Ma꞉tiu 16:19 - Panake Pi La: Ula: Buka pita: Kine Pieke Buka

¹⁹ I̱ma꞉ neke pa꞉ta꞉ mo hepenina꞉ Kilu Tombuao Hala꞉ ekina꞉ pota꞉ kakena꞉ kimanu kulueke. Koto ekina꞉ do kenke nane hata꞉ nakana꞉ma꞉ hau ma꞉nda꞉ a꞉nda꞉ pa꞉ta꞉ pi wika꞉na꞉ta꞉ kota꞉ koto hauna꞉ pi wita꞉la꞉eki kone oli hepeni nane make pi wilieke. Kutupa do kenke nane hata꞉ nakana꞉ma꞉ mandane haumanu pa mone pina꞉ paeka꞉na꞉ta꞉ kota꞉ koto pina꞉ pasa꞉ hau kone oli hepeni nane make pa pina꞉ palieke leekeme.

Ma꞉tiu 16:19 Mawu Ofanana

Ma꞉tiu 18:18

I̱ma꞉ iki pa꞉ta꞉ dupa alome. Ikana꞉ma꞉ do kenke nane ala꞉ta꞉ o hau ma꞉nda꞉ pi wimika꞉na꞉ta꞉ kota꞉ koto pi wita꞉la꞉ ekita꞉ oli hepeni nane make pi wilieke. Koto tupa꞉ kone ikana꞉ma꞉ do kenke nane ala꞉ta꞉ o hau ma꞉nda꞉ pi na wimika꞉na꞉ta꞉ kota꞉ hepeni nane make pi na wilieke.

Dioni 20:23

Ikana꞉ma꞉ mandane wanda꞉halina꞉ hoke hau peleme ekimanu Koda꞉ma꞉ pa paeyaala꞉me lemeka꞉na꞉ta꞉ kota꞉ ota꞉ pa paeyaalieke. Kutupa make mandane wanda꞉halina꞉ hoke hau peleme ekimanu Koda꞉ma꞉ pa na paeyaala꞉me laa lemeka꞉na꞉ta꞉ kota꞉ na paeyaake paa wilieke la leekeme.

Aposolo 15:7

Pi wotu hotu haota꞉ Pidama꞉ tiao alota꞉ Ya kametitio. Amba꞉ kone iki ame̱le̱ hano Koda꞉ma꞉ I̱ mea haena꞉ laata꞉ Diendaili wanda꞉hali pa꞉ta꞉ mo hande Pi Seliapo walonoyeke pa꞉la꞉me. Mo wanda꞉halima꞉ pi opuaka꞉na꞉ hone tulaena꞉yeke pa꞉la꞉me.

2 Kotindi 2:10

Ikana꞉ma꞉ hali ma꞉nda꞉ma꞉ pa꞉la꞉eki pa paeyawaemeka꞉na꞉ta꞉ kota꞉ I̱ma꞉ make pa paeyawalueke. Ma꞉nda꞉na꞉ pa paeyaapeke ekita꞉ I̱ma꞉ pa paeyaapeke ya꞉la꞉me hone ua꞉ka꞉na꞉ta꞉ kota꞉ iki hoeyaapa꞉na꞉yeke I̱ma꞉ Ketisona꞉ leke popelekena꞉ hata꞉ pu halome.

1 Desalonaika 4:8

Koto ekina꞉ta꞉ hali epima꞉ do walolo pi kiaeya꞉ka꞉na꞉ta꞉ kota꞉ koto somema꞉ mo kenke hali na kiaasa꞉pate hande Holi Sipitidi ku hala꞉ Koda꞉ kone kiaaso pila꞉me.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.

Peneme Yaeyekeeki 11:6

Ipilikana꞉ma꞉ta꞉ mo Koda꞉na꞉ pi laaso halipi natena꞉ lako na epena꞉ laa oli ya a꞉mbolota꞉ honkopu ula꞉me. Kutupa make mo opolo hala꞉ ikali manuta꞉ we au lena꞉ loluekema꞉ make ane mone yeni ki ipilika꞉ hone pa꞉la꞉ tupa꞉ do kenke a꞉pa hoeyaena꞉ laa make honkopu ula꞉me.

Peneme Yaeyekeeki 3:7

Mo Pila꞉delepia siosina꞉ enisolo pa꞉ta꞉ dupa lae. Do pita꞉ mo yako pea ota꞉ hauna꞉ teke halima꞉ ala꞉me. Ipikita꞉ mo hande Deipidina꞉ pota꞉ ki wia hala꞉ halie. Kutupa ipikana꞉ma꞉ pota꞉ ma꞉nda꞉ lombea꞉ka꞉na꞉ta꞉ ma꞉nda꞉ma꞉ hamba꞉peke na ya꞉la꞉me make pokea꞉ka꞉na꞉ta꞉ ma꞉nda꞉ma꞉ lomba꞉peke na ya꞉la꞉me.

Peneme Yaeyekeeki 9:1

Kutupa mo yunki peao enisoloma꞉ ipika꞉ bu kanake lia꞉me. Hombulanka꞉ homeke oni kenkena꞉ honda꞉pa lopeekeeki pa꞉ta꞉ mo honiki na wiki naku tieke kiakena꞉ pota꞉ ki halea꞉eki handoa꞉me.