Ma꞉tiu 17:23 - Panake Pi La: Ula: Buka pita: Kine Pieke Buka

²³ Kutu pia꞉ka꞉na꞉ta꞉ mo haliwekima꞉ ipiki limikie. Kota꞉ ota꞉ homa꞉liepate pa hoto tepo wia paa da꞉taalieke leekeme. Koto ekima꞉ta꞉ mo disaipolo haliweki ika꞉ pukima꞉ ka꞉nda꞉ homemekeme.

Ma꞉tiu 17:23 Mawu Ofanana

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Ma꞉tiu 17:9

Potena꞉ hola꞉pa꞉niaaso haena꞉ Yesuma꞉ iki hando alo hata꞉ alota꞉ Oli hande upama꞉ handeke nono pimi hauta꞉ ma꞉nda꞉ pa꞉ta꞉ na lapa꞉peke laata꞉ Wanda꞉halina꞉ Eiyeketa꞉ ota꞉ homaa paa tiao haowa꞉ka꞉na꞉ alota꞉ ana꞉ pilieke leekeme.

Ma꞉tiu 20:19

Koto haliwekima꞉ ipiki kitaaso hata꞉ ipika꞉ lokena꞉ dopi tao yumbua baota꞉ homena꞉ lilimikie. Kutupa ipikita꞉ nate tepo wiaata꞉ paa tiao da꞉taa halieke leekeme.

Ma꞉tiu 27:63

Hande ya pi lo haya꞉ somema꞉ pa hande haya꞉ dina꞉ ipikana꞉ma꞉ alota꞉ Hoto tepo natena꞉ wiaata꞉ I̱ta꞉ paa mea tialieke leekeeki niminaasoma꞉me.

Maka 8:31

Yesuma꞉ panake pi ma꞉nda꞉ ipika꞉ disaipolo haliweki pa꞉ta꞉ walolo hata꞉ alota꞉ Wanda꞉halina꞉ Eiyeketa꞉ tanda tanda tieke wotu milieke leekeme. Mo tondiki haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make ipiki kiao limika꞉na꞉ta꞉ homilieke leekeme. Kutu pimika꞉na꞉ta꞉ hoto tepo wia paa tiaalieke leekeme.

Maka 9:30

Koto alena꞉ mina꞉pa꞉lao puaata꞉ mo Ka꞉lili nane lombei pu pa puaata꞉ ipika꞉ disaipolo haliweki pa꞉ta꞉ pi la haluekema꞉ta꞉ wanda꞉halima꞉ ipiki handaapena꞉ hone wiekeme. Ipika꞉ disaipolo haliweki pa꞉ta꞉ dupa waleekeme. Wanda꞉halina꞉ Eiyeketa꞉ haliweki oto pa꞉ta꞉ haena꞉ loluekema꞉ mea halieke. Kutu pia꞉ka꞉na꞉ta꞉ mo haliwekima꞉ ipiki limikie. Kota꞉ ota꞉ homiliepate hoto tepo wia paa da꞉taalieke leekeme.

Dioni 16:6

Kutupa ameta꞉ do hande pimanu la kua꞉ ekina꞉ ikita꞉ puki tetoma꞉ homelememe.

Dioni 2:19

Yesuma꞉ ika꞉ pi hombo peaaso alota꞉ Do hande Koda꞉na꞉ da leisimika꞉na꞉ta꞉ I̱ma꞉ hoto tepona꞉ pa mea a꞉meiyao haena꞉ lolueke leekeme.