Ma꞉tiu 19:16 - Panake Pi La: Ula: Buka pita: Kine Pieke Buka

¹⁶ Nate homeke ma꞉nda꞉na꞉ta꞉ hali homeke Yesu pa꞉ta꞉ a꞉pa alota꞉ Disao. I̱ma꞉ deto hala꞉eki muluekema꞉ta꞉ epeke hau ma꞉nda꞉ handoeki peonope laa lota꞉ piekeme.

Ma꞉tiu 19:16 Mawu Ofanana

Ma꞉tiu 19:15

Koto laata꞉ ipikana꞉ma꞉ mo weki wandiki manda ipika꞉ kiki wiaata꞉ koto pa꞉ta꞉ mina꞉pa꞉lao peekeme.

Ma꞉tiu 19:26

Yesuma꞉ iki handa꞉ hake witolo alota꞉ Koto hauta꞉ wanda꞉halima꞉ ika꞉ kone koto pea꞉peke na ya꞉la꞉pate Koda꞉ma꞉ homeke ana꞉ pa꞉la꞉me. Koda꞉ma꞉ta꞉ hau paeyao pea꞉peke ya꞉la꞉me leekeme.

Ma꞉tiu 19:29

Kutaa make mo mandaali epi a꞉nda꞉ma꞉ I̱ teliolo hata꞉ ika꞉ da o ika꞉ hameketiti o ana꞉titi o apa꞉ ama꞉ o weki wandiki sunu o kenkemanu make mina꞉pa꞉laemeka꞉na꞉ta꞉ kota꞉ do kenkena꞉ hata꞉ kone mo ika꞉ mina꞉pa꞉laleme ale manuta꞉ paa 100 tupa꞉ lombei peao meata꞉ deto hala꞉eki make milimikie.

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Dioni 12:25

Hali epima꞉ ipika꞉ da꞉ta꞉la꞉eki kone hone wotu wia꞉ka꞉na꞉ta꞉ ipika꞉ da꞉ta꞉la꞉ ekita꞉ alupilieke. Hali epima꞉ do kenkena꞉ hata꞉ ipika꞉ da꞉ta꞉la꞉eki kone hone wopu na wia꞉ka꞉na꞉ta꞉ ipika꞉ da꞉ta꞉la꞉eki mea miniki hata꞉ da꞉ta hao halo pa꞉la꞉eki kone yelieke.

Dioni 3:15

ipiki pa꞉ta꞉ hone tulao haleme wanda꞉halima꞉ deto hala꞉eki mina꞉yeke haliwekima꞉ ipiki mea a꞉meiyalieke.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

Dioni 6:47

Iki pa꞉ta꞉ ota꞉ pi alome laata꞉ I̱ pa꞉ta꞉ hone tulaasa꞉ halita꞉ da꞉ta hao hala꞉me.

Dioni 6:68

Saimono Pidama꞉ ipika꞉ pi hombo peaaso alota꞉ Tekehalio. Epi pa꞉ta꞉ pomonope. Naka꞉ pi manuta꞉ da꞉tao hala꞉ pimanue.

Aposolo 16:30

Hali yaapoo. Deto hala꞉eki muluekema꞉ta꞉ eki peonope leekeme.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 5:21

Koto ekina꞉ wanda꞉hali paeyao homolo puma꞉ ekina꞉ hoke hau pita꞉la꞉eki titipu wotu piekeme. Koto tupa꞉ kone Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ nikita꞉ ipiki yaapo tikitiki yao hamono laata꞉ da꞉ta hao hamono la꞉la꞉me. Koto pa꞉la꞉ ekima꞉ Koda꞉ ipika꞉ pa hameke a꞉ta꞉ma꞉ homa꞉la꞉eki titipu wopu pa꞉la꞉eki peneme yao wala꞉la꞉me. Kutupa koto pa꞉la꞉ ekita꞉ Koda꞉ma꞉ nika꞉ Tekehali Yesu Ketisoma꞉ peaena꞉ leekeme.

1 Timodi 1:16

Koda꞉ma꞉ I̱ pa꞉ta꞉ a꞉ta꞉ma꞉ homeekeme. Ipikana꞉ma꞉ koto I̱ pa꞉ta꞉ a꞉ta꞉ma꞉ homeeke ekina꞉ teketa꞉ Ketiso Yesuma꞉ mo wetepe hone tulao da꞉ta꞉la꞉eki mulu peleme wanda꞉halima꞉ ipika꞉ a꞉ta꞉ma꞉ homa꞉la꞉eki I̱ pa꞉ta꞉ pieketa꞉ iki pa꞉ta꞉ make pina꞉ I̱ pa꞉ta꞉ amba꞉la wala꞉la꞉me.

1 Timodi 6:12

Wanda꞉halima꞉ hoto neli kita꞉la꞉ nate nina꞉ mo hande tombo muluekema꞉ honkopu hao a̱i̱ya pu halememe. Koto tupa꞉ nakana꞉ma꞉ make Koda꞉ pa꞉ta꞉ hone tulaaso hata꞉ naka꞉ deto hala꞉ ekita꞉ mo tombo wataasa꞉ tupa꞉ muluekema꞉ ota꞉ honkopu hao a̱i̱ya pu hapeke. Koto deto hala꞉ ekita꞉ nakana꞉ma꞉ wanda꞉hali wopuna꞉ leke popelekena꞉ Koda꞉ pa꞉ta꞉ hone tulaasome alo hata꞉ peneme yaeketa꞉ kota꞉ Koda꞉ma꞉ muelena꞉yeke neke wi lea꞉me.

1 Timodi 6:19

Koto hau a꞉nda꞉ pu haemeka꞉na꞉ta꞉ kota꞉ ika꞉ wetepe hapeke yolo pa꞉la꞉ ekina꞉ epeke teke u haena꞉ lelimikie. Kutu pimika꞉na꞉ta꞉ kota꞉ mo ota꞉ deto hala꞉eki miniki hao halimikie.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

Taitasi 3:7

Kutu pieke ekima꞉ta꞉ mo Ketiso ipika꞉ a꞉ta꞉ma꞉ homeeke ekina꞉ niki Koda꞉na꞉ leke popelekena꞉ tikitiki pea make nika꞉ hone puaasoma꞉ deto hala꞉eki make miomono piekeme. Do ala꞉ pita꞉ ota꞉ pie.

1 Dioni 1:2

Hande Da꞉ta꞉la꞉ ekita꞉ do kenkema꞉ handolo poloma꞉ tupa꞉ peneme yamo epeeke handa nikana꞉ma꞉ handoma꞉me. Kutupa koto mo Ateke yaapo hao hayeke niki pa꞉ta꞉ peneme yaeya꞉ Deto hala꞉ ekina꞉ pi iki pa꞉ta꞉ la kitolome.

1 Dioni 2:25

Kotota꞉ mo hande Ketisoma꞉ niki pa꞉ta꞉ kulueke laa pi la꞉ wia꞉ ekita꞉ Da꞉ta꞉la꞉eki lataa.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Diudi 1:21

Kutupa ikana꞉ma꞉ta꞉ mo nika꞉ Tekehali Yesu Ketiso ipika꞉ a꞉ta꞉ma꞉ homolo kita꞉la꞉ deto hala꞉eki muluekema꞉ yu wia꞉ hata꞉ta꞉ Koda꞉na꞉ pukima꞉ homa꞉la꞉eki oto pa꞉ta꞉ hapa꞉peke.