Ma꞉tiu 19:4 - Panake Pi La: Ula: Buka pita: Kine Pieke Buka

⁴ Yesuma꞉ ika꞉ pi hombo peaaso alota꞉ Mo hande wanda꞉hali kini peao Wepieke Tekehalima꞉ta꞉ hali pita꞉ wanda꞉ yaapo wepiekeme la꞉la꞉ Baibolona꞉ wape pea ula꞉ pita꞉ ikana꞉ma꞉ na yata꞉pa alemepe.

Ma꞉tiu 19:4 Mawu Ofanana

Kini Pieke 1:27

Koto ekina꞉ta꞉ Koda꞉ma꞉ wanda꞉hali ipikima꞉ kone handena꞉ wepiekeme. Ipikana꞉ma꞉ta꞉ hali tapake pita꞉ wanda꞉ tapake yaapo wepiekeme.

Kini Pieke 2:18

Kutupa mo Tekehali Koda꞉ma꞉ alota꞉ Mo hali ipika꞉ siki hata꞉ta꞉ hoela꞉me. I̱ma꞉ta꞉ ipiki tamba꞉ mina꞉ ota꞉ epeke ta꞉ma꞉ni ma꞉nda꞉ wepulueke laa leekeme.

Kini Pieke 2:23

Kutu pieke mo halima꞉ alota꞉ Ameta꞉ wetepe siki nane I̱ma꞉ handeke yankeke ma꞉nda꞉ doe. Ipika꞉ holikita꞉ yaka holiki pa꞉ta꞉ yama꞉ kone mea ipika꞉ loketa꞉ yaka loke pa꞉ta꞉ yama꞉ kone ma꞉la꞉me. Ipikita꞉ mo hali pa꞉ta꞉ yama꞉ kone miekeeki yalo hata꞉ta꞉ ipika꞉ bikita꞉ wanda꞉e leekeme.

Kini Pieke 5:2

hali pita꞉ wanda꞉ yaapo wepiekeme. Ipikana꞉ma꞉ta꞉ mo tooli ta꞉na꞉ma꞉ homaasa꞉ pi laaka꞉na꞉ ipilika꞉ bikita꞉ Wanda꞉halie laa wiekeme.

Ma꞉tiu 12:3

Yesuma꞉ ika꞉ pi hombo peaaso alota꞉ Mo hande Deipidi ipika꞉ haliweki ame̱le̱ iki tea꞉ma꞉ homemeke natena꞉ta꞉ Deipidima꞉ pieke ekita꞉ hoto homeke a꞉nda꞉na꞉ na yata꞉pa handemepe.

Ma꞉tiu 21:42

Yesuma꞉ iki pa꞉ta꞉ alota꞉ Mo Baibolo bukana꞉ wape pea ula꞉ pima꞉ta꞉ dupa la꞉la꞉ma꞉ na yata꞉pelemepe. Mo da a꞉eyo haemeke haliwekima꞉ Hoela꞉me laa kiaemeke toopi kone ameta꞉ keneme pa꞉ta꞉ mo dana꞉ teke toopi ula꞉me. Kutu pieke ekita꞉ Tekehalima꞉ kone pia꞉me. Koto ekina꞉ koto hau nikana꞉ma꞉ handolo hata꞉ Ba꞉sa꞉sa꞉e. Tekehalima꞉ peaasa꞉ haue aloma꞉me laa la꞉la꞉me leekeme.

Ma꞉tiu 21:6

Mo hande hali yaapoma꞉ta꞉ Yesuma꞉ leeke tupa꞉ puaata꞉

Ma꞉tiu 22:31

Kutupa Yesuma꞉ pi ma꞉nda꞉ alota꞉ Mo hande homemeke wanda꞉hali paa tiaalo pelemeeki pa꞉ta꞉ Koda꞉ma꞉ ipika꞉ wape pea ula꞉ pina꞉ iki pa꞉ta꞉ lea꞉ pita꞉ na yata꞉pemepe. Ipikana꞉ma꞉ alota꞉

Maka 12:10

Kota꞉ mo Baibolo bukana꞉ wape pea ula꞉ pi do ekita꞉ na yata꞉pelemepe. Mo da a꞉eyo haemeke haliwekima꞉ baemeke toopita꞉ da keneme nane ota꞉ teke toopi ula꞉me.

Maka 12:26

Kutupa Yesuma꞉ pi ma꞉nda꞉ alota꞉ Mo hande homemeke wanda꞉hali paa tiaalo pelemeeki pa꞉ta꞉ alome dupa. Mosesima꞉ wape pieke bukana꞉ mo hande pa hayeke ti sikina꞉ kone ti to hayekeeki na yata꞉pemepe. Do mana꞉ta꞉ Koda꞉ma꞉ Mosesi pa꞉ta꞉ leekeme dupa. I̱ta꞉ Eipoloha꞉ma꞉na꞉ Koda꞉ make Aisa꞉kena꞉ Koda꞉ make Dieikopena꞉ Koda꞉ make halome leekeme.

Maka 2:25

Yesuma꞉ iki pa꞉ta꞉ alota꞉ Mo hande Deipidima꞉ pieke ekita꞉ hoto homeke a꞉nda꞉ na yata꞉pemepe.

Luku 10:26

Koto leeke Yesuma꞉ ipika꞉ pi hombo peaaso alota꞉ Mo hande Baibolo pi manuma꞉ta꞉ eki ala꞉pe. Nakana꞉ma꞉ta꞉ ekipa hone wilipe leekeme.

Luku 6:3

Koto lemeke Yesuma꞉ iki pa꞉ta꞉ alota꞉ Deipidi ipiki ame̱le̱ haemeke haliweki hoto ma꞉nda꞉na꞉ tea꞉ma꞉ homolo hata꞉ Deipidima꞉ pieke ekita꞉ na yata꞉pemepe.