Biblia Todo Logo
Baibulo la pa intaneti

- Zotsatsa -




Ma꞉tiu 18:15 - Panake Pi La: Ula: Buka pita: Kine Pieke Buka

15 Naka꞉ kamema꞉ neke hoeyaasa꞉ hoke hau pia꞉ka꞉na꞉ta꞉ kota꞉ ipiki teke pa꞉ta꞉ puaata꞉ ipika꞉ pia꞉ hokeeki wala꞉peke. Pate peneme na piki ipilika꞉ honema꞉ pea꞉pa꞉peke. Ipikana꞉ma꞉ naka꞉ pi opua telia pia꞉ka꞉na꞉ta꞉ kota꞉ mo kameta꞉ neke nane epena꞉ lelipikie.

Onani mutuwo Koperani




Ma꞉tiu 18:15
21 Mawu Ofanana  

Pa do mandake tupa꞉ kone mo naka꞉ hepeni hala꞉ Apa꞉ma꞉ make do wekiwandiki sunu homeke ma꞉nda꞉ alu pina꞉ hone na pa꞉la꞉me alome leekeme.


Koto toma꞉na꞉ta꞉ Pidama꞉ Yesu pa꞉ta꞉ a꞉pa lota꞉ pitolo alota꞉ Tekehalio. Yaka kamema꞉ I̱ pa꞉ta꞉ hoke hau pea꞉tiki pu haya꞉ka꞉na꞉ta꞉ kota꞉ I̱ma꞉ tana꞉ ekipu paeyaaluepe. Tana꞉ wataake hata꞉ ana꞉ pa꞉la꞉pe laa lota꞉ piekepate


Yesuma꞉ do onkoluma꞉ pi lo a꞉mbolo hata꞉ alota꞉ Ikana꞉ma꞉ ika꞉ yankekena꞉ hoke hau pimiki ekimanu ika꞉ pukima꞉ ota꞉ hone na yonka꞉laemeka꞉na꞉ta꞉ kota꞉ yaka hepeni hala꞉ Apa꞉ma꞉ mo hande Kini halima꞉ pieke tupa꞉ kone iki paeyao pa꞉ta꞉ make koto mandake tupa꞉ kone pilieke leekeme.


Hoke hauma꞉ iki mea lopaena꞉ handa꞉ pelia na hake epeke hau piteleme ekima꞉ta꞉ hoke hau bepolaena꞉ lapa꞉peke.


Kutu pitele hauma꞉ta꞉ mo ika꞉ hone wotu na lumba wilimi yankekemanu hoeyaeka꞉na꞉ta꞉ kota꞉ neketa꞉ Ketiso pa꞉ta꞉ make hoke hau pilipikie.


Koto ekina꞉ta꞉ I̱ma꞉ mo tameiya꞉ laowa꞉ ekita꞉ mo hoke hau pia꞉ somena꞉ o hoke hau pa꞉la꞉ma꞉ lea꞉ somena꞉ na laawa꞉me. Kotoeki na pikita꞉ Koda꞉na꞉ leke popelekena꞉ mo ikana꞉ma꞉ niki pa꞉ta꞉ pukima꞉ homelemeeki iki pa꞉ta꞉ kone peneme yaaluekema꞉ pua꞉me.


Ya kametonuo. Ma꞉nda꞉ma꞉ hoke hau pitolo haena꞉ handemeka꞉na꞉ta꞉ kota꞉ iki epita꞉ mo Holi Sipitidima꞉ tumbiki some hombo ikana꞉ma꞉ mo some mea tiao haena꞉ alota꞉ ota꞉ yopu siki pia꞉pa꞉peke. Kuta make mo hande ipiki mea lopaeya꞉ hauma꞉ iki make yola꞉ mea lopaama꞉na꞉ wopu handeteke hata꞉ pia꞉pa꞉peke.


Ma꞉nda꞉ ma꞉nda꞉ pa꞉ta꞉ homu pu alualu peaata꞉ iki tukiki pa꞉ta꞉ pi yokaalu pita꞉la꞉eki wia꞉ka꞉na꞉ta꞉ pa paeya alualu pia꞉pa꞉peke. Koda꞉ma꞉ ika꞉ hoke hau pa paeyawala꞉ tupa꞉ ikana꞉ma꞉ make ika꞉ ika꞉ kone pa paeya alualu pia꞉pa꞉peke.


Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.


Kutupa ikana꞉ma꞉ ipikita꞉ a꞉nda꞉ tunkuliki hali leke na haena꞉ lo pelemepate pa Kameo. Yopu handeteke hae lo hapa꞉peke.


Mo Ketiso tapake tekili paaluekema꞉ taapa꞉la꞉ somema꞉ hoto homeke o yaapo tekili peaapeke lea꞉ka꞉na꞉ta꞉ hoto yaapo sa꞉sa꞉ pilipipate pi na opiki pa tepo peao paa pia꞉ka꞉na꞉ta꞉ kota꞉ koto someta꞉ nika꞉ tapake some dia꞉me laa hoki wala꞉peke.


Koto tupa꞉ kone weteke tonu ikita꞉ ika꞉ haliki tonu pa꞉ta꞉ homu pea hao hapa꞉peke. Mandane haliki tonuma꞉ Koda꞉na꞉ pi na miki haemeka꞉na꞉ta꞉ kota꞉ ika꞉ epeke hau pilimi ekima꞉ta꞉ mo haliweki pi mina꞉ yola꞉ milimikie.


Titsatireni:

Zotsatsa


Zotsatsa