Ma꞉tiu 14:25 - Panake Pi La: Ula: Buka pita: Kine Pieke Buka

²⁵ Koto ekina꞉ da ka꞉la꞉puluekema꞉ okona꞉ Yesuta꞉ mo disaipolo haliweki haemeke alena꞉ poluekema꞉ ikali manda ankena꞉ peekeme.

Ma꞉tiu 14:25 Mawu Ofanana

Ma꞉tiu 24:43

Da tekehali homekema꞉ pake nala꞉ halima꞉ pake noluekema꞉ do natena꞉ opolo ipilieke hone wia꞉ka꞉na꞉ yoluta꞉ kota꞉ ipika꞉ da yamba꞉laama꞉na꞉ alo u na piliki paa tiao yu wia halo pia꞉me.

Maka 13:35

Koto ekina꞉ handeteke hapa꞉peke. Hande da teke halina꞉ epolo pa꞉la꞉ dita꞉ iki mata꞉la꞉me. Timba꞉ timba꞉ alo haena꞉pe o buta꞉ hokina꞉pe o koka꞉la꞉ e̱ alo haena꞉pe o da ka꞉la꞉paaso nanepe.

Maka 6:48

Yesuma꞉ handaata꞉ ipika꞉ disaipolo haliwekima꞉ deli awolo hata꞉ po tieke wenoko nane epeeke handaa weleke we pimikieki handeekeme. Koto ekina꞉ da ka꞉la꞉puluekema꞉ okona꞉ Yesuta꞉ mo haliweki haemeke alena꞉ poluekema꞉ ikali manda ankena꞉ peekeme. Lombei pu pa poluekema꞉ hone wiekepate

Luku 12:38

Kutupa make mo you halita꞉ buta꞉ hokina꞉ o hoki nane kone epea꞉ka꞉na꞉ ikana꞉ma꞉ tiki tiki yao ipiki yu wia pilimieki handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie.

Dioni 6:19

Mo disaipolo haliwekima꞉ deli awa tia 5 kilomida o 6 kilomida tupa꞉ pemekepate Yesuta꞉ kawaso pa꞉ta꞉ ipuluekema꞉ ikali manda anke hao epeekeeki handaata꞉ paala꞉ma꞉ wopu homemekeme.

Peneme Yaeyekeeki 10:2

Ipika꞉ kikina꞉ta꞉ pi ula꞉ buka hosiki ale siki lumbu wia haya꞉me. Ipika꞉ popeke nane anketa꞉ dawala manda wia ipika꞉ hoe nane anketa꞉ kenkena꞉ wia haya꞉me.

Peneme Yaeyekeeki 10:5

Mo hande dawala pita꞉ kenke yaapo manda hayeke handoa꞉ enisoloma꞉ do kenke ya make dawala make koto pa꞉ta꞉manu hala꞉ ala꞉ta꞉ ala꞉ta꞉ make koto ale paeyaona꞉ wepia wina꞉ la꞉la꞉ hoto paeyao pa hao hala꞉ Koda꞉na꞉ bikina꞉ pi la꞉ witolo alota꞉ Nate yola꞉ moneapeke dia꞉ya꞉la꞉pate

Peneme Yaeyekeeki 10:8

Kutupa oli hepeni nanema꞉ hande I̱ pa꞉ta꞉ pi laa kia꞉ pi ho̱la̱꞉make ombuma꞉ alota꞉ Mo dawala make kenke yaapo manda hala꞉ enisolona꞉ kiki pa꞉ta꞉ lumba wia hala꞉ pi ula꞉ buka pua mie lea꞉me.