Ma꞉tiu 19:9 - Panake Pi La: Ula: Buka pita: Kine Pieke Buka

⁹ Kota꞉ ameta꞉ I̱ma꞉ iki pa꞉ta꞉ dupa alome. Hali ma꞉nda꞉na꞉ wanda꞉ma꞉ta꞉ ipilika꞉ tooli halepeeki na hoeyaasa꞉pate pa mo halima꞉ ipika꞉ kone kiao tapao wanda꞉ ma꞉nda꞉ mia꞉ka꞉na꞉ta꞉ kota꞉ koto halima꞉ ipika꞉ kone mo ipilika꞉ tooli halepeeke ka꞉tao hoeyaasa꞉me leekeme.

Ma꞉tiu 19:9 Mawu Ofanana

Kini Pieke 20:3

Timba ma꞉nda꞉ta꞉ mo some pa꞉ta꞉ Koda꞉ma꞉ upama꞉ a꞉pa alota꞉ Nakana꞉ma꞉ do amba꞉ ma꞉nda꞉ma꞉ ma꞉la꞉ wanda꞉ mele ekina꞉ neke homilipikie leekeme.

Ma꞉tiu 19:10

Koto leekeeki opua ipika꞉ disaipolo haliwekima꞉ Yesu pa꞉ta꞉ alota꞉ Tooli pa꞉ta꞉ kutu piki hau wia꞉peke ya꞉ka꞉na꞉ta꞉ kota꞉ wanda꞉ na miki pa hata꞉ta꞉ epilieke lemekeme.

Ma꞉tiu 19:8

Yesuma꞉ ika꞉ pi hombo peaaso alota꞉ Mosesima꞉ koto piki wanda꞉ kiao tapaasa꞉ pi uleke wiki hauta꞉ kota꞉ ika꞉ puki ota꞉ taka꞉la pa pa꞉leke handolo hata꞉ wia pa꞉la꞉me. Koto piekepate mo hande Koda꞉ma꞉ wanda꞉hali kini peayeke toma꞉na꞉ta꞉ kutu piki hau na piekeme.

Ma꞉tiu 5:32

Pate ame I̱ma꞉ iki pa꞉ta꞉ la kitolo ekita꞉ dupa. Hali homeke ma꞉nda꞉ma꞉ a꞉nda꞉ ipika꞉ wanda꞉ta꞉ hali na yolo halia꞉pate pa hameke kone kiaeya꞉ka꞉na꞉ta꞉ kota꞉ koto wanda꞉ma꞉ wetepe hali ma꞉nda꞉na꞉ da pea꞉ka꞉na꞉ta꞉ kota꞉ mo kiao baeya꞉ halima꞉ta꞉ mo wanda꞉ma꞉ hali yola꞉la꞉ hau pina꞉ la꞉la꞉ hali hala꞉me. Kutaa mo koto wanda꞉ mina꞉la꞉ hali make yola꞉la꞉ hau kone pita꞉la꞉me.

Luku 16:18

Hali ma꞉nda꞉ epima꞉ ipika꞉ wanda꞉ kiao wanda꞉ ma꞉nda꞉ mia꞉ka꞉na꞉ta꞉ kota꞉ koto halima꞉ta꞉ tooli ka꞉taasa꞉ hau pita꞉la꞉me. Kutupa mo kiala꞉ wanda꞉ mina꞉la꞉ halima꞉ make hali ma꞉nda꞉na꞉ wanda꞉na꞉ hakopu tunku la꞉la꞉me leekeme.

1 Kotindi 5:1

Hali ma꞉nda꞉na꞉ wanda꞉ hoeyaasa꞉ hau iki ame̱le̱ ula꞉ ekita꞉ amba꞉ opolome. Kutupa mo kutu piki hauta꞉ mo pi na miki wanda꞉halima꞉ make na pu haleme hau kone pa꞉la꞉me. Hande hauta꞉ dupa. Hali ma꞉nda꞉ma꞉ ipika꞉ atekena꞉ wanda꞉ kone ma꞉la꞉ ekina꞉ loa꞉me.

1 Kotindi 7:39

Kutupa mo halina꞉ da pa꞉la꞉ wanda꞉ma꞉ta꞉ ipika꞉ haliki paa haya꞉ka꞉na꞉ta꞉ kota꞉ ipika꞉ haliki pa꞉ta꞉ hapeke ya꞉la꞉me. Koto pa꞉la꞉pate ipika꞉ haliki homea꞉ka꞉na꞉ta꞉ kota꞉ ipika꞉ hone pa꞉la꞉ halina꞉ da pa꞉ta꞉ pua꞉peke ya꞉la꞉pate pa ota꞉ Ketiso halina꞉ da pea꞉ka꞉na꞉ta꞉ ana꞉ pilieke.

1 Kotindi 7:4

Koto pa꞉la꞉ ekima꞉ wanda꞉ma꞉ta꞉ ipika꞉ loke ipika꞉ kone na handeteke hala꞉pate halikima꞉ handeteke hala꞉me. Halima꞉ make ipika꞉ loke ipika꞉ kone na handeteke hala꞉pate ipika꞉ wetekema꞉ handeteke hala꞉me.