Ma꞉tiu 15:25 - Panake Pi La: Ula: Buka pita: Kine Pieke Buka

²⁵ Do pi opitolota꞉ koto kone mo wanda꞉ Yesuna꞉ anke teke pa꞉ta꞉ panda꞉ puniao lopolo alota꞉ Tekehalio. I̱ tamba꞉ mie leekeme.

Ma꞉tiu 15:25 Mawu Ofanana

Kini Pieke 32:26

Kutupa mo halima꞉ alota꞉ Da ka꞉la꞉pa꞉la꞉me. I̱ pono lae leeke handaa Dieikopema꞉ hombo peaaso alota꞉ Neke a̱i̱ na tapake. I̱ a꞉nda꞉ epeaeka꞉na꞉ta꞉ kota꞉ neke tapaalueke leekeme.

Ma꞉tiu 14:33

Mo kawasona꞉ pitimiki disaipolo haliwekima꞉ koto pieke hau handolo hata꞉ta꞉ ikana꞉ma꞉ Yesuna꞉ biki a꞉meiyaaso alota꞉ Ota꞉e. Neketa꞉ ota꞉ Koda꞉na꞉ Eiyekee laa lemekeme.

Ma꞉tiu 15:26

Yesuma꞉ hombo peaasota꞉ dupa leekeme. Weki wandikina꞉ ne pa꞉ta꞉la꞉ mea kika pa꞉ta꞉ lopa moneaasa꞉ hauta꞉ epeke hau dia꞉me leekeme.

Ma꞉tiu 20:31

Koto lepeke handa wanda꞉hali wopuma꞉ta꞉ ipiliki pa꞉ta꞉ alota꞉ Pi na lapepema laa sa꞉sa꞉ pimikipate ipilikana꞉ma꞉ ota꞉ wi aneke hapu paa alo alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉e lepekeme.

Ma꞉tiu 8:2

Kutupa Yesu opolo ipulu haena꞉ta꞉ kindi yeni hake hali homeke ipiki pa꞉ta꞉ a꞉pa panda꞉ puniaaso hata꞉ alota꞉ Tekehalio. Neke hone pia꞉ka꞉na꞉ta꞉ kota꞉ nakana꞉ma꞉ ya yeni epeawalena꞉e leekeme.

Maka 9:22

Hoke temokoma꞉ hoto eleke eleke ti uleke pa꞉ta꞉ make ikali pa꞉ta꞉ make ipiki hoeyaaluekema꞉ mea lopaatiki pu haya꞉me leekeme. Kutu pia꞉pate nakana꞉ma꞉ ana꞉ pia꞉ka꞉na꞉ta꞉ kota꞉ niki pa꞉ta꞉ a꞉ta꞉ma꞉ homa pa꞉ta꞉la꞉peke leekeme.

Maka 9:24

Kutupa koto kone mo wekina꞉ atekema꞉ wi alo hata꞉ alota꞉ Hone tulaasome. Ya hone na tulaasoeki nakana꞉ma꞉ pa꞉ta꞉la꞉peke leekeme.