Ma꞉tiu 15:8 - Panake Pi La: Ula: Buka pita: Kine Pieke Buka

⁸ Ipikana꞉ma꞉ leeke pita꞉ dupa Do wanda꞉halima꞉ pulu pimiki ekina꞉ Koda꞉ma꞉ alota꞉ Ika꞉ pima꞉ homeke ya biki mea a꞉meiyalo pelemepate ika꞉ puki manuma꞉ta꞉ I̱ mina꞉pa꞉lao ota꞉ panane wina꞉ lelememe.

Ma꞉tiu 15:8 Mawu Ofanana

Ma꞉tiu 15:7

Ikita꞉ ota꞉ makeaaso hau pu haleme some hombo ya꞉ka꞉ta꞉me. Hande Aisayama꞉ ikina꞉ la꞉ witolo hata꞉ leekeeki ota꞉ pi la꞉ wia꞉ka꞉ta꞉me.

Maka 7:6

Yesuma꞉ ika꞉ pi hombo peaaso alota꞉ Ikita꞉ yayapiki hau pu haleme haliwekie laata꞉ Aisayama꞉ iki pa꞉ta꞉ pi walolo hata꞉ wape piekeeki dupa. Do wanda꞉halima꞉ ika꞉ hambilikima꞉ yaka biki mea a꞉meiyaasemepate ika꞉ puki pa꞉ta꞉ hone ta꞉ta꞉ witelememe.

Dioni 1:47

Nada꞉niele Yesu pa꞉ta꞉ ipulu haena꞉ kone Yesuma꞉ handa Nada꞉nielena꞉ pita꞉la꞉ ekita꞉ dupae laa ma꞉nda꞉ pa꞉ta꞉ la halolo alota꞉ Do halita꞉ ota꞉ Isulai halie laa ipiki pa꞉ta꞉ yayapiki hau ma꞉nda꞉ na ula꞉me leekeme.

Dioni 5:23

Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.

Aposolo 8:21

Du pitele ekina꞉ neketa꞉ niki ame̱le̱ na hake. Pa ekipeke naka꞉ pukita꞉ Koda꞉na꞉ leke popelekena꞉ tikitiki na pa꞉la꞉me.

Hibulu 3:12

Aiyo. Kame tonuo. Iki ma꞉nda꞉ mo deto hala꞉ Koda꞉ mina꞉pa꞉laluekema꞉ hoke hone na tulaasa꞉ hoke hone wiaama꞉na꞉ ota꞉ wopu handeteke hapa꞉peke.

1 Pida 3:10

Kota꞉ Baiboloma꞉ la꞉la꞉ ekita꞉ Epima꞉ ta꞉na꞉ma꞉ homa꞉la꞉eki make epeke tupa꞉ hao hala꞉eki make handuluekema꞉ hone pia꞉ka꞉na꞉ta꞉ kota꞉ ipikana꞉ma꞉ ipika꞉ lo hala꞉ hoke hoke pi make yayapiki pi make mina꞉pa꞉laena꞉e.