Ma꞉tiu 14:5 - Panake Pi La: Ula: Buka pita: Kine Pieke Buka

⁵ Koto leeke pita꞉ma꞉ kone Hetodima꞉ Dioni luekema꞉ piekepate mo Diu wanda꞉hali pa꞉ta꞉ paala꞉ma꞉ homeekeme. Pa ekipeke. Mo Diu wanda꞉halina꞉ honema꞉ Dionita꞉ ota꞉ potopede halie hone wimikime.

Ma꞉tiu 14:5 Mawu Ofanana

Ma꞉tiu 11:9

I̱ opuono a̱i̱ la kipa꞉e. Koto pemeke dina꞉ta꞉ aleke handulumeke hone wimipe. Koda꞉na꞉ pi la꞉ mea halaasa꞉ potopede hali yekepe. Aowe. Ipikita꞉ potopede hali ya꞉la꞉pate pa potopede halina꞉ hauta꞉ ota꞉ lombei piki some hala꞉me.

Ma꞉tiu 21:26

Kutaa make ikana꞉ma꞉ alo hata꞉ta꞉ Pa kenke wanda꞉halina꞉ ekie lolo poloma꞉eki make do wanda꞉hali paala꞉ pa꞉la꞉me. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo haya꞉ halie lo halememe lemekeme.

Ma꞉tiu 21:32

Hande Dioni bapitaisi peao haya꞉ somema꞉ta꞉ iki teke pa꞉ta꞉ a꞉pa hata꞉ mo lea꞉ pi opua ota꞉ na miniki haememe. Pate mo hande dakisi mu haleme tapake pita꞉ yolo haleme tapakema꞉ta꞉ ipika꞉ pi opua ota꞉ pimikime. Kota꞉ koto hoke wanda꞉halima꞉ pimi ekita꞉ ikana꞉ma꞉ mo handolo hata꞉ kone wetepe ika꞉ hone topo pea hone na tulaememe.

Luku 20:6

Pate nikana꞉ma꞉ kenke wanda꞉halina꞉ ekie loma꞉ka꞉na꞉ta꞉ do wanda꞉hali wopuma꞉ niki toopima꞉ lilimikie. Pa ekipeke iki paeyaoma꞉ Dionita꞉ Koda꞉na꞉ pi la꞉ mea halo hayeke halie lo halememe.

Aposolo 4:21

Kutupa wanda꞉hali paeyaoma꞉ kutu piekeeki hando hao Koda꞉na꞉ pi laemeke handa hali yaapo panisi peaapeke na yeke pi taka꞉lakema꞉ paa laata꞉ da pena꞉ tapaemekeme.

Aposolo 5:26

Koto ekina꞉ mo hande tembolo da handeteke hayeke you halima꞉ ipika꞉ haliweki ame̱le̱ puaata꞉ mo aposolo haliweki hatuku mulu pua epemekeme. Wanda꞉halima꞉ toopima꞉ iki liaama꞉na꞉yeke mo haliweki yopu hatuku mea epemekeme.