Ma꞉tiu 15:19 - Panake Pi La: Ula: Buka pita: Kine Pieke Buka

¹⁹ Kota꞉ koto some ipika꞉ puki pa꞉ta꞉ pita ipula꞉ hoke hone manuma꞉ta꞉ dupiki haumanu pu tialieke. Hali ma꞉nda꞉ lina꞉ lo o wanda꞉ pake na꞉na꞉ lo o hali yankeke pa꞉ta꞉ kone hoke hau pina꞉ lo o pake na꞉na꞉ lo o yapiki hau pina꞉ lo o wanda꞉halina꞉ biki hoeyaena꞉ lo

Ma꞉tiu 15:19 Mawu Ofanana

Kini Pieke 6:5

Mo Tekehalima꞉ do kenkena꞉ haemeke wanda꞉hali paeyaoma꞉ hoto paeyao ika꞉ putia peme hoke haumanu make ika꞉ temokona꞉ honemanu u tia peme ekimanu make hando haota꞉

Kini Pieke 8:21

Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.

Ma꞉tiu 15:20

do hau manuma꞉ ipikita꞉ hoke hali haena꞉ lolo pa꞉la꞉pate pa mo na tandepeke kikima꞉ ne mea nala꞉ ekima꞉ta꞉ ipiki na hoeyaasa꞉me leekeme.

Ma꞉tiu 5:28

Pate ame I̱ma꞉ iki pa꞉ta꞉ la kitolo ekita꞉ dupa. Hali epima꞉ wanda꞉ homeke ma꞉nda꞉ handolo ipika꞉ta꞉ ya meawee la honema꞉ we pambea꞉ka꞉na꞉ta꞉ kota꞉ koto some ipika꞉ honema꞉ta꞉ mo wanda꞉ hakopu amba꞉ tunkulula꞉me.

Ma꞉tiu 9:4

Mo haliwekima꞉ hone wimikieki handaa Yesuma꞉ amba꞉ kokele pea hata꞉ iki pa꞉ta꞉ alota꞉ Ekipeke handa ika꞉ puki manuma꞉ koto hoke honemanu miniki halemepe laa lota꞉ pitolo alota꞉ Ikana꞉ma꞉ eki hone witemepe. I̱ma꞉ Naka꞉ hoke hauta꞉ paeyaasome alo pi yapa꞉ pa꞉la꞉pe o Neke tiao pue alo pi yapa꞉ pa꞉la꞉pe laa

Aposolo 8:22

Do hoke hau pi ekina꞉ hone ma꞉nda꞉ la꞉ka꞉la wiaata꞉ yeni pea꞉peke. Tekehalima꞉ naka꞉ hoke hone witele ekimanu paa mea tombualiepe mata꞉la꞉me leekeme.

Loma꞉ 7:18

I̱ tukiki pa꞉ta꞉ epekeeki ma꞉nda꞉ na pila꞉eki I̱ma꞉ hone witolome. I̱ tukiki pa꞉ta꞉ loa꞉ ekita꞉ I̱ta꞉ kenke hali hata꞉ loa꞉me. I̱ma꞉ta꞉ epeke ekimanu puluekema꞉ hone pa꞉la꞉pate I̱ma꞉ pea꞉peke na ya꞉la꞉me.