Ma꞉tiu 20:26 - Panake Pi La: Ula: Buka pita: Kine Pieke Buka

²⁶ pa ikana꞉ma꞉ta꞉ iki tukiki pa꞉ta꞉ ma꞉nda꞉ma꞉ mo koto hau pina꞉ na lelimikie. Dia꞉me. Iki pa꞉ta꞉ hali epima꞉ I̱ tieke halueke hone wia꞉ka꞉na꞉ta꞉ kota꞉ ipikita꞉ iki paeyaona꞉ e pokaasa꞉ hali halieke.

Ma꞉tiu 20:26 Mawu Ofanana

Ma꞉tiu 20:27

Kutupa hali epima꞉ I̱ titina꞉ hali halueke hone wia꞉ka꞉na꞉ta꞉ kota꞉ ipikita꞉ mo hande Wanda꞉halina꞉ Eiyekema꞉ pita꞉la꞉ tupa꞉ iki paeyaona꞉ pahameke e pokaasa꞉ hali halieke

Ma꞉tiu 25:44

Kota꞉ mo tapakema꞉ ipika꞉ pi hombo peaasota꞉ dupa lelimikie. Tekehalio. Hando natena꞉ neke tea꞉ma꞉ homo o ikali na꞉na꞉ma꞉ homo o da ma꞉nda꞉ hali hao o aka꞉ dia꞉ yo o yeni hao o dipula pitu koto haumanu piki handaata꞉ nikana꞉ma꞉ neke na tamba꞉ muma꞉me laa lota꞉ pimika꞉na꞉

Ma꞉tiu 27:55

Kutupa mandane wanda꞉wekima꞉ make hosiki yola꞉ ta꞉pao hata꞉ handeteke haemekeme. Koto wanda꞉wekita꞉ Yesu Ka꞉lili nane hayeke pita꞉ma꞉ta꞉ ipiki teli mea pominolo hata꞉ tamba꞉ mua꞉tiki pomu haemekeme.

Maka 10:43

Koto tupa꞉ lo halemepate ikana꞉ma꞉ta꞉ koto hau na pea꞉pa꞉peke. Iki pa꞉ta꞉ hali epima꞉ I̱ tieke halueke hone wia꞉ka꞉na꞉ta꞉ kota꞉ ipikana꞉ma꞉ ika꞉ hau peawalieke.

Maka 10:45

Pa ekipeke mo Wanda꞉halina꞉ Eiyeke kone mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ epea꞉me leekeme.

Maka 9:35

Kutupa Yesuta꞉ pitiniao pita꞉ mo 12 haliweki wi laa iki pa꞉ta꞉ alota꞉ Hali epima꞉ titina꞉ I̱ halueke hone wia꞉ka꞉na꞉ta꞉ kota꞉ koto halita꞉ wetepena꞉ hali hano laata꞉ wanda꞉hali paeyaona꞉ e pokaasa꞉ hali hano lena꞉e leekeme.

Luku 18:14

Yesuma꞉ alota꞉ I̱ma꞉ iki pa꞉ta꞉ dupa la kitolome. Mo hande Pa꞉tisi halita꞉ da la꞉ka꞉la peeketa꞉ Koda꞉ yaapo halepe ekita꞉ tikitiki na pa꞉la꞉pate pa mo dakisi mu hala꞉ halita꞉ tikitiki pa꞉la꞉me. Pa ekipeke. Ma꞉nda꞉ epima꞉ ipikita꞉ aneke hali au lea꞉ka꞉na꞉ta꞉ kota꞉ Koda꞉ma꞉ ipikita꞉ mina꞉nialieke. Kutupa ma꞉nda꞉ epima꞉ ipika꞉ kone panda꞉ puniaya꞉ka꞉na꞉ta꞉ kota꞉ koto someta꞉ Koda꞉ma꞉ tieke au lalieke leekeme.

Luku 22:26

Koto pa꞉la꞉pate iki ame̱le̱ta꞉ koto tupa꞉ dia꞉me. Koto ekina꞉ iki tukiki pa꞉ta꞉ta꞉ tumiki hali ma꞉nda꞉ haya꞉ka꞉na꞉ta꞉ kota꞉ koto someta꞉ pao wetepena꞉ weki au lena꞉ lapa꞉peke. Kutupa mo you halita꞉ pao e pokaasa꞉ hali au lena꞉ lapa꞉peke.

Dioni 18:36

Yesuma꞉ ipika꞉ pi hombo peaaso alota꞉ Yaka Kilu Tombuao Halo ekita꞉ do kenkena꞉eki dia꞉me. Yaka Kilu Tombuao Halo ekita꞉ do kenkena꞉eki yoluta꞉ I̱ telia꞉ mea pomineleme haliwekima꞉ta꞉ mo Diu haliwekima꞉ I̱ minaama꞉na꞉ yaka a꞉nda꞉ liaalo pimime. Dia꞉me. Yaka Kilu Tombuao Halo ekita꞉ do pa꞉ta꞉eki dia꞉me leekeme.

Aposolo 13:5

Kutupa Salamisa da nane opolo puaata꞉ Diu haliwekina꞉ pi hotu haemeke damanu pa꞉ta꞉ Koda꞉na꞉ pi ale waloendi pu haepekeme. Dioni Makama꞉ make ipiliki petoloendi pu hayekeme.

2 Kotindi 1:24

Nikana꞉ma꞉ta꞉ ika꞉ hone tulaalemeeki manuta꞉ dupi dupi alo dia꞉me. Ikana꞉ma꞉ hone tulaaseme ekita꞉ amba꞉ koto honkopu hao wia haleme handa꞉e. Koto ekina꞉ nikana꞉ma꞉ta꞉ iki ta꞉na꞉ma꞉ homelemeeki mea a꞉paaluekema꞉ iki ame̱le̱ apa꞉tao e pokoloma꞉me.

2 Timodi 1:18

Mo hande Nate tieke opolo epea꞉ka꞉na꞉ta꞉ Koda꞉ ipika꞉ a꞉ta꞉ma꞉ homa꞉la꞉eki koto some pa꞉ta꞉ halena꞉e. Mo hande Epesese nane haoma꞉ toma꞉na꞉ Onesipotasima꞉ tamba꞉ mu hata꞉ pia꞉ hau paeyaota꞉ nakana꞉ma꞉ ota꞉ handeleme.

Pailimono 1:13

I̱ma꞉ Yesuna꞉ Pi Seliapo wala꞉tiki pu haoweke handaa dipula do pilume. Do pilu pa꞉ta꞉ nakana꞉ma꞉ I̱ tamba꞉ mulu pele tupa꞉ta꞉ Onisimasima꞉ naka꞉ anke teke mina꞉ ipikita꞉ I̱ yaapo pa haena꞉e laa hone pa꞉la꞉me.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.

1 Pida 4:11

Epima꞉ta꞉ pi walo haya꞉ka꞉na꞉ta꞉ ota꞉ Koda꞉na꞉ pi homeke wala꞉peke ya꞉la꞉taa. Epima꞉ta꞉ siosi wanda꞉hali tamba꞉ mia꞉ka꞉na꞉ta꞉ ota꞉ Koda꞉na꞉ hala꞉la꞉ wele taapuna꞉ hata꞉ tamba꞉ mia꞉peke ya꞉la꞉taa. Koto ekina꞉ do hau paeyao pilimi ekima꞉ta꞉ Yesu Ketiso pa꞉ta꞉ yama꞉ Koda꞉ yeiya꞉ lapeke yelieke. Mo pa̱a̱ pita꞉la꞉eki make mo kilu tombuao hala꞉eki make ipika꞉eki na paeke pa hao halieke. Kutu pina꞉e.

1 Pida 5:3

Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.

Peneme Yaeyekeeki 17:6

Kutupa mo wanda꞉ta꞉ Koda꞉na꞉ wanda꞉halina꞉ make Yesu pa꞉ta꞉ hone tulaa pelia haemeke handa limiki wanda꞉halina꞉ we na̱a̱ keaya꞉eki handoa꞉me. I̱ma꞉ moeki hando haota꞉ ota꞉ hoke tupa꞉ penkilipa꞉tia pomua꞉me.