Ma꞉tiu 19:12 - Panake Pi La: Ula: Buka pita: Kine Pieke Buka

¹² Yesuma꞉ iki pa꞉ta꞉ opua꞉pe laata꞉ Ta꞉ta꞉ ta꞉ta꞉ piki haliweki halememe. Mandane haliwekita꞉ ika꞉ ama꞉na꞉ weleke pa꞉ta꞉ kone hali atua ma꞉nda꞉la꞉ ekima꞉ pu make mandane haliwekita꞉ wanda꞉halima꞉ ki̱a̱yeke ekima꞉ pu make kutupa mandane haliwekima꞉ta꞉ Koda꞉na꞉ Kilu Tombuao Hala꞉eki pa꞉ta꞉ hone u pitolo hata꞉ wanda꞉ mina꞉la꞉ hauta꞉ kiao halememe. Do pi opua miniki hapeke ya꞉la꞉ somema꞉ miniki haena꞉e leekeme.

Ma꞉tiu 19:12 Mawu Ofanana

Ma꞉tiu 19:11

Yesuma꞉ mo pi hombo peaaso alota꞉ Do walolo pita꞉ pa paeyaoma꞉ opua miniki hapeke na ya꞉la꞉pate pa mandaali epi Koda꞉ma꞉ kutu pina꞉ la꞉la꞉ haliwekima꞉ homeke opua miniki halimikie.

Ma꞉tiu 19:13

Mandane wanda꞉halima꞉ weki wandiki sunu Yesu ipika꞉ kikima꞉ wataaso hata꞉ yeni pina꞉yeke hatuku epemekeme. Kutu pimieki handolo mo ipika꞉ disaipolo haliwekima꞉ iki hando alo hata꞉ tolu limikime.

1 Kotindi 9:15

Koto la꞉la꞉pate I̱ma꞉ta꞉ koto tupa꞉ aleta꞉ ma꞉nda꞉ na molome. Kutupa ame make aleta꞉ ma꞉nda꞉ muluekema꞉ iki pa꞉ta꞉ do wape ota꞉ na tapaasome. Kie laapa꞉na꞉ I̱ amba꞉la homa꞉peke aleo. I̱ma꞉ iki ame̱le̱ ota꞉ pa hameke e pokolo ekina꞉ pi laaso ekita꞉ hali homeke a꞉nda꞉ma꞉ Paeki ala꞉me laa pi laapa꞉na꞉yeke loa꞉me.

1 Kotindi 9:5

Mo mandane aposolo haliwekima꞉ make mo Tekehalina꞉ hameke titima꞉ make Pidama꞉ make koto haliwekima꞉ piteleme tupa꞉ I̱ make Ketiso wanda꞉ mea hatuku pomua꞉peke ana꞉ na pa꞉la꞉pe.

Peneme Yaeyekeeki 14:4

Ikita꞉ wanda꞉weki hakopu na tunkulimieki yaalo yakopiki haliweki haememe. Ikana꞉ma꞉ta꞉ mo Sipisipi Ma꞉na꞉ Ikiki pea꞉ pa꞉ta꞉ta꞉ telipaleke ombu haememe. Ikita꞉ kenke wanda꞉hali paeyao anka꞉lopuna꞉ epeaala꞉ tapakee. Ikita꞉ Koda꞉ pa꞉ta꞉ make mo Sipisipi Ma꞉na꞉ Ikiki pa꞉ta꞉ make titina꞉ halo pa꞉la꞉ tapakee.