Ma꞉tiu 2:22 - Panake Pi La: Ula: Buka pita: Kine Pieke Buka

²² Pate Akelosima꞉ ipika꞉ ateke Hetodi mo Diudia kenke Kini halina꞉ anketeke ma꞉la꞉me pi Diosepema꞉ opuaata꞉ koto kenke nane pua꞉peke paala꞉ma꞉ homeekeme. Kutu pieketa꞉ Koda꞉ma꞉ Diosepena꞉ upa pa꞉ta꞉ pea꞉pekeeki mandaneeki ma꞉nda꞉ paa waleekeme. Koto ekina꞉ta꞉ Diosepema꞉ Ka꞉lili kenke nane hayeke da ma꞉nda꞉

Ma꞉tiu 2:22 Mawu Ofanana

Ma꞉tiu 1:20

Diosepema꞉ koto piki honemanu witolo haena꞉ta꞉ timba ma꞉nda꞉na꞉ ipika꞉ upa pa꞉ta꞉ yama꞉ Koda꞉na꞉ enisolo homeke opolo a꞉pa alota꞉ Deipidina꞉ weki Diosepeo. Meti naka꞉ wanda꞉ haena꞉ muluekema꞉ta꞉ paala꞉ma꞉ na homa꞉peke. Pa ekipeke mo weki pita꞉la꞉ ekita꞉ mo Holi Sipitidima꞉ kone peawala꞉me.

Ma꞉tiu 2:1

Mo hande Hetodi kini hayeke dina꞉ta꞉ Yesu Diudia kenke pa꞉ta꞉ hayeke da Beteleha꞉ma꞉ nane mendiekeme. Hosiki hao hoki naneta꞉ hombulanka꞉ yata꞉pu haemeke mandane haliwekima꞉ nate opa꞉la꞉ nanema꞉ yama꞉ Diutuseleme da nane a꞉pa

Ma꞉tiu 2:19

Mo hande Kini Hetodi homeekeeki hoki naneta꞉ Diosepeta꞉ Idiepi kenke pa꞉ta꞉ pa haena꞉ mo enisolo homekema꞉ ipika꞉ upa pa꞉ta꞉ opolo a꞉pa alota꞉

Ma꞉tiu 2:21

Koto leeke Diosepema꞉ tiao mo weki ankula꞉ hatuku mea mina꞉ Isulai kenke nane pemekeme.

Ma꞉tiu 3:13

Koto pita꞉ma꞉ta꞉ Yesu mo Ka꞉lili kenke mina꞉pa꞉lao Dionima꞉ ipiki bapitaisi peaena꞉ mo Diodani ikali pa꞉ta꞉ epeekeme.

Luku 2:39

Mo Tekehalina꞉ pi ula꞉ ekima꞉ pea꞉pa꞉peke la꞉la꞉ hau paeyao pu paeyaepeketa꞉ mo Ka꞉lili nane ota꞉ ipilika꞉ haepeke da Na꞉sa꞉tete nane paa pepekeme.

Dioni 7:52

Mo haliwekima꞉ ipiki lu pambaaso alota꞉ Neke make mo hande Ka꞉lili hali yekea. Mo Baibolo buka yata꞉pata꞉ mo Koda꞉na꞉ potopede hali ma꞉nda꞉ta꞉ oli Ka꞉lili nane hao epolo pa꞉la꞉eki na handilipikie lemekeme.