Ma꞉tiu 16:6 - Panake Pi La: Ula: Buka pita: Kine Pieke Buka

⁶ Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi Sa꞉dusi tapake yaapona꞉ palaowa pombei yaasa꞉eki wotu handa꞉pa꞉peke leekeme.

Ma꞉tiu 16:6 Mawu Ofanana

Ma꞉tiu 16:1

Mo Pa꞉tisi haliweki make Sa꞉dusi haliweki tonka꞉na꞉ Yesu pa꞉ta꞉ a꞉pa ipika꞉ anke yololo alota꞉ Koda꞉ma꞉ neke pa꞉ta꞉ do wele a꞉nda꞉ ku haya꞉ka꞉na꞉ta꞉ kota꞉ nikana꞉ma꞉ handomono mo welema꞉ na handeke hau ma꞉nda꞉ pie lemekeme.

Ma꞉tiu 16:11

Ekieki pea ikana꞉ma꞉ hone na witemepe. I̱ma꞉ta꞉ mo ota꞉ palaowana꞉ na loa꞉pate pa mo Pa꞉tisitonu pita꞉ Sa꞉dusi haliweki yaapona꞉ palaowa pombei yaasa꞉ yisitima꞉ handeke pimanu alemeeki handeteke hapa꞉ laa alome.

Ma꞉tiu 16:12

Koto pi opitolota꞉ mo disaipolo haliwekima꞉ Yesuma꞉ leeke kinki pita꞉la꞉ pita꞉ mo palaowa pa꞉ta꞉ ula꞉ yisitina꞉ na leekepate ota꞉ mo Pa꞉tisi Sa꞉dusi tapake yaapona꞉ waleme mana꞉ pimanu pa꞉ta꞉ lea꞉ka꞉ta꞉me hone wimikime.

Ma꞉tiu 16:5

Yesuna꞉ disaipolo haliweki mo ikali leke tunkula mone tea꞉na꞉ pulu hata꞉ta꞉ palaowamanu hone yonka꞉lao na mea pemekeme.

Ma꞉tiu 16:7

Koto leekeeki opuolo hata꞉ ika꞉ ika꞉ kone hone wia pi pi lemeke ekita꞉ dupa. Nikita꞉ palaowa na mea epoma꞉ ekina꞉ ala꞉me lemekeme.

Ma꞉tiu 3:7

Mo hande Pa꞉tisi tapake make Sa꞉dusi tapake make koto tapake yaapona꞉ haliweki wopu Dionima꞉ bapitaisi peaena꞉ epemekeeki handaa ipikana꞉ma꞉ iki pa꞉ta꞉ alota꞉ Ketoma꞉ handeke some hombo iki pa꞉ta꞉ mo Koda꞉ma꞉ a̱i̱ taapolo pa꞉la꞉ panisi tieke wendia꞉pekee pita꞉ epima꞉ lakia꞉pe.

Maka 8:15

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi haliwekina꞉ palaowa pombei yaasa꞉eki make Hetodina꞉ palaowa pombei yaasa꞉eki make wotu handa꞉pa꞉peke leekeme.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 12:15

Koto laa Yesuma꞉ paeyao pa꞉ta꞉ alota꞉ Handeteke hapa꞉peke. Hande pasa꞉tei hau ta꞉ta꞉ ta꞉ta꞉ pikieki a꞉paapa꞉na꞉ ika꞉ kone wopu handeteke hata꞉ leke leke lo hapa꞉peke. Wanda꞉hali paeyaoma꞉ hamoko tieke ekipa haena꞉ kone ika꞉ da꞉ta꞉la꞉ ekina꞉ teketa꞉ ika꞉ wia haleme alemanu pa꞉ta꞉ na ula꞉me leekeme.

Dioni 4:33

Koto leekeeki opuaata꞉ mo disaipolo haliwekima꞉ ika꞉ kone ane la꞉ mone la꞉ pitolo alota꞉ Ma꞉nda꞉ma꞉ ipika꞉ ne mea a꞉pao halea꞉pe lemekeme.

Ka꞉leisia 5:9

Mo hande palaowa pombei yaasa꞉ yisiti sikima꞉ta꞉ mo palaowa paeyao kone pombei yelieke alemepate