Ma꞉tiu 13:24 - Panake Pi La: Ula: Buka pita: Kine Pieke Buka

²⁴ Koto la paeyeketa꞉ Yesuma꞉ iki pa꞉ta꞉ onkoluma꞉ pi ma꞉nda꞉ta꞉ dupa leekeme. Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ epeke waemanu tande laa peekeme.

Ma꞉tiu 13:24 Mawu Ofanana

Ma꞉tiu 13:19

Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 13:25

Kutupa peeke hoki naneta꞉ timba ma꞉nda꞉na꞉ mo wanda꞉hali u pelia pemeke naneta꞉ ipika꞉ a꞉nda꞉ tunkuliki hali homeke a꞉pa mo hande epeke wae taapuna꞉ hoke wae tande la꞉ pamba peekeme.

Ma꞉tiu 13:31

Yesuma꞉ta꞉ iki pa꞉ta꞉ onkoluma꞉ pi ma꞉nda꞉ la halolo hata꞉ alota꞉ Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ mo ki̱mi̱le̱ma꞉ handeke ale masidadi kiliki nokopa peekeme.

Ma꞉tiu 13:33

Yesuma꞉ iki pa꞉ta꞉ onkoluma꞉ pi ma꞉nda꞉ paa la haleekeme dupa. Mo hepenina꞉ Kilu Tombuao Hala꞉ ekita꞉ yisitima꞉ handa꞉la꞉me. Wanda꞉ homekema꞉ mo yisitimanu mea sini tieke tumbiki palaowa tapu dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Ma꞉tiu 13:37

Yesuma꞉ kota꞉ pi hombo peaaso alota꞉ Mo hande epeke wae alemanu tande leeke hali tupa꞉ta꞉ mo Wanda꞉halina꞉ Eiyekee.

Ma꞉tiu 13:47

Hepenina꞉ Kilu Tombuao Hala꞉ ekita꞉ do tupa꞉ make ya꞉la꞉me. Mandane ta꞉peli mu haleme haliwekima꞉ ika꞉ tenki nu tieke mea ikali lekena꞉ lopao ta꞉ta꞉ ta꞉ta꞉ piki ta꞉pelimanu paeyao wopu mondu haleme.

Ma꞉tiu 18:23

Pa ekipeke. Mo hepenina꞉ Kilu Tombuao Hala꞉ ekita꞉ do tupa꞉ ya꞉la꞉me. Kini hali homekema꞉ ipika꞉ e poka꞉la꞉ haliwekina꞉ tondiki manuta꞉ tikitiki yaalueke hone wiekeme.

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Ma꞉tiu 21:33

Yesuma꞉ alota꞉ Onkoluma꞉ pi ma꞉nda꞉ doma꞉ ikana꞉ma꞉ opua꞉pe. Hali homeke ma꞉nda꞉ ipika꞉ kenke tieke wiekeme. Koto kenke pa꞉ta꞉ta꞉ waini pu e pokeekeme. Kutaata꞉ mo eta꞉ pape piekeme. Kutupa mo waini kiliki yombu tombua bepi pia꞉peke naku awaata꞉ mo ena꞉ pake nala꞉ hali handeteke pitepeke da hokulupeke a꞉eliayekeme. Kutaata꞉ mo hande eta꞉ mandane haliwekima꞉ handeteke haena꞉ yenki tieketa꞉ ika꞉ minolo hata꞉ hosikima꞉ta꞉ ipiki pa꞉ta꞉ hala꞉tiki pina꞉yeke iki pa꞉ta꞉ halaa ipikita꞉ papate peekeme.

Ma꞉tiu 22:2

Mo hepenina꞉ Kilu Tombuao Hala꞉ ekina꞉ hau pa꞉la꞉ ekita꞉ do tupa꞉ pa꞉la꞉me. Nate homeke ma꞉nda꞉na꞉ mo kini hali homekema꞉ ipika꞉ eiyekena꞉ wanda꞉ hapita꞉la꞉ ne pambaluekema꞉ tikitiki yayekeme.

Ma꞉tiu 25:1

Yesuma꞉ alota꞉ Koto nate a꞉nda꞉ opolo epea꞉ka꞉na꞉ta꞉ mo hande hepenina꞉ Kilu Tombuao Hala꞉ ekina꞉ hauta꞉ do tupa꞉ pia꞉ka꞉na꞉ handilimikie. Nate ma꞉nda꞉na꞉ kiki yaapo wandiki tonu a꞉nda꞉ma꞉ wanda꞉ mulu pieke hali epeeke manda꞉hande pea handa꞉ mea ipuluekema꞉ ika꞉ ka꞉ta꞉sini ola꞉pake mea mina pemekeme.

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Luku 13:18

Yesuma꞉ alota꞉ Koda꞉na꞉ Kilu Tombuao Hala꞉ ekita꞉ alekema꞉ handa꞉la꞉pe laa manda꞉ meanope.

Luku 13:20

Kutupa Yesuma꞉ paa make lota꞉ pitolo alota꞉ Koda꞉na꞉ Kilu Tombuao Hala꞉ ekita꞉ alekema꞉ manda꞉ mealua꞉pe.

Kolosi 1:5

Mo hande ota꞉ pita꞉ hande Epeke Pi Seliapo iki pa꞉ta꞉ titina꞉ epea꞉ dina꞉ kone mo pima꞉ kulu pa꞉la꞉ hone ti laala꞉ ekita꞉ opimime. Koto ekina꞉ta꞉ ika꞉ hone tulaalemeeki pita꞉ pukima꞉ homelemeeki yaapona꞉ teketa꞉ mo ika꞉ hone ti laalemeeki pa꞉ta꞉ ula꞉me. Kutupa do ika꞉ hone ti laaleme ekita꞉ oli hepeni nane amu pea wiawala꞉me.

1 Pida 1:23

Ikita꞉ homa꞉la꞉ apa꞉na꞉ wekiwandiki hamena꞉ dia꞉ya꞉la꞉pate da꞉ta hao hala꞉ apa꞉na꞉ wekiwandiki hamena꞉ Koda꞉na꞉ da꞉ta hao hala꞉ pima꞉ iki paa mendiaeyekeme.