Ma꞉tiu 20:30 - Panake Pi La: Ula: Buka pita: Kine Pieke Buka

³⁰ Koto pulu haena꞉ta꞉ mo pota꞉ nepokona꞉ pitipiki leke holupiki hali yaapoma꞉ Yesu yopula꞉me pi opipikime. Koto ekina꞉ta꞉ ipilikana꞉ma꞉ wi alo alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉e lepekeme.

Ma꞉tiu 20:30 Mawu Ofanana

Ma꞉tiu 13:4

Kutupa ipikana꞉ma꞉ tande lea꞉tiki pulu haena꞉ mandane wae manuta꞉ pota꞉na꞉ lopa꞉ lopa꞉ pieke ekita꞉ ba titima꞉ a꞉pa talopu nemekeme.

Ma꞉tiu 15:22

Koto kenke nane hayeke Keinani wanda꞉ homeke Yesu pa꞉ta꞉ e̱ wi laa a꞉pa alota꞉ Deipidina꞉ eiyekeo. Ya wandiki pa꞉ta꞉ hoke temoko pila꞉ ekima꞉ ipiki ota꞉ epeke tupa꞉ na ula꞉me. Koto ekina꞉ I̱ pa꞉ta꞉ a꞉ta꞉ma꞉ homa꞉peke leekeme.

Ma꞉tiu 20:31

Koto lepeke handa wanda꞉hali wopuma꞉ta꞉ ipiliki pa꞉ta꞉ alota꞉ Pi na lapepema laa sa꞉sa꞉ pimikipate ipilikana꞉ma꞉ ota꞉ wi aneke hapu paa alo alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉e lepekeme.

Ma꞉tiu 21:14

Ipikita꞉ koto Tembolo da tukiki pa꞉ta꞉ haena꞉ kone ipiki pa꞉ta꞉ epemeke mandane leke holupiki wanda꞉hali make dola꞉pake pieke wanda꞉hali make ipikana꞉ma꞉ iki paeyao wamo peayekeme.

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Ma꞉tiu 22:42

Ketiso pa꞉ta꞉ta꞉ ikana꞉ma꞉ta꞉ eki hone witemepe. Ipika꞉ apa꞉mei hali tieketa꞉ epipe leekeme. Ikana꞉ma꞉ hombo peaaso alota꞉ Ketisota꞉ Deipidina꞉ tapake wekie leekeme.

Maka 10:46

Ikana꞉ma꞉ Dietiko da pa꞉ta꞉ opolo pemekeme. Kutupa Yesuma꞉ ipika꞉ disaipolo haliweki make wanda꞉hali wopu make Dietiko da nane mina꞉pa꞉laaso haena꞉ Timeiya꞉sina꞉ eiyeketa꞉ Batimeiya꞉si leke holupiki hali hata꞉ mani honke loluekema꞉ yeke pota꞉ nepokona꞉ pitiekeme.

Luku 4:18

I̱ma꞉ natehali wanda꞉hali pa꞉ta꞉manu mo Pi Seliapomanu laanoyeke mo I̱ mea haena꞉ la꞉la꞉ Tekehalima꞉ ipika꞉ Sipitidi I̱ yaapo hala꞉me. Ipikana꞉ma꞉ I̱ tapaala꞉ ekita꞉ mo dipula pila꞉ wanda꞉hali ikita꞉ ka꞉la꞉pa꞉ tapao halememe lono make mo leke holupiki wanda꞉hali ikita꞉ ika꞉ leke manuma꞉ paa handilimikie laa lonoyeke tapaala꞉me. Kutupa make mo ika꞉ ka꞉nda꞉ manuma꞉ kone tekepa꞉ta꞉ hoeyaapeke ya꞉la꞉ wanda꞉hali ka꞉la꞉pa꞉ tapawano make

Luku 7:21

Koto tomona꞉ kone Yesuma꞉ yeni ta꞉ta꞉ ta꞉ta꞉ hake wanda꞉hali make hoke temoko pitieke wanda꞉hali wopu make leke holu piki wanda꞉hali make paeyao mea epeatiki piekeme.

Aposolo 2:30

Deipidima꞉ta꞉ potopede hali hata꞉ta꞉ hande Koda꞉ma꞉ ipiki pa꞉ta꞉ pi la꞉ wiekeeki piekeme. Koda꞉ma꞉ ipiki pa꞉ta꞉ pi la꞉ witolo alota꞉ Naka꞉ hoki nane halo pa꞉la꞉ hali homeketa꞉ neke kini hali hale tupa꞉ mea haena꞉ lolueke laa la꞉la꞉me.