Ma꞉tiu 18:19 - Panake Pi La: Ula: Buka pita: Kine Pieke Buka

¹⁹ Pa ameta꞉ do pi make apa꞉taaso iki pa꞉ta꞉ alome. Iki paeyao tukiki pa꞉ta꞉ epi yaapo a꞉nda꞉ma꞉ mo pea꞉peke hau homeke a꞉nda꞉ do pate puluekema꞉ epena꞉e laa homeke hone wia hata꞉ yeni pipika꞉na꞉ta꞉ kota꞉ oli ya hepeni hala꞉ Apa꞉ma꞉ opua ipilika꞉ hone pa꞉la꞉ ekita꞉ ota꞉ peawalieke.

Ma꞉tiu 18:19 Mawu Ofanana

Ma꞉tiu 21:22

Ikana꞉ma꞉ ota꞉ hone tulaemeka꞉na꞉ta꞉ kota꞉ mo ika꞉ yeni pitolo honke alo alemeeki kone ota꞉ milimikie.

Ma꞉tiu 5:24

kota꞉ naka꞉ mo pa hameke hala꞉pekeeki koto pa꞉ta꞉ kone mina꞉pa꞉laota꞉ koto kone a̱i̱ la꞉ka꞉la pua naka꞉ kame yaapo a꞉nda꞉ pelia꞉pa꞉peke. Kutupa paeya꞉ka꞉na꞉ta꞉ la꞉ka꞉la a꞉pa mo naka꞉ pa hameke hala꞉pekeeki Koda꞉ pa꞉ta꞉ hala꞉peke.

Ma꞉tiu 7:7

Honke leka꞉na꞉ta꞉ kilieke. Weika꞉na꞉ta꞉ handa꞉ wilipikie. Kilikili laeka꞉na꞉ta꞉ mo neke pa꞉ta꞉ lombawalieke.

Maka 11:24

Koto ekina꞉ iki pa꞉ta꞉ alome. Ala꞉ta꞉ ma꞉nda꞉na꞉ yeni pitolo hata꞉ honke lemeka꞉na꞉ta꞉ kota꞉ Amba꞉ mea wia halome hone wia hata꞉ milimikie leekeme.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Dioni 15:7

Ikita꞉ I̱ pa꞉ta꞉ hata꞉ta꞉ yaka pi lolo ekimanu miniki hata꞉ta꞉ ika꞉ hone pa꞉la꞉ tupa꞉ honke lemeka꞉na꞉ta꞉ ota꞉ milimikie.

Dioni 16:23

Koto di epea꞉ka꞉na꞉ta꞉ ikana꞉ma꞉ I̱ pa꞉ta꞉ ala꞉ta꞉ ma꞉nda꞉ a꞉nda꞉ honke na lelimikie. I̱ma꞉ta꞉ iki pa꞉ta꞉ ota꞉ pi alome. Hande yaka Apa꞉ma꞉ta꞉ yaka bikina꞉ honke lolo peleme ekita꞉ iki pa꞉ta꞉ kilieke.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

Aposolo 12:5

Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.

Aposolo 16:10

Kutupa hande upama꞉ piki nono pikieki handaata꞉ Koda꞉ma꞉ hande Pi Seliapo koto wanda꞉hali pa꞉ta꞉ walomono lea꞉me hone witolo hata꞉ mo Ma꞉sedonia nane poluekema꞉ kuta kone pota꞉ weimikime.

Aposolo 6:4

Kutupa nikana꞉ma꞉ta꞉ Koda꞉na꞉ pi paa walolo ombu halumeke lemekeme.

Pilipai 1:19

Pa ekipeke mo ikana꞉ma꞉ yeni peao halemeke mo Yesu Ketisona꞉ temokoma꞉ I̱ tamba꞉ mina꞉la꞉ ekina꞉ make I̱ta꞉ dipula da mina꞉pa꞉lao pomu halueke hone ulume.

1 Dioni 3:22

Nikana꞉ma꞉ta꞉ ipika꞉ pi ula꞉ ekimanu opua pitolo make ipiki ta꞉na꞉ homa꞉ tiaasa꞉ haumanu pua halomeketa꞉ kota꞉ nikana꞉ma꞉ ipiki pa꞉ta꞉ honke la꞉la꞉ alemanu mu haloma꞉me.