Ma꞉tiu 14:6 - Panake Pi La: Ula: Buka pita: Kine Pieke Buka

⁶ Hetodina꞉ mendieke natena꞉ ne tieke pambeekeme. Kutu pieke dina꞉ta꞉ mo hande Hetodiasina꞉ wanekema꞉ mo wanda꞉halina꞉ leke popelekena꞉ ma꞉nda꞉ liekeme. Kutu pieke handaa Hetodima꞉ ta꞉na꞉ wotu pieke handaa

Ma꞉tiu 14:6 Mawu Ofanana

Kini Pieke 40:20

Kota꞉ nate tepo paeyeketa꞉ mo kinima꞉ ipika꞉ mendieke nate mieke handa ipika꞉ you haliweki manuna꞉ ne pambaaso hata꞉ mo hande ipika꞉ waini ikali handeteke hatiki pieke you some make mo betedi yanko hatiki pieke you some make telipuna꞉ dipula da mina꞉pa꞉lao mo ipika꞉ you haliweki pitimiki alena꞉ hatuku epeekeme.

Ma꞉tiu 14:3

Do pi leeke ekina꞉ teketa꞉ hosiki amba꞉ leke Hetodima꞉ Dioni da꞉ka꞉pa꞉ minina꞉ laata꞉ senipuma꞉ tonkao dipula mea pitaena꞉ leekeme. Koto ka꞉nda꞉ epeeke ekina꞉ teketa꞉ mo hande Hetodima꞉ ipika꞉ hameke Pilipina꞉ weteke Hetodiasi mieke ekima꞉ piekeme.

Ma꞉tiu 14:7

mo wandiki pa꞉ta꞉ ipika꞉ pi tieke la꞉ witolo alota꞉ Nakana꞉ma꞉ I̱ pa꞉ta꞉ aleke ma꞉nda꞉ kie laa honke leka꞉na꞉ta꞉ kota꞉ I̱ma꞉ ota꞉ kulueke laa la꞉ witolome leekeme.

Ma꞉tiu 22:24

Ikana꞉ma꞉ Yesu pa꞉ta꞉ a꞉pa lota꞉ pitolo alota꞉ Wala꞉la꞉ Halio. Mosesima꞉ alota꞉ Hali ma꞉nda꞉ma꞉ ipika꞉ hameke mupeke halita꞉ wanda꞉ pa haena꞉ wekiwandiki na mendiki homea꞉ka꞉na꞉ta꞉ kota꞉ mo ipika꞉ hameke wetepe nane halima꞉ wanda꞉ kosa꞉ piki meata꞉ ipika꞉ homeeke hamekena꞉ wekiwandiki sunu mendiaena꞉ lena꞉e la꞉la꞉me lemekeme.

Maka 6:14

Wanda꞉halima꞉ Yesuna꞉ biki kende tupa꞉ wina꞉ lemeke handaa Kini Hetodima꞉ Yesuma꞉ tapaeyeke haliwekima꞉ pieke ekimanu opiekeme. Mandane wanda꞉halima꞉ alota꞉ Bapitaisi peao hayeke hali Dionita꞉ homa kone paa tiao pia꞉ka꞉ta꞉me laa koto pa꞉la꞉ ekima꞉ do wele pita꞉la꞉ ekimanu pitolo pia꞉ka꞉ta꞉me lemekeme.

Maka 6:17

Amba꞉ta꞉ Hetodima꞉ Dioni yola꞉ mea epena꞉yeke haliweki tapaota꞉ Dionita꞉ tonkao dipula mea lopaeyekeme. Hetodiasima꞉ honke leeke handaa piekeme. Hetodiasita꞉ Hetodina꞉ hameke Pilipina꞉ wanda꞉ hayekepate Hetodima꞉ petolo miekeme.

Maka 6:19

Koto leeke handaata꞉ Hetodiasima꞉ Dioni pa꞉ta꞉ mineke pankolo hata꞉ luekema꞉ ho̱linda꞉lu hayekepate lia꞉peke na yekeme.

Maka 8:15

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi haliwekina꞉ palaowa pombei yaasa꞉eki make Hetodina꞉ palaowa pombei yaasa꞉eki make wotu handa꞉pa꞉peke leekeme.

Luku 13:31

Koto dina꞉ kone mandane Pa꞉tisi haliwekima꞉ Yesu pa꞉ta꞉ a꞉pa alota꞉ Kini Hetodima꞉ neke luekema꞉ taapa꞉la꞉me. Neketa꞉ do da yu mina꞉pa꞉lao ota꞉ ame do kone pua꞉peke lemekeme.

Luku 23:11

Kutupa Hetodi make ipika꞉ a꞉ndeli minimiki haliweki ame̱le̱ Yesu eto eto lao pa ale au laemekeme. Kutupa ota꞉ epeke au leke dau hokulu mea yamao paa Pailedi pa꞉ta꞉ tapaa moneayekeme.

Luku 23:7

Koto laata꞉ Pailedima꞉ Yesuta꞉ Hetodima꞉ handeteke hayeke da yu nane yama꞉ a꞉pa pia꞉ka꞉ta꞉me laa handa꞉ wiaata꞉ Yesuta꞉ Hetodi pa꞉ta꞉ tapaeyekeme. Ekipeke koto natena꞉ta꞉ Hetodita꞉ Diutuseleme da nane a꞉pa hayeke handa piekeme.

Luku 3:1

Mo Loma꞉ Kapomani titina꞉ You hali Sisa Taibitiasi ipika꞉ bapi 15 peao handeteke hayeke da yu paeyaota꞉ pa handeteke hayekeme. Koto pita꞉ma꞉ta꞉ ipikana꞉ma꞉ mea haena꞉ leeke Kapomani you haliweki manuma꞉ ika꞉ handeteke hatia epena꞉ leeke kenke manuta꞉ dupa handeteke haemekeme. Pontiasi Pailedita꞉ Diudia kenke handeteke hayekeme. Hetodita꞉ Ka꞉lili kenke handeteke hayekeme. Kutupa Hetodina꞉ hameke Pilipita꞉ Idulia make Data꞉kenaidisi koto kenke yaapo handeteke hayekeme. Laisaniasita꞉ Abilini kenke handeteke hayekeme.

Luku 3:19

Koto pa꞉la꞉pate Dionima꞉ mo kapomani hali tieke Hetodi pa꞉ta꞉ la halolo hata꞉ alota꞉ Neketa꞉ hoke haumanu peleme laa la haleekeme. Ekipeke. Hetodi ipika꞉ hamekena꞉ weteke Hetodiasi pa ipika꞉ handa꞉mea make ipikana꞉ma꞉ ti teke wotu yoka꞉tiki pomieke handa leekeme.

Luku 8:3

Kutupa mo Hetodina꞉ da handeteke hayeke ami you hali Tiusana꞉ weteke bikita꞉ Dioa꞉na make Susa꞉na make mandane wanda꞉wekima꞉ make yeekeme. Mo wanda꞉wekima꞉ ika꞉ mani manuta꞉ Yesu make ipika꞉ disaipolo haliweki tonka꞉na꞉ tamba꞉ mutia pomu hatiki pimikime.

Aposolo 12:1

Koto pita꞉ta꞉ hande kini hali Hetodima꞉ mandane siosi tapake haliweki da꞉ka꞉pa꞉ miniekeme.

Aposolo 4:27

Ota꞉ leekeme laata꞉ Do daoni tieke pa꞉ta꞉ Hetodi pita꞉ Pontiasi Pailedi yaapoma꞉ make mo Diendaili haliweki pita꞉ Isulai wanda꞉hali ame̱le̱ make paeyaoma꞉ momba꞉laata꞉ naka꞉ yakopiki E Pokaeya꞉ Halita꞉ hande Ketiso haena꞉ lele hali Yesu mea lopaaluekema꞉ tiao haememe.