Ma꞉tiu 16:14 - Panake Pi La: Ula: Buka pita: Kine Pieke Buka

¹⁴ Mo disaipolo haliwekima꞉ ipiki pa꞉ta꞉ alota꞉ Mandane wanda꞉halima꞉ alota꞉ Bapitaisi peao hayeke hali Dionie alememe. Mandane wanda꞉halima꞉ta꞉ Elaidiae alememe. Mandane wanda꞉halima꞉ Dietemaiya o mandane potopede halie alememe lemekeme.

Ma꞉tiu 16:14 Mawu Ofanana

Ma꞉tiu 14:2

ipikana꞉ma꞉ ipika꞉ e pokaemeke haliweki pa꞉ta꞉ alota꞉ Hande lua꞉ hali Dioni paa da꞉taa a꞉pa hala꞉ ekima꞉ wele tieke wopu pitolo hata꞉ mo na handeke haumanu pitolo pila꞉me leekeme.

Ma꞉tiu 16:15

Yesuma꞉ iki pa꞉ta꞉ alota꞉ Pa ikana꞉ma꞉ta꞉ I̱ta꞉ epi alemepe leekeme.

Ma꞉tiu 17:10

Koto leeke pi opitolo ikana꞉ma꞉ Yesu pa꞉ta꞉ lota꞉ pitolo alota꞉ Pa ekipeke mo wape pea wala꞉tiki pu haleme haliwekima꞉ titina꞉ amba꞉la Elaidia ipilieke lo halemepe lemekeme.

Ma꞉tiu 3:1

Koto natena꞉ta꞉ mo hande bapitaisi peao hayeke hali Dionima꞉ mo Diudiana꞉ hapiki kenke pa꞉ta꞉ a꞉pa hata꞉ pi kini pea walolo alota꞉

Maka 6:15

Koto lemekepate mandane wanda꞉halima꞉ alota꞉ Ipikita꞉ Elaidia ya꞉ka꞉ta꞉me lemekepate mandane wanda꞉halima꞉ alota꞉ Ipikita꞉ potopede hali ma꞉nda꞉ ya꞉ka꞉ta꞉me laa amba꞉ kone hayeke hali tupa꞉ ya꞉ka꞉ta꞉me lemekeme.

Maka 8:28

Kutupa ikana꞉ma꞉ ipiki pa꞉ta꞉ alota꞉ Bapitaisi peao hayeke hali Dionie. Mandane wanda꞉halima꞉ta꞉ Neketa꞉ Elaidiae. Mandane wanda꞉halima꞉ta꞉ Neketa꞉ potopede hali ma꞉nda꞉e lo halememe lemekeme.

Luku 9:8

Kutupa mandane wanda꞉halima꞉ta꞉ Elaidia peneme yao opolo a꞉pa꞉la꞉me lemekeme. Mandane wanda꞉halima꞉ alota꞉ Amba꞉ hande hayeke potopede hali ma꞉nda꞉ paa tiaeya꞉ka꞉ta꞉me lemekeme.

Dioni 1:21

Koto leeke mo haliwekima꞉ ipiki lota꞉ pitolo alota꞉ Kota꞉ neketa꞉ epi ya꞉ka꞉ta꞉pe. Neketa꞉ Elaidiape lemekeme. Dionima꞉ ika꞉ pi hombo peaaso alota꞉ I̱ta꞉ koto hali dia꞉me leekeme. Mo haliwekima꞉ paa lota꞉ pitolo alota꞉ Neketa꞉ mo hande Potopede halipe lemekeme. Dionima꞉ ika꞉ pi hombo peaaso alota꞉ Dia꞉me. I̱ta꞉ koto hali dia꞉me leekeme.

Dioni 7:12

Mo wanda꞉hali paeyaoma꞉ Yesu pa꞉ta꞉ pi alo hata꞉ hambiliki hambilikima꞉ pimikime. Mandane wanda꞉halima꞉ta꞉ Ipikita꞉ epeke halie lemekepate mandane wanda꞉halima꞉ta꞉ Dia꞉me laa Wanda꞉hali pa꞉ta꞉ ya pi lo hala꞉ halie lemekeme.

Dioni 9:17

Kutupa mo Pa꞉tisi haliwekima꞉ hande hali pa꞉ta꞉ hoto ma꞉nda꞉ paa lota꞉ pitolo alota꞉ Nakana꞉ma꞉ alota꞉ Yaka leke kilaeya꞉me alepateta꞉ ipiki pa꞉ta꞉ eki hone witelepe lemekeme. Mo halima꞉ hombo peaaso alota꞉ Ipikita꞉ Koda꞉na꞉ potopede halie la leekepate