Ma꞉tiu 20:16 - Panake Pi La: Ula: Buka pita: Kine Pieke Buka

¹⁶ Koto pi Yesuma꞉ lo a꞉mbolo hata꞉ alota꞉ Koto ekina꞉ mo ame biki na ula꞉ mandane wanda꞉hali woputa꞉ titina꞉ haena꞉ laata꞉ mo ame biki tieke ula꞉ mandane wanda꞉hali woputa꞉ wetepe halo yapilimikie laa leekeme.

Ma꞉tiu 20:16 Mawu Ofanana

Ma꞉tiu 19:30

Koto pa꞉la꞉pate ame do biki tieke ula꞉ mandane wanda꞉hali woputa꞉ wetepe haena꞉ laata꞉ mo ame do biki na ula꞉ mandane wanda꞉hali woputa꞉ titina꞉ halo yapilimikie.

Ma꞉tiu 21:31

Kutupa koto weki yaapo ma꞉nda꞉ hondoma꞉ta꞉ mo hande atekema꞉ hone piekeeki peayekepe leekeme. Ikana꞉ma꞉ hombo peaaso alota꞉ Ipika꞉ mupeke wekima꞉ homekee. Koto laata꞉ Yesuma꞉ alota꞉ I̱ma꞉ iki pa꞉ta꞉ ota꞉ pi alome. Hande dakisi mu hala꞉ haliweki pita꞉ yolo haleme tapakema꞉ iki mina꞉pa꞉lao ikana꞉ma꞉ amba꞉la oli Koda꞉na꞉ Kilu Tombuao Hala꞉ pa꞉ta꞉ pu halememe.

Ma꞉tiu 22:14

Yesuma꞉ koto pi lo paeyaaso hata꞉ alota꞉ Wanda꞉hali woputa꞉ wi ala꞉pate homeke homeketa꞉ ma̱leke lila꞉me leekeme.

Ma꞉tiu 7:13

Mo dekepeke pota꞉ kake pa꞉ta꞉ honda꞉ pamba pua꞉pa꞉peke. Pa ekipeke. Mo ti to hala꞉ alena꞉ pua꞉peke pota꞉ kaketa꞉ peo tieke la make ipika꞉ polo pa꞉la꞉ pota꞉ make aleta꞉ ma꞉nda꞉ na wieke handaa wanda꞉hali wopuma꞉ pua꞉tiki pua꞉tiki pu halememe.

Maka 10:31

Kutu pa꞉la꞉pate ame do titina꞉ halo pa꞉la꞉ wanda꞉hali woputa꞉ wetepena꞉ta꞉ wetepe nane halimikie. Kutupa wetepena꞉ ipula꞉ wanda꞉hali woputa꞉ titina꞉ halo pelimikie leekeme.

Luku 14:24

Pa ekipeke. Amba꞉ hande titina꞉ wi loa꞉ haliweki homeke a꞉nda꞉ma꞉ yaka ne a꞉pa napena꞉ yeke handa loa꞉me leekeme laa leekeme.

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Luku 7:47

I̱ma꞉ neke pa꞉ta꞉ alome. Ipika꞉ pukima꞉ homa꞉la꞉eki tieke I̱ pa꞉ta꞉ peneme yaala꞉ ekima꞉ta꞉ ipika꞉ wopu pa꞉la꞉ hoke hauta꞉ do paeta꞉la꞉ handa꞉e laa wala꞉la꞉me. Koto pa꞉la꞉pate ma꞉nda꞉ma꞉ ipika꞉ hoke hau hosikale siki kone Koda꞉ma꞉ paeyaowaya꞉ka꞉na꞉ta꞉ kota꞉ ipikana꞉ma꞉ Koda꞉ pa꞉ta꞉ta꞉ puki hosikale siki halieke leekeme.

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Loma꞉ 8:30

Koto pa꞉la꞉ ekina꞉ Koda꞉ma꞉ amba꞉ handa꞉ mea ta꞉ta꞉ haena꞉ la꞉la꞉ wanda꞉halita꞉ ipikana꞉ma꞉ wi la꞉la꞉ wanda꞉halie. Kutupa ipikana꞉ma꞉ta꞉ amba꞉ wi la꞉la꞉ wanda꞉halita꞉ ipiki yaapo tikitiki yao haena꞉ la꞉la꞉me. Kutupa ipikana꞉ma꞉ta꞉ ipiki yaapo tikitiki yao haena꞉ la꞉la꞉ wanda꞉halita꞉ ipika꞉ pa̱a̱ pa꞉la꞉eki koto wanda꞉hali pa꞉ta꞉ teli teli peaala꞉me.

Loma꞉ 9:30

Koto ekina꞉ do aloma꞉ pita꞉ eki epina꞉ aloma꞉pe dupae. Diendaili wanda꞉halima꞉ta꞉ Koda꞉ yaapo tikitiki yao haluekema꞉ pota꞉ na weimikipate ikana꞉ma꞉ Koda꞉ pa꞉ta꞉ hone tulaaleme ekima꞉ Koda꞉ma꞉ ikita꞉ ipiki yaapo tikitiki hamina꞉ la꞉la꞉me.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.