Ma꞉tiu 13:36 - Panake Pi La: Ula: Buka pita: Kine Pieke Buka

³⁶ Yesuma꞉ koto mombelemeke wanda꞉hali mina꞉pa꞉lao da tukiki pa꞉ta꞉ honda꞉ pambolo haena꞉ ipika꞉ disaipolo haliwekima꞉ ipiki pa꞉ta꞉ a꞉pa alota꞉ Mo hande ena꞉ nokopeeke wae alena꞉ onkoluma꞉ pina꞉ teke niki la kuelena꞉e laa lota꞉ pimikime.

Ma꞉tiu 13:36 Mawu Ofanana

Ma꞉tiu 13:1

Koto natena꞉ kone Yesuma꞉ mo da mina꞉pa꞉lao mo hande ikali leke mone tea꞉na꞉ pua wanda꞉hali pa꞉ta꞉ pi walo pitiekeme.

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Ma꞉tiu 13:18

Yesuma꞉ iki pa꞉ta꞉ alota꞉ Mo wae ale nokopa꞉la꞉ onkoluma꞉ pi alo ekina꞉ teketa꞉ hone wopu uemena꞉ma꞉ ikana꞉ma꞉ wopu opua꞉pa꞉peke.

Ma꞉tiu 13:25

Kutupa peeke hoki naneta꞉ timba ma꞉nda꞉na꞉ mo wanda꞉hali u pelia pemeke naneta꞉ ipika꞉ a꞉nda꞉ tunkuliki hali homeke a꞉pa mo hande epeke wae taapuna꞉ hoke wae tande la꞉ pamba peekeme.

Ma꞉tiu 14:22

Kutaata꞉ mo hande wanda꞉hali tapaaluekema꞉ hata꞉ta꞉ Yesuma꞉ ipika꞉ hoke nane telimiki haliweki pa꞉ta꞉ alo hata꞉ alota꞉ Mo kawasona꞉ pita iki amba꞉la mone tea꞉na꞉ pulu hape laata꞉

Ma꞉tiu 15:39

Yesuma꞉ iki paeyao tapaa tapaa peaata꞉ koto kone ipika꞉ disaipolo haliweki ame̱le̱ kawaso pa꞉ta꞉ pita Ma꞉ka꞉dani kenke nane pemekeme.

Ma꞉tiu 9:28

Yesu da pa꞉ta꞉ honda꞉ pambolo haena꞉ koto leke holu piki hali yaapota꞉ ipiki pa꞉ta꞉ epepekeme. Kutu pipiki Yesuma꞉ ipiliki pa꞉ta꞉ lota꞉ pitolo alota꞉ Ipilika꞉ honema꞉ta꞉ I̱ pa꞉ta꞉ ipiliki epeapeke wele ula꞉me hone witolo hone ti lalepepe leekeme. Ipilikana꞉ma꞉ koto pi hombo peaaso alota꞉ Aowe lepekeme.

Maka 4:34

Onkoluma꞉manu pi waleekepate pi ma꞉nda꞉ na waleke ipika꞉ disaipolo haliweki pa꞉ta꞉ homeke pi tekemanu la haleekeme.

Maka 6:45

Koto kone Yesuma꞉ ipika꞉ disaipolo haliweki pa꞉ta꞉ alota꞉ Kawasona꞉ pita mone tea꞉na꞉ hala꞉ da Betesaida da pa꞉ta꞉ iki amba꞉la opolo pua꞉pa꞉peke laata꞉ mo hande wanda꞉hali wopu tapa tapa piekeme.

Maka 7:17

Ipikana꞉ma꞉ wanda꞉hali mina꞉pa꞉lao da tukiki pa꞉ta꞉ honda꞉ pambeeketa꞉ ipika꞉ disaipolo haliwekima꞉ onkoluma꞉ leeke ekina꞉ ipiki pa꞉ta꞉ lota꞉ pimikime.