Ma꞉tiu 17:18 - Panake Pi La: Ula: Buka pita: Kine Pieke Buka

¹⁸ Kutupa Yesuma꞉ Mo hoke temoko hando alo hata꞉ mo weki mina꞉pa꞉lae leeke handaata꞉ mo hoke temokoma꞉ mo weki mina꞉pa꞉layekeme. Kutu pieketa꞉ pa koto toma꞉na꞉ kone mo weki epea tiao hayekeme.

Ma꞉tiu 17:18 Mawu Ofanana

Ma꞉tiu 12:22

Koto pita꞉ma꞉ta꞉ mandane wanda꞉halima꞉ hali homeke Yesu pa꞉ta꞉ hatuku mea epemekeme. Koto some ipika꞉ puki pa꞉ta꞉ hoke temoko pitieke ekima꞉ leke holu peao pi na lao piekeme. Yesuma꞉ mo some wamo pieketa꞉ ipika꞉ leke kila handolo hata꞉ pi epeke tupa꞉ leekeme.

Ma꞉tiu 15:28

Koto leeke Yesuma꞉ hombo peaaso alota꞉ Neketa꞉ hone wopu tulaasa꞉ wanda꞉ ya꞉ka꞉ta꞉me. Koto ekina꞉ta꞉ naka꞉ hone pa꞉la꞉ hauta꞉ ota꞉ pealueke leekeme. Yesuma꞉ koto alo haena꞉ kone mo wanda꞉na꞉ waneketa꞉ paa epeke tupa꞉ tiao hayekeme.

Ma꞉tiu 17:17

Yesuma꞉ ipika꞉ pi hombo peaaso alota꞉ Koto wanda꞉halita꞉ hone wopu na tulaake ota꞉ puki taka꞉lake wanda꞉halie. I̱ta꞉ iki pa꞉ta꞉ hao pua hando natena꞉ hao na lua꞉pe. I̱ma꞉ iki pa꞉ta꞉ a꞉ta꞉ma꞉ homolo hata꞉ pa pu hamena꞉ kiaota꞉ hando natena꞉ tunkulua꞉pe laata꞉ Mo wekita꞉ I̱ pa꞉ta꞉ mea epoe leekeme.

Ma꞉tiu 17:19

Yesu ipika꞉ siki haena꞉ ipika꞉ hoki nane tolu haemeke haliwekima꞉ ipiki pa꞉ta꞉ pua lota꞉ pitolo hata꞉ alota꞉ Pa ekipeke handa nikana꞉ma꞉ koto hoke temoko tolu lia꞉peke na ya꞉la꞉ ekita꞉ ekipa pia꞉pe lemekeme.

Ma꞉tiu 9:22

Yesuma꞉ la꞉ka꞉la꞉moneao ipiki handolo alota꞉ Naka꞉ hone tulaale ekima꞉ neke epeleme leekeme. Koto leeke pa꞉ta꞉ koto kone mo wanda꞉na꞉ yeni paeyao epea hayekeme.

Maka 1:34

Yeni ta꞉ta꞉ ta꞉ta꞉ haemeke wanda꞉hali wopuna꞉ yeni Yesuma꞉ tandelaota꞉ hoke temokomanu wotu make tolu liaata꞉ temokomanu ipiki handemeke handaata꞉ Yesuma꞉ Pi na lapa꞉pe laata꞉ tolu liekeme.

Maka 5:8

Yesuma꞉ amba꞉ kone ipiki pa꞉ta꞉ Hoke temokoo. Do hali mina꞉pa꞉lao pue leeke handaa mo halima꞉ koto leekeme.

Luku 4:41

Kutupata꞉ mo hoke temoko manuma꞉ wanda꞉hali aneke tukiki pa꞉ta꞉ pita e̱ la꞉tiki yopulu hata꞉ alota꞉ Neketa꞉ Koda꞉na꞉ eiyekee lemekeme. Yesuma꞉ mo hoke temoko manuma꞉ pi ma꞉nda꞉ laama꞉na꞉ pi taka꞉lake leekeme. Pa ekipeke. Ika꞉ hone wimikipate ipikita꞉ hande Mesaya yeke handaa pimikime.

Luku 8:29

Koto leeke ekita꞉ Yesuma꞉ mo hoke temoko pa꞉ta꞉ Pue leeke ekina꞉ leekeme. Nate paeyao mo hoke temokoma꞉ mo hali wotu lu keatiki pomu hayekeme. Nate ma꞉nda꞉ nina꞉ta꞉ mo halita꞉ dipula pitao senipu manuma꞉ ipika꞉ kiki anke mea tonkao u hatiki pimikipate kone ipikana꞉ma꞉ mo senipumanu tunkula꞉ lubepi pia꞉tiki peaata꞉ mo hoke temokoma꞉ koto halita꞉ hapu hayeke alena꞉ lu mea pua꞉tiki piekeme.

Luku 9:42

Mo weki ipulu haena꞉ta꞉ mo hande hoke temokoma꞉ mo weki kenkena꞉ mea lopao lu keayekeme. Yesuma꞉ mo hoke temoko hando laata꞉ mo weki mea epeao ipika꞉ ateke pa꞉ta꞉ paa hala꞉ moneayekeme.

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.