Ma꞉tiu 16:12 - Panake Pi La: Ula: Buka pita: Kine Pieke Buka

¹² Koto pi opitolota꞉ mo disaipolo haliwekima꞉ Yesuma꞉ leeke kinki pita꞉la꞉ pita꞉ mo palaowa pa꞉ta꞉ ula꞉ yisitina꞉ na leekepate ota꞉ mo Pa꞉tisi Sa꞉dusi tapake yaapona꞉ waleme mana꞉ pimanu pa꞉ta꞉ lea꞉ka꞉ta꞉me hone wimikime.

Ma꞉tiu 16:12 Mawu Ofanana

Ma꞉tiu 16:11

Ekieki pea ikana꞉ma꞉ hone na witemepe. I̱ma꞉ta꞉ mo ota꞉ palaowana꞉ na loa꞉pate pa mo Pa꞉tisitonu pita꞉ Sa꞉dusi haliweki yaapona꞉ palaowa pombei yaasa꞉ yisitima꞉ handeke pimanu alemeeki handeteke hapa꞉ laa alome.

Ma꞉tiu 3:7

Mo hande Pa꞉tisi tapake make Sa꞉dusi tapake make koto tapake yaapona꞉ haliweki wopu Dionima꞉ bapitaisi peaena꞉ epemekeeki handaa ipikana꞉ma꞉ iki pa꞉ta꞉ alota꞉ Ketoma꞉ handeke some hombo iki pa꞉ta꞉ mo Koda꞉ma꞉ a̱i̱ taapolo pa꞉la꞉ panisi tieke wendia꞉pekee pita꞉ epima꞉ lakia꞉pe.

Ma꞉tiu 5:20

I̱ma꞉ iki pa꞉ta꞉ ota꞉ pi alome. Ika꞉ hauna꞉ tikitiki pa꞉la꞉ ekima꞉ta꞉ mo hande Pa꞉tisi haliwekina꞉ hau pita꞉ mo Lo Pi Ula꞉eki wala꞉la꞉ haliwekina꞉eki make ota꞉ lombei na pia꞉ka꞉na꞉ta꞉ kota꞉ ikita꞉ mo hepenina꞉ Kilu Tombuao Hala꞉eki pa꞉ta꞉ ota꞉ pua꞉peke na yelimikie.

Aposolo 23:8

Mo hande Sa꞉dusi tapake haliwekima꞉ lo haemeke ekimanu dupa Homemeke wanda꞉hali paa na mea tialieke laa mo enisolo tapaketa꞉ na hao hata꞉ pelememe laa make mo temokomanu make na pita꞉ pelememe laa lo haemekepate mo Pa꞉tisi tapake haliwekima꞉ koto pi paeyao opu haemekeme.

1 Kotindi 5:6

Ikana꞉ma꞉ Niki kone ana꞉ pa꞉la꞉me la aleme ekita꞉ popeke na piki pi alememe. Hande opeleme lo halemeeki ma꞉nda꞉ dupa. Mo pombei yaasa꞉ yisitita꞉ hosiki alesikima꞉ kone palaowa paeyao pombei yao hala꞉me laa lo halememe.