolo 4:16

Do hali yaapo pa꞉ta꞉ta꞉ eki pumana꞉pe lemekeme. Oni Diutuseleme pa꞉ta꞉ haleme wanda꞉halima꞉ mo ota꞉ na hando haloma꞉eki ma꞉nda꞉ tieke pipikieki amba꞉ opua wilimime. Nikana꞉ma꞉ yapi alo alepeme pi lapeke na ya꞉la꞉pate

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Epesese 6:8

Doeki make hone wia꞉pa꞉peke. Tekehalima꞉ epeke tupa꞉ e pokaaseme haliweki paeyao pa꞉ta꞉ yenki epekeeki halieke. Ma꞉nda꞉na꞉ e pa hameke pokaaseme haliweki pa꞉ta꞉ make ika꞉ e kone pokeleme haliweki pa꞉ta꞉ make epeke yenki milimikie.

Kolosi 1:26

Do pita꞉ amba꞉ hatia epemeke wanda꞉hali paeyao pa꞉ta꞉ta꞉ a꞉mbao wiekepate ameta꞉ ipika꞉ wanda꞉hali pa꞉ta꞉ peneme yaala꞉me.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.