Ma꞉tiu 16:20 - Panake Pi La: Ula: Buka pita: Kine Pieke Buka

²⁰ Koto leeke Yesuma꞉ iki hando alo alota꞉ I̱ta꞉ Ketiso yekeme laa wanda꞉hali ma꞉nda꞉ pa꞉ta꞉ na lapa꞉peke leekeme.

Ma꞉tiu 16:20 Mawu Ofanana

Ma꞉tiu 1:16

Dieikopema꞉ta꞉ mo hande Meti mieke hali Diosepe mondu wiekeme. Metima꞉ta꞉ mo hande Yesu biki ma꞉nda꞉ Ketiso lo pieke hali mondu wiekeme.

Ma꞉tiu 16:16

Saimono Pidama꞉ hombo peaaso alota꞉ Neketa꞉ mo da꞉taa hao hala꞉ Koda꞉na꞉ Eiyeke Ketisoe leekeme.

Ma꞉tiu 17:9

Potena꞉ hola꞉pa꞉niaaso haena꞉ Yesuma꞉ iki hando alo hata꞉ alota꞉ Oli hande upama꞉ handeke nono pimi hauta꞉ ma꞉nda꞉ pa꞉ta꞉ na lapa꞉peke laata꞉ Wanda꞉halina꞉ Eiyeketa꞉ ota꞉ homaa paa tiao haowa꞉ka꞉na꞉ alota꞉ ana꞉ pilieke leekeme.

Ma꞉tiu 8:4

Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Maka 8:30

Yesuma꞉ iki pa꞉ta꞉ hando alo hata꞉ alota꞉ I̱ pa꞉ta꞉ koto aleme pita꞉ wanda꞉hali ma꞉nda꞉ pa꞉ta꞉ na lapa꞉peke leekeme.

Maka 9:9

Potena꞉ hola꞉pa꞉niaaso hata꞉ Yesuma꞉ iki hando alo hata꞉ alota꞉ Oli handemeeki ma꞉nda꞉ pa꞉ta꞉ na lapa꞉peke. Wanda꞉halina꞉ Eiyeketa꞉ ota꞉ homa paa tiao haya꞉ka꞉na꞉ alota꞉ Ana꞉ pilieke leekeme.

Luku 2:11

Ame do timbata꞉ oni hande Deipidina꞉ da teke pa꞉ta꞉ta꞉ ika꞉ da꞉taalo pa꞉la꞉ Tekehali amba꞉ mendia꞉la꞉me. Ipikita꞉ Tekehali Ketisoe.

Luku 9:21

Koto leeke Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ ota꞉ loa꞉ma꞉ do pita꞉ wanda꞉hali ma꞉nda꞉ pa꞉ta꞉ na lapa꞉peke leekeme.

Luku 9:36

Koto pi ho̱la̱꞉make laa paeyeke naneta꞉ Yesu homeke hapelia hayekeeki handemekeme. Mo hali tepoma꞉ mo handemeke ekimanu wanda꞉hali ma꞉nda꞉ pa꞉ta꞉ na la haleke ika꞉ homeke hone wimikime.

Dioni 1:41

Koto kone A꞉ndutuma꞉ ipika꞉ hameke Saimono handa꞉ wia ipiki pa꞉ta꞉ alota꞉ Hande Mesayata꞉ dikana꞉ma꞉ handa꞉ ulupa꞉me leekeme. Do Mesaya ala꞉ ekita꞉ Ketisoe laa ala꞉ekie.

Dioni 1:45

Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.

Dioni 11:27

Madama꞉ ipika꞉ pi hombo peaaso alota꞉ Tekehalio. Aowe. Naka꞉ kakema꞉ homolo hata꞉ neketa꞉ hande Ketiso make Koda꞉na꞉ Eiyeke do kenkena꞉ ipilieke leeke halita꞉ hone witolome leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Aposolo 2:36

Koto ekina꞉ Isulai wanda꞉hali paeyao do hande ikana꞉ma꞉ a꞉ka꞉tei wapepiki tina꞉ tamendiao limiki hali Yesuta꞉ Koda꞉ma꞉ ipikita꞉ Tekehali make Ketiso make mea haena꞉ la꞉la꞉ ekita꞉ ikana꞉ma꞉ hone ota꞉ wopu wia꞉pa꞉peke laa leekeme.

1 Dioni 2:22

Koto ekina꞉ mo yayapiki pi ala꞉ someta꞉ epi ya꞉ka꞉ta꞉pe. Pa ma꞉nda꞉ epima꞉ Yesuta꞉ mo Ketiso dia꞉me ala꞉ some lataa. Dupiki someta꞉ Ketisona꞉ a꞉nda꞉ tunkiliki somee. Ipikana꞉ma꞉ta꞉ Ateke make Eiyeke make hoki wala꞉la꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.