Ma꞉tiu 14:19 - Panake Pi La: Ula: Buka pita: Kine Pieke Buka

¹⁹ mo wanda꞉hali paeyao ambuna꞉ pitina꞉ lape leekeme. Kutaata꞉ ipikana꞉ma꞉ hande palaowa wala꞉ yunki hata꞉ make hande ta꞉peli yaapo make miniki hata꞉ oli ya nane handa꞉liao Koda꞉ pa꞉ta꞉ keiyae laata꞉ palaowa wala꞉ pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme.

Ma꞉tiu 14:19 Mawu Ofanana

Luku 24:30

Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

Aposolo 27:35

Koto laaka꞉na꞉ Poloma꞉ palaowa mea haliweki paeyao ame̱le̱ hata꞉ Koda꞉ pa꞉ta꞉ keiyae pi laata꞉ mo palaowa pindipa nea꞉me.

Maka 6:41

Kutupa Yesuma꞉ hande palaowa kitiki siki yunki hata꞉ make hande ta꞉peli yaapo make minaata꞉ ya nane handa꞉liao Koda꞉ pa꞉ta꞉ keiyae laata꞉ palaowa kitiki sunu pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme. Ipikana꞉ma꞉ ta꞉peli yaapo make pindi pindi pea disaipolo haliwekima꞉ hale hale pina꞉ haleekeme.

1 Kotindi 11:24

Koda꞉ pa꞉ta꞉ keiyae pi laata꞉ pindi pindi pea alota꞉ Dota꞉ I̱ma꞉ iki pa꞉ta꞉ kitolo ya loke mindikie laata꞉ I̱ pa꞉ta꞉ hone witolo hata꞉ do hau pea꞉tiki pu hapa꞉peke leekeme.

Loma꞉ 14:6

Hali epima꞉ ipika꞉ hone wia nate ma꞉nda꞉ta꞉ tiekee laa hone wia꞉ka꞉na꞉ta꞉ kota꞉ Tekehalina꞉ pi laaso hata꞉ hone wita꞉la꞉me. Hali epima꞉ nemanu paeyao no haya꞉ka꞉na꞉ta꞉ kota꞉ Tekehalina꞉ pi laaso hata꞉ no hala꞉me. Mo nemanu meata꞉ Koda꞉ pa꞉ta꞉ keiyae pi laa nala꞉ ekina꞉ loa꞉me. Hali epima꞉ mandane nemanu napeke kiaeya꞉ka꞉na꞉ta꞉ kota꞉ Koda꞉ pa꞉ta꞉ keiyae pi laa Tekehalina꞉ pi laaso hata꞉ pita꞉la꞉me.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

1 Kotindi 10:16

Hande Koda꞉ma꞉ niki epeaala꞉ kapona꞉ noluekema꞉ hata꞉ Koda꞉ pa꞉ta꞉ keiyae pi laa nalo hata꞉ta꞉ Ketiso ipika꞉ we pa꞉ta꞉ na telipaasoma꞉pe. Kutupa hande pindipindi pea ula꞉ palaowa make nalo hata꞉ta꞉ Ketiso ipika꞉ loke mindiki pa꞉ta꞉ na telipaasoma꞉pe.

Luku 9:14

Ekipeke 5 daoseni haliweki koto pa꞉ta꞉ haemekeme. Yesuma꞉ mo disaipolo haliweki pa꞉ta꞉ alota꞉ Mo wanda꞉halita꞉ hali tieke yaapona꞉ kiki yaapomanu tupa꞉ momba꞉lao kenkena꞉ mea pitama꞉ pitama꞉ pipee leekeme.

Maka 7:34

Kutupa oli ya nane handa꞉liaaso hata꞉ pomoma꞉ homata꞉ Yesuma꞉ ipiki pa꞉ta꞉ alota꞉ Epa꞉da꞉e leekeme. Koto pita꞉ Lomba꞉e laa leekeme.

1 Kotindi 10:31

Pate ikana꞉ma꞉ ika꞉ hau paeyao piteleme ekima꞉ make mo ne ikali naleme ekima꞉ make mo Koda꞉na꞉ biki daeyaena꞉ loluekema꞉ hau paeyao pea꞉pa꞉peke.

Dioni 6:23

Mandane kawaso manuta꞉ Taibitiasi nane hao a꞉paata꞉ hande Tekehalima꞉ keiyae pi laa mo wanda꞉hali paeyao pa꞉ta꞉ palaowa teli teli peaeyeke ikali tea꞉na꞉ kone opolo epemekeme.

Maka 6:39

Koto lemeketa꞉ Yesuma꞉ iki pa꞉ta꞉ pi alo hata꞉ alota꞉ Mo noma꞉ seliapona꞉ momba꞉la pituma꞉ pituma꞉ pea pita꞉pe leekeme.

Dioni 11:41

Kutupa hande toopi pa nane mea wimikime. Yesuma꞉ handa꞉liao hata꞉ alota꞉ Apa꞉o. Nakana꞉ma꞉ yaka pi opu hale ekina꞉ neke pa꞉ta꞉ keiyae pi alome.

Luku 22:19

Kutupa ipikana꞉ma꞉ mo betedi mea Koda꞉ pa꞉ta꞉ keiyae laa pindi pindi pea iki pa꞉ta꞉ halolo hata꞉ alota꞉ Dota꞉ yaka lokee laata꞉ iki pa꞉ta꞉ ka꞉la꞉ ekie. Dupiki hauta꞉ I̱ hone niminaaso hata꞉ pea꞉tiki pu hapa꞉peke leekeme.

Luku 9:16

Yesuma꞉ mo hande kiki homeke palaowa wala꞉ sunu make mo ta꞉peli yaapo pea meata꞉ oli ya nane handa꞉liao hata꞉ Koda꞉ pa꞉ta꞉ keiyae pi leekeme. Koto laata꞉ mo ne pindi pindi peaata꞉ ipika꞉ disaipolo haliweki pa꞉ta꞉ta꞉ mo wanda꞉hali paeyao pa꞉ta꞉ telipape laa haleekeme.

Ma꞉tiu 14:18

Yesuma꞉ alota꞉ A꞉pa꞉la꞉me. I̱ pa꞉ta꞉ mea ipupe laata꞉

Luku 22:17

Kutupa Yesuma꞉ mo kapo mea Koda꞉ pa꞉ta꞉ keiyae alo hata꞉ iki pa꞉ta꞉ alota꞉ Ika꞉ ika꞉ kone telipa nape laata꞉