Ma꞉tiu 17:22 - Panake Pi La: Ula: Buka pita: Kine Pieke Buka

²² Ipika꞉ disaipolo haliweki paeyao Ka꞉lili nane a꞉pa mombelemeke pita꞉ma꞉ta꞉ Yesuma꞉ iki pa꞉ta꞉ alota꞉ Hosiki wetepena꞉ta꞉ mo Wanda꞉halina꞉ Eiyeketa꞉ haliweki oto pa꞉ta꞉ haena꞉ lelieke.

Ma꞉tiu 17:22 Mawu Ofanana

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Ma꞉tiu 16:28

I̱ma꞉ iki pa꞉ta꞉ ota꞉ pi la kitolo alome. Wanda꞉halina꞉ Eiyeketa꞉ Kini hali hata꞉ epolo pa꞉la꞉eki handuluekema꞉ do haleme mandane wanda꞉hali ikita꞉ ambi na homeke pa halimikie alome leekeme.

Ma꞉tiu 17:12

Kutu piliepate I̱ma꞉ iki pa꞉ta꞉ alome. Elaidiata꞉ amba꞉ epea꞉pate wanda꞉halima꞉ ipikita꞉ ota꞉ Elaidiae hone wopu na witolo hata꞉ ikana꞉ma꞉ pa ika꞉ hone pieke ekimanu ipiki pa꞉ta꞉ pimikime. Mo Wanda꞉halina꞉ Eiyeke pa꞉ta꞉ make ikana꞉ma꞉ koto mandake piki hoke haumanu kone pilimikie alome leekeme.

Ma꞉tiu 17:23

Kutu pia꞉ka꞉na꞉ta꞉ mo haliwekima꞉ ipiki limikie. Kota꞉ ota꞉ homa꞉liepate pa hoto tepo wia paa da꞉taalieke leekeme. Koto ekima꞉ta꞉ mo disaipolo haliweki ika꞉ pukima꞉ ka꞉nda꞉ homemekeme.

Ma꞉tiu 17:9

Potena꞉ hola꞉pa꞉niaaso haena꞉ Yesuma꞉ iki hando alo hata꞉ alota꞉ Oli hande upama꞉ handeke nono pimi hauta꞉ ma꞉nda꞉ pa꞉ta꞉ na lapa꞉peke laata꞉ Wanda꞉halina꞉ Eiyeketa꞉ ota꞉ homaa paa tiao haowa꞉ka꞉na꞉ alota꞉ ana꞉ pilieke leekeme.

Ma꞉tiu 24:10

Koto mandake pita꞉ma꞉ koneta꞉ mandane Koda꞉ pa꞉ta꞉ hone tulaleme wanda꞉hali ika꞉ hone tulalemeeki mina꞉pa꞉lao kialimikie. Kutu pilimi wanda꞉hali pua hata꞉ta꞉ ika꞉ yankekemanu ame̱le̱ honditi pu alualu pitolo ika꞉ ika꞉ kone lina꞉ walo a꞉nda꞉ lomba꞉tiki pu alualu pilimikie.

Ma꞉tiu 26:16

Ipikana꞉ma꞉ koto hoki naneta꞉ Yesu a̱i̱ minina꞉yeke lapeke waleke epekemanu ma꞉nda꞉ weiyekeme.

Ma꞉tiu 26:46

Pomana꞉ tiaape. Hande I̱ minina꞉ a꞉nda꞉ lomba꞉la꞉ halita꞉ koto ipula꞉ handa꞉e leekeme.

Maka 8:31

Yesuma꞉ panake pi ma꞉nda꞉ ipika꞉ disaipolo haliweki pa꞉ta꞉ walolo hata꞉ alota꞉ Wanda꞉halina꞉ Eiyeketa꞉ tanda tanda tieke wotu milieke leekeme. Mo tondiki haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make ipiki kiao limika꞉na꞉ta꞉ homilieke leekeme. Kutu pimika꞉na꞉ta꞉ hoto tepo wia paa tiaalieke leekeme.

Luku 24:26

Mo Ketisoma꞉ta꞉ titina꞉ amba꞉la tanda meaata꞉ wetepena꞉ oli ipika꞉ pa̱a̱ peaasa꞉eki pa꞉ta꞉ honda꞉ pambolota꞉ ana꞉ na pa꞉la꞉pe laa leekeme.

Luku 24:46

iki pa꞉ta꞉ alota꞉ Dupa wape pea ula꞉me. Hande Ketisota꞉ tanda amba꞉la ota꞉ mea homaata꞉ hoto tepo peaasota꞉ ota꞉ paa tialieke laa wape pa꞉la꞉me. Kutupa make

Luku 9:22

Yesuma꞉ paa pi ma꞉nda꞉ alo alota꞉ Wanda꞉halina꞉ Eiyeketa꞉ tanda tieke ota꞉ wotu meaata꞉ mo Diu tondiki haliwekima꞉ make yeni peao haleme you haliwekima꞉ make wape pea ula꞉ Lo Pimanu wala꞉tiki pu haleme haliwekima꞉ make ipiki kialimikie. Ipikita꞉ homena꞉ lulu pelemepate hoto tepo wiaata꞉ paa tialieke leekeme.

Luku 9:43

Koto hau handemeke wanda꞉hali paeyaoma꞉ Koda꞉na꞉ honkopu wotu hala꞉eki handolo hata꞉ penkilipa꞉tia pomimikime. Wanda꞉hali paeyaoma꞉ Yesuma꞉ putia pomiekeeki handaata꞉ pututu pieke pi pa alo alo haena꞉ Yesuma꞉ ipika꞉ disaipolo haliweki pa꞉ta꞉ alota꞉

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

1 Kotindi 11:23

I̱ma꞉ hande waloa꞉ ekita꞉ mo Tekehalima꞉ I̱ pa꞉ta꞉ la kia꞉me dupa. Tekehali Yesuma꞉ta꞉ hande timba ipiki pa꞉ta꞉ a꞉nda꞉ lombeeke natena꞉ta꞉ hande palaowa mea mina hata꞉