Ma꞉tiu 15:10 - Panake Pi La: Ula: Buka pita: Kine Pieke Buka

¹⁰ Yesuma꞉ mo wanda꞉hali ipiki pa꞉ta꞉ epena꞉yeke wi la꞉mipi pea iki pa꞉ta꞉ alota꞉ Ya pi opua hone wia꞉pa꞉peke.

Ma꞉tiu 15:10 Mawu Ofanana

Ma꞉tiu 13:19

Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 15:11

Wanda꞉halita꞉ hama nane ula꞉ alemanu mea naloma꞉eki manuma꞉ iki na hoeyaalo pa꞉la꞉pate tukiki nane wia kake pa꞉ta꞉ opolu baasa꞉ ale manuma꞉ kone wanda꞉hali hoeyaapeke ya꞉la꞉me leekeme.

Ma꞉tiu 15:9

Mo ya biki mea a꞉meiyao yeni piteme ekita꞉ pa pahameke pitelememe. Pa ekipeke. Ika꞉ honema꞉ wepia wimiki mana꞉ pimanu kone yaka la꞉ ula꞉ pi tupa꞉ walo halememe la꞉la꞉me leekeme.

Ma꞉tiu 24:15

Amba꞉ potopede hali Da꞉nielema꞉ ipilieke laa la꞉ wieke yeke hoke hoeyaapeke yeke ale ma꞉nda꞉ handilimikie. Koto aleta꞉ mo hande hoke ale ma꞉nda꞉ wia꞉peke na yeke yako piki da panda꞉ tiao halia꞉eki handilimikie. Do wape yata꞉pa꞉la꞉ halima꞉ hone ota꞉ wopu wina꞉e.

Luku 24:45

Kutupa Yesuma꞉ mo wanda꞉halina꞉ honemanu lumbao mo Baiboloma꞉ leeke ekimanu opina꞉ laa

Epesese 1:17

Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

Dia꞉mesi 1:5

Iki pa꞉ta꞉ hali homekema꞉ epeke hone wita꞉la꞉eki yonka꞉laeya꞉ka꞉na꞉ta꞉ kota꞉ Koda꞉ pa꞉ta꞉ honke lea꞉ka꞉na꞉ta꞉ epelieke. Koda꞉ma꞉ta꞉ haliweki paeyao pa꞉ta꞉ ipika꞉ kiki tindipao hata꞉ haka꞉ta꞉pao halo hala꞉me. Kutupa mo hali pa꞉ta꞉ halieke.