Ma꞉tiu 18:10 - Panake Pi La: Ula: Buka pita: Kine Pieke Buka

¹⁰ Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Ma꞉tiu 18:10 Mawu Ofanana

Ma꞉tiu 1:20

Diosepema꞉ koto piki honemanu witolo haena꞉ta꞉ timba ma꞉nda꞉na꞉ ipika꞉ upa pa꞉ta꞉ yama꞉ Koda꞉na꞉ enisolo homeke opolo a꞉pa alota꞉ Deipidina꞉ weki Diosepeo. Meti naka꞉ wanda꞉ haena꞉ muluekema꞉ta꞉ paala꞉ma꞉ na homa꞉peke. Pa ekipeke mo weki pita꞉la꞉ ekita꞉ mo Holi Sipitidima꞉ kone peawala꞉me.

Ma꞉tiu 12:20

Hambe homeke ma꞉nda꞉ hosiki tonda꞉pa꞉ hata꞉ pou tea꞉ka꞉na꞉ta꞉ ipikana꞉ma꞉ ota꞉ na tonda꞉pa꞉ mea baalieke. Kutupa mo ola꞉pake homekena꞉ lankake siki make na lu honialieke. Ipikana꞉ma꞉ mo tiki tiki piki hau manuma꞉ bepolaena꞉ loluekema꞉ yeketa꞉ mo ipika꞉ e poka꞉la꞉eki na mina꞉pa꞉lake pa poka꞉tiki pu halieke.

Ma꞉tiu 18:14

Pa do mandake tupa꞉ kone mo naka꞉ hepeni hala꞉ Apa꞉ma꞉ make do wekiwandiki sunu homeke ma꞉nda꞉ alu pina꞉ hone na pa꞉la꞉me alome leekeme.

Ma꞉tiu 18:6

Hali epima꞉ do I̱ pa꞉ta꞉ hone tulaaseme wekiwandiki sunu homeke ma꞉nda꞉ma꞉ hoke hau pina꞉yeke pu tiaena꞉ lea꞉ka꞉na꞉ta꞉ kota꞉ koto halina꞉ make pa꞉ta꞉ toopi hombeleke mea endiata꞉ homena꞉ mo dawala noka꞉ pa꞉ta꞉ mea lopaena꞉ lea꞉ka꞉na꞉ yoluta꞉ epolo pia꞉me.

Ma꞉tiu 2:13

Mo hande kimisu haliweki pemeke hoki naneta꞉ mo Tekehalina꞉ enisoloma꞉ Diosepe pa꞉ta꞉ upana꞉ walolo alota꞉ Hetodima꞉ mo wekisiki luluekema꞉ weilieke. Koto ekina꞉ta꞉ tiao mo weki ankula꞉ hatuku mea Idiepi nane pindipa pua I̱ma꞉ paa la꞉ka꞉la pua꞉pa꞉peke lolo poloeki handeteke hapa꞉peke.

Ma꞉tiu 2:19

Mo hande Kini Hetodi homeekeeki hoki naneta꞉ Diosepeta꞉ Idiepi kenke pa꞉ta꞉ pa haena꞉ mo enisolo homekema꞉ ipika꞉ upa pa꞉ta꞉ opolo a꞉pa alota꞉

Ma꞉tiu 24:31

Kutu pilia꞉ dina꞉ta꞉ bu kanake tieke homekema꞉ e̱ tieke alo haena꞉ta꞉ ipikana꞉ma꞉ oli nate pamba꞉la꞉ opa꞉la꞉ yaapo nane make olina꞉ onina꞉ yaapo paeyaona꞉ haleme ipika꞉ ma̱leke lila꞉ wanda꞉hali momba꞉lawaena꞉ ipika꞉ enisolo tonu tapaa tapaa pilieke.

Luku 1:19

Mo hande enisoloma꞉ ipika꞉ pi hombo peaaso alota꞉ I̱ta꞉ Keipitelee laata꞉ Koda꞉na꞉ leke popelekena꞉ hao halome. Kutupa Koda꞉ma꞉ta꞉ do pi seliapo neke pa꞉ta꞉ lonoyeke I̱ tapaeya꞉me.

Luku 10:16

Yesuma꞉ ipika꞉ disaipolo haliweki pa꞉ta꞉ alota꞉ Ma꞉nda꞉ epima꞉ ika꞉ pi opia꞉ka꞉na꞉ta꞉ kota꞉ yaka pi kone opita꞉la꞉me. Ma꞉nda꞉ epima꞉ iki kiaeya꞉ka꞉na꞉ta꞉ ota꞉ I̱ kone kiaasa꞉me. Kutupa make hali epima꞉ I̱ kiaeya꞉ka꞉na꞉ta꞉ mo I̱ tapaeya꞉ hali kone kiaasa꞉me leekeme.

Luku 16:22

Kutu pea꞉tiki pu hao mo hande natehalita꞉ homeekeme. Kutupa mo hande enisolo manuma꞉ ipikita꞉ Eipoloha꞉ma꞉ yaapo lopulao pitina꞉ mea pemekeme. Kutupa mo hande hamoko hali make homeeketa꞉ ipika꞉ toko mea hoimikime.

Aposolo 10:3

Nate ma꞉nda꞉na꞉ nate toke nane haena꞉ Koda꞉na꞉ enisolo homeke epeekeeki upama꞉ ota꞉ peneme yao handeke nono piekeme. Mo enisoloma꞉ ipiki pa꞉ta꞉ alota꞉ Koniliesio leekeme.

Aposolo 12:15

Ikana꞉ma꞉ ipiki pa꞉ta꞉ alota꞉ Neketa꞉ keaaso alee lemekepate ipikana꞉ma꞉ alota꞉ Ota꞉ loa꞉me leekeme. Ikana꞉ma꞉ alota꞉ Ipika꞉ enisolo hata꞉ pa꞉la꞉me lemekepate

Aposolo 12:23

Hetodima꞉ta꞉ wanda꞉halima꞉ Koda꞉na꞉ pi na laena꞉ leke pa ipika꞉ pi kone laena꞉ leeke handaata꞉ kuta kone Tekehalina꞉ enisoloma꞉ Hetodi yeni tonda꞉pa꞉ mina꞉ leekeme. Kutupa pipi manuma꞉ weleke tunkula꞉ mepi naata꞉ homeekeme.

Aposolo 27:23

Ame do timba kone ya panda꞉puniao hata꞉ ta꞉ma꞉ni pea halo Koda꞉na꞉ enisolo homeke I̱ teke pa꞉ta꞉ a꞉pa hata꞉ alota꞉

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

Loma꞉ 14:10

Koto pa꞉la꞉pate pa nakana꞉ma꞉ naka꞉ Ketiso yankeke hala꞉eki handaata꞉ ekipeke hone u hoeyaasepe. Kutupa nakana꞉ma꞉ make naka꞉ Ketiso yankeke pa꞉ta꞉ ekipeke la la pitelepe. Koda꞉ma꞉ niki ame̱le̱ pi yokaalu pina꞉yeke ipika꞉ leke popelekena꞉ niki paeyao pua halumeke.

Loma꞉ 14:21

Epeke hau pulu pa꞉la꞉ ekita꞉ dupae. Ne ikali nala꞉eki make hau ma꞉nda꞉ pea꞉pekeeki make naka꞉ Ketiso yankeke mea lopaapeke nono pia꞉ka꞉na꞉ta꞉ kota꞉ koto hauta꞉ paapa꞉peke.

Loma꞉ 15:1

Nikana꞉ma꞉ta꞉ nika꞉ hone tulao haloma꞉eki honkopu hao hata꞉ta꞉ mo damako piki wanda꞉hali ika꞉ ka꞉nda꞉ pa꞉la꞉ ekimanu meatia pena꞉yeke tamba꞉ mumana꞉e. Nikana꞉ma꞉ niki kone ta꞉na꞉ma꞉ na homaamana꞉e.

1 Kotindi 11:22

Ika꞉ da pa꞉ta꞉manu pita꞉ kone ika꞉ ne ikali napeke na ya꞉la꞉pe. Kutupa Koda꞉na꞉ siosita꞉ Pa ekie laata꞉ mo natehali wanda꞉hali make yaala꞉ma꞉ homaaluekema꞉ pitelemepe. Iki pa꞉ta꞉ eki pi lonope. Kutu piteleme ekina꞉ta꞉ ika꞉ pi laanope. Dia꞉me ika꞉ pi laapeke na ya꞉la꞉me.

1 Kotindi 16:11

Kutupa hali homeke a꞉nda꞉ma꞉ ipiki pa꞉ta꞉ honditi hone na wia꞉pa꞉peke. Ikana꞉ma꞉ ipiki I̱ pa꞉ta꞉ epena꞉ alo hata꞉ ta꞉na꞉ma꞉ homolo hata꞉ tapaapa꞉peke. Ipikana꞉ma꞉ mandane Ketiso yankeketiti ame̱le̱ do ane epena꞉yeke handeteke halome.

1 Kotindi 9:22

Mandane detepiki hone tulaaseme wanda꞉hali ame̱le̱ hata꞉ I̱ma꞉ta꞉ iki muluekema꞉ pa detepiki hali leke halome. Koto ekina꞉ wanda꞉hali paeyao pa꞉ta꞉ hau paeyaoma꞉ iki muluekema꞉ iki haleme tupa꞉ kone I̱ make hatiki pu halome.

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Kotindi 10:10

Ma꞉nda꞉ma꞉ta꞉ I̱na꞉ do la꞉lieke. Polona꞉ tameiya꞉ manuta꞉ tanda pea honkopu hala꞉pate pa mo ipika꞉ loke piti niki ame̱le̱ hala꞉ dina꞉ta꞉ ipikita꞉ dete pea ipika꞉ pi manuta꞉ teke na ula꞉me laa lelieke.

Ka꞉leisia 6:1

Ya kametonuo. Ma꞉nda꞉ma꞉ hoke hau pitolo haena꞉ handemeka꞉na꞉ta꞉ kota꞉ iki epita꞉ mo Holi Sipitidima꞉ tumbiki some hombo ikana꞉ma꞉ mo some mea tiao haena꞉ alota꞉ ota꞉ yopu siki pia꞉pa꞉peke. Kuta make mo hande ipiki mea lopaeya꞉ hauma꞉ iki make yola꞉ mea lopaama꞉na꞉ wopu handeteke hata꞉ pia꞉pa꞉peke.

1 Desalonaika 4:8

Koto ekina꞉ta꞉ hali epima꞉ do walolo pi kiaeya꞉ka꞉na꞉ta꞉ kota꞉ koto somema꞉ mo kenke hali na kiaasa꞉pate hande Holi Sipitidi ku hala꞉ Koda꞉ kone kiaaso pila꞉me.

1 Timodi 4:12

Wanda꞉halima꞉ neke wekihali hale ekina꞉ handolo hata꞉ ipikita꞉ pa wekie laama꞉na꞉ nakana꞉ma꞉ ota꞉ Ketiso hau moka꞉la꞉ tiaapeke. Koto puluekema꞉ta꞉ naka꞉ pilipi hauma꞉ make naka꞉ lelipi pima꞉ make naka꞉ pukima꞉ homilipi ekima꞉ make naka꞉ hone tulalipi ekima꞉ make naka꞉ tikitiki piki hauma꞉ make koto hau paeyaota꞉ mo pi mineleme wanda꞉halima꞉ ota꞉ handena꞉ lapeke.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.

Hibulu 9:24

Kota꞉ mo ota꞉eki manda꞉ meaaso hata꞉ haliwekima꞉ a꞉emeke Yako Piki Da pa꞉ta꞉ Ketiso na peekeme. Pate ipikita꞉ ota꞉ hepeni nane peekeme. Kutupa ameta꞉ Koda꞉na꞉ leke popelekena꞉ nikina꞉ hao hala꞉me.

Peneme Yaeyekeeki 8:2

Kutupa mo Koda꞉na꞉ leke popelekena꞉ hala꞉ watake hata꞉ enisolomanu pa꞉ta꞉ watake hata꞉ bu kanake halea꞉me.