Ma꞉tiu 16:23 - Panake Pi La: Ula: Buka pita: Kine Pieke Buka

²³ Yesuma꞉ la꞉ka꞉la mina Pida handolo hata꞉ alota꞉ Sadani. Neke puma. Neketa꞉ ya pota꞉ a꞉mbaluekema꞉ taapeleme. Pa ekipeke. Do naka꞉ wili hone manuta꞉ Koda꞉ pa꞉ta꞉ yama꞉ na ipula꞉pate pa hali pa꞉ta꞉ yama꞉ ipula꞉me leekeme.

Ma꞉tiu 16:23 Mawu Ofanana

Kini Pieke 3:17

Kutupa Koda꞉ma꞉ A꞉da꞉ma꞉ pa꞉ta꞉ alota꞉ Nakana꞉ma꞉ta꞉ naka꞉ wanda꞉na꞉ pi opua mo I̱ma꞉ na napeke loa꞉ ti poteke neleme. Koto hau pele ekina꞉ do kenketa꞉ mo esihou pi oto pa꞉ta꞉ wilieke. Kutupa nakana꞉ma꞉ta꞉ do kenkena꞉ pa hapa꞉lia haeka꞉na꞉ta꞉ mo kenkema꞉ naka꞉ ne ana꞉na꞉ opaena꞉ e honkopu hao poko halipikie.

Ma꞉tiu 16:22

Koto pi opuaata꞉ Pidama꞉ Yesu hosiki mo pate leke hatuku mea pua hata꞉ ipiki pa꞉ta꞉ alota꞉ Dia꞉me Tekehalio. Neke pa꞉ta꞉ kutu piki hau ota꞉ na epena꞉ hone witolome leekeme.

Ma꞉tiu 18:7

A꞉pei. Do kenke pa꞉ta꞉ I̱ paala꞉e. Wanda꞉halima꞉ hoke hau pina꞉yeke ula꞉ hoke haumanu ula꞉me. Dupiki haumanu a꞉pa꞉peke yolo pa꞉la꞉pate a꞉pa꞉e mo hau epena꞉ ala꞉ halita꞉ ota꞉ hoke yenki milieke.

Ma꞉tiu 4:10

Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.

Maka 8:33

Yesuma꞉ la꞉ka꞉la ipika꞉ disaipolo haliweki handaata꞉ Pida hando alo hata꞉ alota꞉ Sadani neke pue. I̱ teke pa꞉ta꞉ na hapeke leekeme. Neketa꞉ Koda꞉ma꞉ ula꞉ hone tupa꞉ na wiki pa wanda꞉halima꞉ witeleme hone leke wilimee leekeme.

Luku 4:8

Koto leeke Yesuma꞉ alota꞉ Mo Baiboloma꞉ dupa la꞉la꞉me. Tekehali naka꞉ Koda꞉ ipiki pa꞉ta꞉ homeke yeni pu hata꞉ e poko hapeke laa la꞉la꞉me leekeme.

Dioni 6:70

Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.

Loma꞉ 14:13

Koto ekina꞉ nika꞉ nika꞉ kone nika꞉ haloma꞉eki handaata꞉ hone na u hoeyaama꞉na꞉ pea꞉pa꞉peke aleo. Dia꞉me. Hone dupa wia꞉pa꞉peke aleo. Ika꞉ Ketiso yankeke hoke hauma꞉ hala꞉mba꞉liao mea lopaama꞉na꞉ hau ma꞉nda꞉ na pea꞉pa꞉peke.

Loma꞉ 14:21

Epeke hau pulu pa꞉la꞉ ekita꞉ dupae. Ne ikali nala꞉eki make hau ma꞉nda꞉ pea꞉pekeeki make naka꞉ Ketiso yankeke mea lopaapeke nono pia꞉ka꞉na꞉ta꞉ kota꞉ koto hauta꞉ paapa꞉peke.

Pilipai 3:19

Koto wanda꞉halima꞉ta꞉ ika꞉ lokena꞉ hone pa꞉la꞉ ekimanu teliolo hata꞉ panda꞉ puniao haleme ekina꞉ ikita꞉ ti to hala꞉ pa꞉ta꞉ pua hao halimikie. Mo ika꞉ yaaloma꞉ homa꞉pa꞉peke ya꞉la꞉ hau pu halemeeki pa꞉ta꞉ hakoko lu halememe. Kutupa ikana꞉ma꞉ pa do kenkena꞉ hau pu haleme wanda꞉halina꞉ hau leke pu halememe.

Kolosi 3:2

Ika꞉ hone manuta꞉ koto pate ula꞉ ale manuna꞉ hone tulaa paleke hata꞉ do kenkena꞉ ula꞉ ale manuna꞉ hone na tulaapa꞉peke.