Ma꞉tiu 18:11 - Panake Pi La: Ula: Buka pita: Kine Pieke Buka

¹¹ [Wanda꞉halina꞉ Eiyekema꞉ mo alu peleme wanda꞉hali weiya handa꞉ wia da꞉taaluekema꞉ a꞉pa hala꞉me.]

Ma꞉tiu 18:11 Mawu Ofanana

Ma꞉tiu 10:6

Pate kutu piteleme tupa꞉ta꞉ mo Isulaina꞉ alu peleme sipisipima꞉ handeleme wanda꞉hali pa꞉ta꞉ pua꞉pa꞉peke leekeme.

Ma꞉tiu 15:24

Yesuma꞉ ika꞉ pi hombo peaaso alota꞉ I̱ta꞉ mo hande Isulai tapake alu pula꞉ sipisipimanu leke haleme wanda꞉hali pa꞉ta꞉ tapaaleke handaa epolome leekeme.

Ma꞉tiu 18:12

Ika꞉ honema꞉ta꞉ hali epima꞉ ipika꞉ 100 sipisipi ma꞉na꞉ handeteke halia꞉pate homeke hondo alupia꞉ka꞉na꞉ta꞉ eki pilieke hone witemepe. Ipikana꞉ma꞉ pa halia꞉ 99 sipisipimanu mo peiyene tea꞉na꞉ mea haena꞉ laata꞉ mo alupia꞉eki weilu pelieke.

Ma꞉tiu 9:12

Yesuma꞉ koto lemeke pi opua iki pa꞉ta꞉ alota꞉ Yeni na hasa꞉ wanda꞉halima꞉ dokeda hali pa꞉ta꞉ na polo pelemepate pa yeni hasa꞉ wanda꞉halita꞉ dokeda pa꞉ta꞉ pelimikie.

Luku 15:24

Pa ekipeke. Do yaka wekita꞉ amba꞉ homea꞉pate kone ameta꞉ paa tiala꞉me. Alu pia꞉pate kone ameta꞉ handa꞉ ula꞉me leekeme. Kutupa koto kone ikana꞉ma꞉ ta꞉na꞉ma꞉ homolo hata꞉ mo ne pamba꞉la꞉eki kini pimikime.

Luku 19:10

Wanda꞉halina꞉ Eiyeketa꞉ mo alu pa꞉la꞉ wanda꞉hali handa꞉ wia peteluekema꞉ yeke a꞉pa꞉la꞉me leekeme.

Luku 9:56

Kutupa Yesu ipika꞉ disaipolo haliweki ame̱le̱ da siki ma꞉nda꞉ pa꞉ta꞉ pemekeme.

Dioni 10:10

Pake nala꞉ halima꞉ta꞉ mo sipisipi ma꞉na꞉manu pake meata꞉ lia hoeyaaluekema꞉ ipilimipateta꞉ I̱ epolo ekita꞉ ikana꞉ma꞉ da꞉ta꞉la꞉eki muemena꞉yeke epolome. Tumba ula꞉ da꞉ta꞉la꞉eki kone muemena꞉yeke epolome.

Dioni 12:47

Hali epima꞉ I̱ma꞉ alo pi opua na pia꞉ka꞉na꞉ta꞉ koto hali yaapo I̱ma꞉ pi yokaalu na pulueke. Kenke wanda꞉halita꞉ iki pa꞉ta꞉ pi yokaalu puluekema꞉ na epeke iki mea da꞉taaluekema꞉ epoa꞉me.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate