Ma꞉tiu 15:32 - Panake Pi La: Ula: Buka pita: Kine Pieke Buka

³² Yesuma꞉ ipika꞉ hoki nane tolu haemeke haliweki ipiki pa꞉ta꞉ epena꞉ wi la꞉mipi pea iki pa꞉ta꞉ alota꞉ Do wanda꞉hali pa꞉ta꞉ ya pukima꞉ e̱ ala꞉me leekeme. Hoto tepona꞉ I̱ ame̱le̱ haememe. Kutupa ameta꞉ napeke ne ma꞉nda꞉ dia꞉me. I̱ma꞉ ika꞉ da nina꞉ tea꞉ma꞉ homa꞉ paleke tapaa tapaa pua꞉ka꞉na꞉ kota꞉ pota꞉ hopikina꞉ tea꞉ma꞉ pua homilimikie leekeme.

Ma꞉tiu 15:32 Mawu Ofanana

Ma꞉tiu 12:40

Hande Dionata꞉ ta꞉peli tiekena꞉ weleke pa꞉ta꞉ timba꞉ tepo nate tepo pea pitiekeme. Kota꞉ mo Wanda꞉halina꞉ Eiyeke make mandake tupa꞉ kone timba꞉ tepo nate tepo pea kenke tukiki pa꞉ta꞉ wilieke.

Ma꞉tiu 14:13

Dioni lia꞉me lemekeeki opuaata꞉ Yesuma꞉ koto kenke mina꞉pa꞉lao kawasona꞉ pita꞉ mea keneme pa꞉ta꞉ peekeme. Ipiki peekeeki wanda꞉halima꞉ opitolota꞉ ika꞉ teke damanu mina꞉pa꞉lao mo ikali tea꞉ lopa꞉la꞉ ankema꞉ Yesu telimea pemekeme.

Ma꞉tiu 15:33

Ipika꞉ disaipolo haliwekima꞉ ipiki pa꞉ta꞉ alota꞉ Do hapu hala꞉ alena꞉ hata꞉ta꞉ do wanda꞉hali pa꞉ta꞉ neta꞉ hando pate mea halomana꞉pe lemekeme.

Ma꞉tiu 20:34

Yesuma꞉ ipiliki pa꞉ta꞉ a꞉ta꞉ma꞉ homolo hata꞉ ipilika꞉ leke wataeyekeme. Kutu pieke pita꞉ma꞉ta꞉ ipilika꞉ leke ki laata꞉ epeke tupa꞉ handepekeme. Koto ekina꞉ta꞉ ipilikana꞉ma꞉ ipika꞉ hoki nane telimea pepekeme.

Ma꞉tiu 27:63

Hande ya pi lo haya꞉ somema꞉ pa hande haya꞉ dina꞉ ipikana꞉ma꞉ alota꞉ Hoto tepo natena꞉ wiaata꞉ I̱ta꞉ paa mea tialieke leekeeki niminaasoma꞉me.

Ma꞉tiu 9:36

Koto pomieke ale pa꞉ta꞉manu mombelemeke wanda꞉hali tieke handaata꞉ iki pa꞉ta꞉ ipika꞉ pukima꞉ a꞉ta꞉ tieke ota꞉ wopu homeekeme. Pa ekiepina꞉ ikita꞉ mo handeteke hala꞉ hali na hake sipisipimanu hata꞉ pita꞉la꞉ tupa꞉ ika꞉ kone tamba꞉ mia꞉peke na yo make hone mataalo hone ti yoko haemeke haumanu handolo kutu piekeme.

Maka 9:22

Hoke temokoma꞉ hoto eleke eleke ti uleke pa꞉ta꞉ make ikali pa꞉ta꞉ make ipiki hoeyaaluekema꞉ mea lopaatiki pu haya꞉me leekeme. Kutu pia꞉pate nakana꞉ma꞉ ana꞉ pia꞉ka꞉na꞉ta꞉ kota꞉ niki pa꞉ta꞉ a꞉ta꞉ma꞉ homa pa꞉ta꞉la꞉peke leekeme.

Luku 7:13

Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Aposolo 27:33

Da ka꞉la꞉puluekema꞉ haena꞉ Poloma꞉ paeyaoma꞉ nesiki nena꞉yeke honke wotu alo alota꞉ Ikana꞉ma꞉ nesiki na neke hone elekeeleke witolo hamina꞉ nate 14 paeya꞉me lea꞉me.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.