Ma꞉tiu 19:14 - Panake Pi La: Ula: Buka pita: Kine Pieke Buka

¹⁴ Kutu pimikipate Yesuma꞉ alota꞉ Weki wandikisunu make I̱ pa꞉ta꞉ epena꞉ma꞉ sa꞉sa꞉ na pea꞉pa꞉peke. Pa ekipeke do weki wandikima꞉ handeke wanda꞉halita꞉ mo hepenina꞉ Kilu Tombuao Hala꞉eki ana꞉na꞉ handilimikie.

Ma꞉tiu 19:14 Mawu Ofanana

Kini Pieke 21:4

Kutupa mo weki nate ketepo hata꞉ mieketa꞉ mo hande Koda꞉ma꞉ pia꞉peke laa leeke tupa꞉ sekemesaisi hau peayekeme.

Ma꞉tiu 11:25

Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Ma꞉tiu 18:3

Kutaa ipikana꞉ma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ hone topo pina꞉ lena꞉ laata꞉ mo weki siki leke na haemeka꞉na꞉ta꞉ kota꞉ ikana꞉ma꞉ hepenina꞉ Kilu Tombuao Hala꞉ pa꞉ta꞉ ota꞉ na honda꞉ pambilimikie.

Ma꞉tiu 19:15

Koto laata꞉ ipikana꞉ma꞉ mo weki wandiki manda ipika꞉ kiki wiaata꞉ koto pa꞉ta꞉ mina꞉pa꞉lao peekeme.

Ma꞉tiu 5:10

Ika꞉ Koda꞉na꞉ hone pa꞉la꞉eki peaaseme ekina꞉ kone mandane wanda꞉halima꞉ iki pa꞉ta꞉ tandamanu halemeka꞉na꞉ta꞉ kota꞉ ikana꞉ma꞉ta꞉ ta꞉na꞉ma꞉ homo halememe. Mo hepenina꞉ Kilu Tombuao Hala꞉ ekita꞉ ika꞉ ekie.

Ma꞉tiu 5:3

Mandane wanda꞉hali epi ikana꞉ma꞉ ika꞉ pukima꞉ Ya temoko teketa꞉ natehali halome hone u haemeka꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe. Mo hepenina꞉ Kilu Tombuao Hala꞉ ekita꞉ ika꞉ ekie.

Maka 10:15

Iki pa꞉ta꞉ ota꞉ pi alome. Wanda꞉hali epima꞉ mo wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

1 Kotindi 14:20

Kametitio. Ikana꞉ma꞉ wekisunuma꞉ witeleme hone leke wia na hapa꞉peke. Hoke hau pita꞉la꞉ ekina꞉ta꞉ wekisunu leke hapeke ya꞉la꞉pate pa ika꞉ hone witeleme ekina꞉ta꞉ keileke wanda꞉hali hata꞉ witeleme hone leke wia꞉pa꞉peke.