Ma꞉tiu 13:19 - Panake Pi La: Ula: Buka pita: Kine Pieke Buka

¹⁹ Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 13:19 Mawu Ofanana

Ma꞉tiu 12:26

Koto tupa꞉ kone mo Sadanina꞉ kilu tombuao hala꞉eki pa꞉ta꞉ta꞉ kalale ya alu pea a꞉nda꞉ pu alu pipika꞉na꞉ta꞉ kota꞉ ipika꞉ kilu tombuao hala꞉ ekita꞉ amba꞉ tekilipa꞉ alu pea a̱i̱ paelieke.

Ma꞉tiu 13:20

Kutupa mo waleme pi opuolo hata꞉ ta꞉na꞉ma꞉ homaa a̱i̱ mea miniki haleme wanda꞉hali ikita꞉ mo hande toopi manda wieke kenkesiki pa꞉ta꞉ lopeeke wae manuma꞉ handelememe.

Ma꞉tiu 13:38

Kutupa mo e tupa꞉ta꞉ do kenkee. Mo epeke waemanu tupa꞉ta꞉ mo Koda꞉na꞉ Kilu Tombuao Hala꞉ pa꞉ta꞉ haleme wanda꞉halie. Mo hande hoke ambumanu tupa꞉ta꞉ mo hoke Sadanina꞉ wanda꞉halie.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 5:37

Ikana꞉ma꞉ta꞉ pa Aowe o Dia꞉me homeke lapa꞉peke. Mandane pi apa꞉taemeka꞉na꞉ta꞉ kota꞉ kotota꞉ hoke Sadanima꞉ wala꞉la꞉ pie.

Maka 4:15

Mo hande pota꞉na꞉ haleme wanda꞉hali pa꞉ta꞉ pi alemanu lopa꞉ lopa꞉ pu hala꞉me. Kutupa opitolo haena꞉ kone mo tandeleeke pi ale manuta꞉ Sadanima꞉ koto kone a꞉pa yoka꞉ mea pu hala꞉me.

Luku 10:9

Koto da yu pa꞉ta꞉ yeni haleme wanda꞉hali wopu mea epeapa꞉peke. Kutupa koto pa꞉ta꞉ haleme wanda꞉hali pa꞉ta꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ amba꞉ opolo a꞉pa꞉la꞉me lapa꞉peke.

Luku 9:2

Kutupa mo haliwekima꞉ Koda꞉na꞉ Kilu Tombuao Hala꞉ ekina꞉ pi walolo hata꞉ yeni haleme wanda꞉hali mea epeawaena꞉ Yesuma꞉ iki tapaeyekeme.

Dioni 18:38

Pailedima꞉ alota꞉ Ota꞉ pi ala꞉ ekita꞉ handoekipe leekeme. Koto pi laa Pailedima꞉ hama꞉ nane pua mo Diu haliweki pa꞉ta꞉ alota꞉ Do halima꞉ ketete ma꞉nda꞉ pa꞉la꞉ ekita꞉ I̱ma꞉ na handa꞉ ua꞉me laa

Dioni 8:43

Ikana꞉ma꞉ I̱ma꞉ alo pita꞉ ekipeke hone na witelemepe. I̱ma꞉ aloeki na opulumeke hone witeleme ekina꞉ loa꞉me.

Aposolo 17:32

Kutupa mo hande homa pa mea tiaeyekeeki opuaata꞉ mandane haliwekima꞉ ki taemekepate mandane haliwekima꞉ alota꞉ Do alo ekina꞉ta꞉ hoto ma꞉nda꞉ naka꞉ pi opulumekee laa lemekeme.

Aposolo 18:15

ika꞉ Lo Pi manuna꞉ lota꞉ pita꞉la꞉ ekita꞉ kota꞉ ika꞉ kone epeaapa꞉peke. Koto pi manuna꞉ta꞉ I̱ma꞉ na lalueke. Ki pa꞉la꞉me leekeme.

Aposolo 20:25

Kutupa ameta꞉ opua꞉pe. Iki paeyao pa꞉ta꞉ pominolo hata꞉ Koda꞉na꞉ Kilu Tombuao Hala꞉eki waloendi pu haowa꞉pate I̱ma꞉ handolome. Ya leke mineke paa na handilimikie lea꞉me.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

Loma꞉ 2:8

Kutu piliepate mandane wanda꞉halima꞉ta꞉ ika꞉ hone pa꞉la꞉ ekimanu pu hao pa epeke hau pea꞉pa꞉pekeeki kiao hokeeki kone pu halememe. Kutu piki wanda꞉hali pa꞉ta꞉ Koda꞉ma꞉ mineke pankolo hata꞉ hoke yenki halieke.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

2 Desalonaika 2:12

Kota꞉ koto ekina꞉ yenkita꞉ ikana꞉ma꞉ mo ota꞉ pina꞉ hone na tulake hoke haumanu pa꞉ta꞉ ta꞉na꞉ma꞉ homa pu haleme ekina꞉ iki paeyaota꞉ Koda꞉ma꞉ pi yokaalu pea hoke yenki halieke.

Hibulu 2:1

Koto ekina꞉ta꞉ niki ipilipa lopa mo opuma꞉ ota꞉ pimanu mina꞉pa꞉lao puaama꞉na꞉ma꞉ koto pita꞉ hone ota꞉ wopu wia miniki hamana꞉ pea꞉peke alee.

1 Dioni 3:12

Nikita꞉ mo hande Keinima꞉ na hando hapa꞉peke ya꞉la꞉me. Ipikita꞉ mo Hoke Temokona꞉eki hata꞉ ipika꞉ hameke Eipolo kone lu homaeyekeme. Pa ekipeke lu homaeyekepe. Do ekina꞉yeke loa꞉me. Mo ipika꞉ pieke hau manuta꞉ tikitiki na pitolo haena꞉ ipika꞉ hamekena꞉ hau manuta꞉ tikitiki pikieki yaalo piekeme.

1 Dioni 5:18

Nikana꞉ma꞉ mo Koda꞉na꞉ weki wandikima꞉ta꞉ hoke hau pa na pitolo ombu hala꞉me laa hone uluma꞉me. Pa ekipeke mo Koda꞉na꞉ Eiyekema꞉ iki handeteke hala꞉me ekita꞉ mo Hoke Temokoma꞉ iki hoeyaapeke na ya꞉la꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.