Ma꞉tiu 2:13 - Panake Pi La: Ula: Buka pita: Kine Pieke Buka

¹³ Mo hande kimisu haliweki pemeke hoki naneta꞉ mo Tekehalina꞉ enisoloma꞉ Diosepe pa꞉ta꞉ upana꞉ walolo alota꞉ Hetodima꞉ mo wekisiki luluekema꞉ weilieke. Koto ekina꞉ta꞉ tiao mo weki ankula꞉ hatuku mea Idiepi nane pindipa pua I̱ma꞉ paa la꞉ka꞉la pua꞉pa꞉peke lolo poloeki handeteke hapa꞉peke.

Ma꞉tiu 2:13 Mawu Ofanana

Ma꞉tiu 1:20

Diosepema꞉ koto piki honemanu witolo haena꞉ta꞉ timba ma꞉nda꞉na꞉ ipika꞉ upa pa꞉ta꞉ yama꞉ Koda꞉na꞉ enisolo homeke opolo a꞉pa alota꞉ Deipidina꞉ weki Diosepeo. Meti naka꞉ wanda꞉ haena꞉ muluekema꞉ta꞉ paala꞉ma꞉ na homa꞉peke. Pa ekipeke mo weki pita꞉la꞉ ekita꞉ mo Holi Sipitidima꞉ kone peawala꞉me.

Ma꞉tiu 10:23

Ikana꞉ma꞉ daoni homeke a꞉nda꞉ pa꞉ta꞉ halimipate wanda꞉halima꞉ iki pa꞉ta꞉ tanda kimika꞉na꞉ta꞉ kota꞉ daoni ma꞉nda꞉ pa꞉ta꞉ pindipa pua꞉pa꞉peke. I̱ma꞉ iki pa꞉ta꞉ ota꞉ ota꞉ pi alome. Mo Wanda꞉halina꞉ Eiyeke opolo epea꞉ka꞉na꞉ta꞉ ikana꞉ma꞉ mo Isulaina꞉ daoni paeyao pa꞉ta꞉ pokolo peleme emanu paeyao titina꞉ amba꞉la na mina꞉pa꞉lalimikie alome.

Ma꞉tiu 2:12

Kutaata꞉ Koda꞉ma꞉ iki pa꞉ta꞉ alota꞉ Hetodi pa꞉ta꞉ paa na pua꞉pa꞉peke laa leeke handata꞉ pota꞉ ma꞉nda꞉ nanema꞉ paka꞉lao ika꞉ da yu nane la꞉ka꞉la pemeekeme.

Ma꞉tiu 2:14

Koto leekeeki opuaata꞉ Diosepema꞉ tiao ipika꞉ weki ankula꞉ hatuku mea koto timba kone mo da mina꞉pa꞉lao Idiepi nane pemekeme.

Ma꞉tiu 2:16

Hetodima꞉ta꞉ mo hande nate opa꞉la꞉ nane hao epemeke kimisu hali wekima꞉ta꞉ ipiki makeao pemekeeki handaata꞉ ipikana꞉ma꞉ mineke tieke pankeekeme. Koto ekina꞉ta꞉ ipikana꞉ma꞉ mo Beteleha꞉ma꞉ da teke pa꞉ta꞉ make nepoko nepoko haemeke damanu pa꞉ta꞉ make ika꞉ bapi yaapo lombei na piki wekitonu paeyao homena꞉ lu paeyaapa꞉peke laa la꞉ wiekeme. Mo hande kimisu haliwekima꞉ hande titina꞉ hombulanka꞉ opeeke nate ipiki pa꞉ta꞉ la halemekeeki Hetodima꞉ hone puaata꞉ dupiki wekitonu homeke lia꞉peke ya꞉la꞉me leekeme.

Ma꞉tiu 2:22

Pate Akelosima꞉ ipika꞉ ateke Hetodi mo Diudia kenke Kini halina꞉ anketeke ma꞉la꞉me pi Diosepema꞉ opuaata꞉ koto kenke nane pua꞉peke paala꞉ma꞉ homeekeme. Kutu pieketa꞉ Koda꞉ma꞉ Diosepena꞉ upa pa꞉ta꞉ pea꞉pekeeki mandaneeki ma꞉nda꞉ paa waleekeme. Koto ekina꞉ta꞉ Diosepema꞉ Ka꞉lili kenke nane hayeke da ma꞉nda꞉

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 10:7

Kutupa mo hande ipiki pa꞉ta꞉ pi leeke enisolo peeke nane ipika꞉ e pokao hayeke hali yaapo make ipiki teke pa꞉ta꞉ hayeke ami hali homeke make wi leekeme. Mo ipiki teke pa꞉ta꞉ hayeke ami halita꞉ Koda꞉ pa꞉ta꞉ paala꞉ma꞉ homo hayekeme.

Aposolo 12:11

Koto pita꞉ta꞉ Pidama꞉ hone wiekeme. Ameta꞉ ota꞉ hone wia handolome leekeme. Tekehalima꞉ ipika꞉ enisolo tapao mo Hetodima꞉ I̱ mia꞉ ekita꞉ mo Diu wanda꞉halima꞉ I̱ pa꞉ta꞉ pulu pelemeeki make I̱ tamba꞉ mia꞉me leekeme.

Aposolo 12:7

Kuta kone Tekehalina꞉ enisolo homeke epeeketa꞉ mo da panda꞉ pa꞉ta꞉ pa̱a̱ tieke piekeme. Kutupa ipikana꞉ma꞉ Pida a꞉pa lu tiaaso alota꞉ A̱i̱ tiae leekeme. Kutupa hande seni pumanu ipika꞉ kiki pa꞉ta꞉ kone tunkulupa lopa꞉ lopa꞉ piekeme.

Aposolo 16:36

Koto leeke ekina꞉ mo dipula handeteke hayeke halima꞉ koto pita꞉ Polo pa꞉ta꞉ alota꞉ Mo pi yokaalu peao haleme haliwekima꞉ I̱ pa꞉ta꞉ pi dupa la꞉neala꞉me. Koto hali yaapota꞉ pa pena꞉ tapae la꞉neala꞉me leekeme. Koto la꞉la꞉ ekina꞉ ipilikita꞉ do dipula da pao yopu pupe laa leekeme.

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

Aposolo 7:19

Nika꞉ tapake wanda꞉hali pa꞉ta꞉ ipikana꞉ma꞉ makeatiki pea puki tandama꞉ homaatiki piekeme. Panake hamba꞉ mea mendimiki wekisunu da pa꞉ta꞉ na mondu wia pitina꞉ leke pa hama꞉ nane homena꞉yeke mondu batiki pina꞉ leekeme.

Peneme Yaeyekeeki 12:14

Mo wanda꞉ta꞉ ipika꞉ da mo hapupapeke alena꞉ pena꞉yeketa꞉ ida tiekena꞉ popake yaapo halea꞉me. Koto pa꞉ta꞉ta꞉ mo popake itiki hake sima꞉ hoeyaapa꞉na꞉ bapi tepona꞉ yunki mindiki hata꞉ kaisepona꞉ handeteke halo pia꞉ pa꞉ta꞉e.

Peneme Yaeyekeeki 12:4

Ipika꞉ mendekema꞉ta꞉ mo hombulanka꞉manu tepo tekilipa homeke ma꞉nda꞉ta꞉ mo ya mina꞉pa꞉lao yola yopua do kenkena꞉ wekila꞉ lopaeya꞉me. Mo aleta꞉ mo wanda꞉ma꞉ weki mondu lopaeya꞉ka꞉na꞉ mea nolueke alo puki tikitiki pua haya꞉me.

Peneme Yaeyekeeki 12:6

Mo wanda꞉ta꞉ Koda꞉ma꞉ ipika꞉ amu pea wia꞉yeke hapupapeke alena꞉ pindipa pea꞉me. Koto alena꞉ta꞉ mo wanda꞉ daoseni homeke kutupa 260 natena꞉ handeteke halo pia꞉ alena꞉e.