Ma꞉tiu 15:2 - Panake Pi La: Ula: Buka pita: Kine Pieke Buka

² Pa ekipeke mo naka꞉ hoki nane telieleme haliweki nika꞉ ateke meiyekena꞉ mana꞉ pimanu ekipeke na opitolo pitelemepe. Ika꞉ ne noluekema꞉ta꞉ titina꞉ amba꞉la mo nika꞉ pimanu ula꞉ tupa꞉ ika꞉ kiki na tandepo halememe lemekeme.

Ma꞉tiu 15:2 Mawu Ofanana

Kini Pieke 1:14

Kutupa Koda꞉ma꞉ alota꞉ Mo nate pita꞉ timba꞉ ala꞉eki yaapo putupa꞉alu pina꞉ yeke oli ya nane pa̱a̱ pa꞉la꞉ ekimanu wina꞉e laata꞉ koto pa̱a̱ pa꞉la꞉eki manuma꞉ta꞉ mo natemanu make bapimanu make ne pamba꞉la꞉eki manuna꞉ dimanu kini peaena꞉ yeke wina꞉e laa leekeme.

Ma꞉tiu 15:3

Yesuma꞉ mo pi hombo peaaso iki pa꞉ta꞉ alota꞉ Kutaa make pa ekipeke handa ikana꞉ma꞉ make mo Koda꞉na꞉ pi ula꞉eki kiao pa ika꞉ waleme pimanu kone tolu halemepe.

Maka 7:2

Kutupa Yesuna꞉ disaipolo haliwekima꞉ na tandepemeke kikima꞉ ne nemekeeki handemekeme. Mo Pa꞉tisi haliwekima꞉ dupiki tandepea꞉peke laa lemeke tupa꞉ kiki na tandepemekeme.

Maka 7:5

Kutupa mo Pa꞉tisi haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ lota꞉ pitolo hata꞉ alota꞉ Naka꞉ disaipolo haliwekima꞉ ika꞉ ateke meiyekena꞉ haumanu na opiki ekipeke kiki hoke ekima꞉ ne no halemepe lemekeme.

Luku 11:38

Mo hande Pa꞉tisi halima꞉ta꞉ Yesuma꞉ ne noluekema꞉ ipika꞉ kiki amba꞉la na tandepeekeeki hando haota꞉ pututuma꞉ homa tola꞉tia pomiekeme.

Ka꞉leisia 1:14

I̱ma꞉ mo hande Diu wanda꞉halina꞉ haumanu muluekema꞉ta꞉ ya mandake daeyoma꞉ Diu wekitonu bepolao lombei pitolo hata꞉ nika꞉ atekena꞉ atekena꞉ mana꞉ pimanu hone ota꞉ wopu ua꞉me.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

1 Pida 1:18

Ika꞉ atekena꞉ atekema꞉ kieke mimi napeke na pitu epe na piki hau manuna꞉ta꞉ Koda꞉ma꞉ iki ka꞉la꞉pa꞉ tapaala꞉ yenki haleeke ekita꞉ iki hone wilimime. Mo yenkita꞉ manimanu silipa o kolo hoeyaapeke ya꞉la꞉ mani ula꞉ tupa꞉ta꞉ dia꞉me.