Ma꞉tiu 13:57 - Panake Pi La: Ula: Buka pita: Kine Pieke Buka

⁵⁷ ikana꞉ma꞉ ipiki kiaemekeme. Kutu pimiki ekina꞉ Yesuma꞉ iki pa꞉ta꞉ alota꞉ Potopede hali ma꞉nda꞉ta꞉ da ma꞉nda꞉ wanda꞉halina꞉ leke popelekena꞉ta꞉ biki wilia꞉pate pa ipika꞉ teke da nane o ipika꞉ wanda꞉halina꞉ leke popelekena꞉ta꞉ biki na wilieke leekeme.

Ma꞉tiu 13:57 Mawu Ofanana

Ma꞉tiu 11:6

Koto ekina꞉ do I̱ma꞉ pitolo haumanu handaa ka꞉nda꞉ma꞉ na homa꞉la꞉ halima꞉ta꞉ ta꞉na꞉ma꞉ homo hala꞉me laa pua lapa꞉peke leekeme.

Ma꞉tiu 13:58

Koto ekina꞉ ikana꞉ma꞉ ipiki pa꞉ta꞉ hone wopu na tulaemeke handaa kota꞉ ipikana꞉ma꞉ make mo na handeke haumanu iki tukiki pa꞉ta꞉ wopu na piekeme.

Maka 6:1

Yesuma꞉ koto pa꞉ta꞉ mina꞉pa꞉lao ipika꞉ disaipolo haliweki ame̱le̱ da nane pemekeme.

Maka 6:14

Wanda꞉halima꞉ Yesuna꞉ biki kende tupa꞉ wina꞉ lemeke handaa Kini Hetodima꞉ Yesuma꞉ tapaeyeke haliwekima꞉ pieke ekimanu opiekeme. Mandane wanda꞉halima꞉ alota꞉ Bapitaisi peao hayeke hali Dionita꞉ homa kone paa tiao pia꞉ka꞉ta꞉me laa koto pa꞉la꞉ ekima꞉ do wele pita꞉la꞉ ekimanu pitolo pia꞉ka꞉ta꞉me lemekeme.

Maka 6:3

Do halita꞉ kapenda hali dia꞉ya꞉ka꞉ta꞉pe laa Metina꞉ eiyeke dia꞉ya꞉ka꞉ta꞉pe. Dia꞉mesi Diosepe Diudasi make Saimono make ipika꞉ hameke titi dia꞉ya꞉ka꞉ta꞉pe laa Ipika꞉ beliki titi do pa꞉ta꞉ niki ame̱le̱ na halemepe lemekeme. Kutupa ipiki pa꞉ta꞉ honditi pitolo hata꞉ lemekeme.

Maka 6:4

Koto lemeke ekina꞉ Yesuma꞉ iki pa꞉ta꞉ alota꞉ potopede halita꞉ da ma꞉nda꞉ wanda꞉hali paeyaoma꞉ta꞉ ipika꞉ pi opu halemepate ipika꞉ da haleme wanda꞉halima꞉ make ipika꞉ tapake manuma꞉ make ikana꞉ma꞉ta꞉ ipika꞉ pi na opilimikie leekeme.

Luku 4:24

Yesuma꞉ iki pa꞉ta꞉ alota꞉ I̱ma꞉ iki pa꞉ta꞉ alome. Koda꞉na꞉ pi wala꞉la꞉ potopede hali ipika꞉ teke wanda꞉halima꞉ ipiki hone wotu na wilimikie.

Luku 7:23

I̱ pa꞉ta꞉ hone yaapo yaapo lo na wimika꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe laa lapa꞉peke leekeme.

Dioni 4:44

Yesuma꞉ ipika꞉ kone leekeme dupae. Potopede halita꞉ ipika꞉ ota꞉ da teke pa꞉ta꞉ haya꞉ka꞉na꞉ta꞉ ipika꞉ biki na wilieke leekeme.

Dioni 6:42

Koto ekina꞉ mo wanda꞉halima꞉ alota꞉ Do halita꞉ Yesue la Diosepena꞉ eiyeke na hala꞉pe laata꞉ inkiki ateke yaapo amba꞉ handoloma꞉me. Ekipeke I̱ta꞉ oli hepeni nane hao hola꞉pa꞉niao epoa꞉me ala꞉pe lemekeme.

Dioni 6:61

Koto haliwekima꞉ ipika꞉ leeke ekina꞉ tulu tulu lemekeeki Yesuma꞉ hone wia kone mo haliweki pa꞉ta꞉ alota꞉ Do alo pina꞉ ki hone witelemepe.