Ma꞉tiu 18:17 - Panake Pi La: Ula: Buka pita: Kine Pieke Buka

¹⁷ Kutu pilimipate iki paeyaona꞉ pi na opia꞉ka꞉na꞉ta꞉ kota꞉ mo ipika꞉ pia꞉ hau paeyao siosi wanda꞉hali mombilimi ale pa꞉ta꞉ la hala꞉peke. Kutaa ipikana꞉ma꞉ mo siosi wanda꞉hali paeyaona꞉ pi na opia꞉ka꞉na꞉ta꞉ kota꞉ nakana꞉ma꞉ koto someta꞉ mo Koda꞉ mataasa꞉ hali o a꞉nda꞉ tunkuliki wanda꞉halina꞉ tamba꞉ mina꞉la꞉ hali tupa꞉ haena꞉ lapeke leekeme.

Ma꞉tiu 18:17 Mawu Ofanana

Ma꞉tiu 10:3

Pilipi make Badolomiu make Tomasi make mo hande dakisi mu hayeke some Ma꞉tiu make A꞉lopia꞉sina꞉ eiyeke Dia꞉mesi make Ta꞉dia꞉si make

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Ma꞉tiu 5:46

Ikana꞉ma꞉ mo iki pa꞉ta꞉ pukima꞉ homeleme wanda꞉hali homeke pa꞉ta꞉ a꞉nda꞉ pukima꞉ homemeka꞉na꞉ta꞉ pa ekipeke Koda꞉ma꞉ iki pa꞉ta꞉ epeke yenki kina꞉pe. Mo hande dakisi mu hala꞉ haliwekima꞉ kone kutu piki hau pu halememe.

Ma꞉tiu 6:7

Ikana꞉ma꞉ yeni a꞉nda꞉ pimika꞉na꞉ta꞉ kota꞉ mo hande yayapiki koda꞉manu pa꞉ta꞉ yeni pu haleme wanda꞉halima꞉ napeke na pitiki pi eleke eleke wopu lo haleme tupa꞉ yeni na pea꞉pa꞉peke. Ika꞉ honema꞉ta꞉ nika꞉ yeni hokulu peaoma꞉ka꞉na꞉ta꞉ kota꞉ Koda꞉ma꞉ opilieke hone witelememe.

Luku 15:1

Nate ma꞉nda꞉na꞉ mo hande dakisi mani mu haemeke haliweki make mo hoke haliweki make paeyaoma꞉ Yesuma꞉ leeke pimanu opuluekema꞉ ipiki pa꞉ta꞉ a꞉pa mombelemekepate

Luku 18:11

Mo Pa꞉tisi halita꞉ wanda꞉hali na hayeke pa꞉ta꞉ leke yola꞉ moneao hata꞉ yeni dupa piekeme. Koda꞉ neke pa꞉ta꞉ I̱ma꞉ keiyae alome. I̱ta꞉ mandane wanda꞉halima꞉ piteleme tupa꞉ pasa꞉tei na pu o yayapiki pi na lo o suseke na hao halome. I̱ta꞉ mo koto dakisi mu hala꞉ hali tupa꞉ dia꞉me.

1 Kotindi 5:9

Amba꞉ iki pa꞉ta꞉ tapaowa꞉ wape pa꞉ta꞉ta꞉ mo tooli ka꞉taaseme wanda꞉hali ame̱le̱ na hapa꞉peke laa loa꞉me.

1 Kotindi 6:1

Iki ame̱le̱ hali homeke ma꞉nda꞉ma꞉ta꞉ ipika꞉ Ketiso yankeke pa꞉ta꞉ eki a꞉nda꞉ pa꞉la꞉eki handaata꞉ kota꞉ Koda꞉na꞉ wanda꞉hali ame̱le̱ hata꞉ na epeaake pa mo pi na miki pi yokaalu handeteke haleme haliweki pa꞉ta꞉ pua lea꞉ka꞉na꞉ta꞉ kota꞉ yaala꞉ma꞉ na homiliepe.

2 Desalonaika 3:6

Kametonuo. Tekehali Yesu Ketisona꞉ bikina꞉ dupa꞉pe aloma꞉me. Mo nikana꞉ma꞉ loma꞉ mana꞉ pimanu opua na piki soka꞉la꞉ pambeke kametiti pa꞉ta꞉ apa꞉tao na hake ta꞉ta꞉ hapa꞉peke.

1 Timodi 6:5

kima꞉ na homeke pi yokaalu alu pita꞉la꞉ ekimanu make kota꞉ hao paeyao mo wanda꞉hali tukiki pa꞉ta꞉ wala꞉ tiao hala꞉me. Kutu piki wanda꞉halima꞉ta꞉ mo hande ota꞉ pimanu mina꞉pa꞉laaso hata꞉ta꞉ pa mo Koda꞉na꞉ hau pita꞉la꞉ ekita꞉ hamoko hapeke pota꞉e hone u halememe.