Ma꞉tiu 15:14 - Panake Pi La: Ula: Buka pita: Kine Pieke Buka

¹⁴ Pina꞉ma꞉ hone ma꞉nda꞉ na wia꞉pa꞉pe. Ikita꞉ mo leke holu piki wanda꞉halina꞉ leke holu piki you haliweki halememe. Koto ekina꞉ta꞉ leke holu piki somema꞉ mo leke holupiki some ma꞉nda꞉ hatuku mea pea꞉ka꞉na꞉ta꞉ kota꞉ ipiliki telipuna꞉ hombo pa꞉ta꞉ hopulu paleke mandake lopilipikie leekeme.

Ma꞉tiu 15:14 Mawu Ofanana

Luku 6:39

Kutupa Yesuma꞉ iki pa꞉ta꞉ onkoluma꞉ pi ma꞉nda꞉ dupa leekeme. Leke holupiki hali ma꞉nda꞉ma꞉ leke holupiki hali ma꞉nda꞉ hatuku pua꞉peke na ya꞉la꞉pate pa pea꞉ka꞉na꞉ta꞉ ipiliki telipina꞉ ikali hanka꞉na꞉ pa꞉ta꞉ pua lopilipikie.

Dioni 9:39

Kutupa Yesuma꞉ alota꞉ Do kenkena꞉ wanda꞉halina꞉ pi yokaalu puluekema꞉ epoa꞉me la leke holupiki wanda꞉halima꞉ handena꞉ make handeleme wanda꞉hali make leke holu pea haena꞉yeke epoa꞉me la leekeme.

1 Timodi 6:5

kima꞉ na homeke pi yokaalu alu pita꞉la꞉ ekimanu make kota꞉ hao paeyao mo wanda꞉hali tukiki pa꞉ta꞉ wala꞉ tiao hala꞉me. Kutu piki wanda꞉halima꞉ta꞉ mo hande ota꞉ pimanu mina꞉pa꞉laaso hata꞉ta꞉ pa mo Koda꞉na꞉ hau pita꞉la꞉ ekita꞉ hamoko hapeke pota꞉e hone u halememe.

2 Pida 2:1

Makeaaso potopede haliwekita꞉ amba꞉ hande haemeke wanda꞉hali tukiki pa꞉ta꞉ opa꞉liaemeke tupa꞉ kone yayapiki pi wala꞉la꞉ haliwekita꞉ iki tukiki pa꞉ta꞉ make opa꞉lialieke. Koto haliwekima꞉ta꞉ iki hoeyaapeke yayapiki mana꞉ pimanu mea a꞉pa make mo hande iki ka꞉la꞉pa꞉ tapaala꞉ Tekehali hoki walolo hata꞉ ika꞉ kone iki hoeyaasa꞉ haumanu mea ipilimikie.

2 Pida 2:17

Do haliwekita꞉ mo hande opa꞉la꞉ ikali o ala꞉ ekima꞉ handelememe. Ikita꞉ po tilipuma꞉ kili mea baala꞉ koama꞉ handelememe. Koda꞉ma꞉ta꞉ oni timba꞉ la꞉papeke naku tieke pa꞉ta꞉ta꞉ ika꞉ da panda꞉ amba꞉ mea wiala꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.

Peneme Yaeyekeeki 22:15

Pate mo ata꞉ka꞉ peaaseme tapake make ti̱o̱ hau pu haleme tapake make pake nalo loke apa꞉taaseme tapake make honema꞉ kone hali lu homaaseme tapake make toopi ti wepia꞉ ula꞉ ale pa꞉ta꞉ yeni hau pu haleme tapake make yayapiki ekina꞉ ta꞉na꞉ma꞉ homa pu haleme tapake make paeyao sikita꞉ mo daoni tea꞉na꞉ hama꞉ nane halememe.