Ma꞉tiu 13:15 - Panake Pi La: Ula: Buka pita: Kine Pieke Buka

¹⁵ Pa ekipeke. Ika꞉ hone manuta꞉ timba꞉ lo make ika꞉ katakemanu poko make ika꞉ lekemanu handupu pelememe. Koda꞉ma꞉ alota꞉ Kutu piki haumanu na pia꞉ka꞉na꞉ yoluta꞉ ika꞉ lekema꞉ epeke hando make ika꞉ katakema꞉ epeke opu make ika꞉ honema꞉ epeke hone wia hata꞉ ikana꞉ma꞉ I̱ pa꞉ta꞉ la꞉ka꞉la epolo pimika꞉na꞉ yoluta꞉ kota꞉ I̱ma꞉ iki wamo pulu pua꞉me la꞉la꞉me leekeme.

Ma꞉tiu 13:15 Mawu Ofanana

Maka 4:12

Handena꞉yeke onkoluma꞉manu la꞉la꞉pate handa꞉ wina꞉yeke na la꞉la꞉me. Opina꞉yeke onkoluma꞉ pimanu la꞉la꞉pate ota꞉ hone wina꞉yeke na la꞉la꞉me. Opimika꞉na꞉ yoluta꞉ hone ma꞉nda꞉ la꞉ka꞉la꞉ mina wimika꞉na꞉ta꞉ ika꞉ hoke hau paeyaalo pia꞉me leekeme.

Luku 19:42

Nakana꞉ma꞉ ame a꞉nda꞉ peliaasa꞉eki muluekema꞉ pea꞉pekeeki hone witolo yoluta꞉ epolo pia꞉me. Koto pa꞉la꞉pate ameta꞉ nakana꞉ma꞉ ana꞉na꞉ handa꞉peke na ya꞉la꞉me.

Aposolo 28:27

Pa ekipeke. Do wanda꞉halina꞉ hone manuta꞉ timba꞉ lo make ika꞉ katakemanu poko make ika꞉ lekemanu handupu pa꞉la꞉me. Koda꞉ma꞉ alota꞉ Kutu piki haumanu na pia꞉ka꞉na꞉ yoluta꞉ ika꞉ lekema꞉ epeke hando make ika꞉ katakema꞉ epeke opu make ika꞉ honema꞉ epeke hone wia hata꞉ ikana꞉ma꞉ I̱ pa꞉ta꞉ la꞉ka꞉la epolo pimika꞉na꞉ yoluta꞉ kota꞉ I̱ma꞉ iki wamo pulu pua꞉me laa la꞉la꞉me leekeme lea꞉me.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Aposolo 7:57

Koto leekepate mo haliwekima꞉ ta꞉e ta꞉e lo laa ika꞉ katake a꞉mba kutupa mandake dina꞉ a̱i̱ya pua mo hali yola꞉ mea pua

2 Timodi 4:4

Ikana꞉ma꞉ pa tindemanu homeke opuluekema꞉ mo ota꞉ pita꞉ na opiki hoki walaa kiaalimikie.

Hibulu 5:11

Do hauna꞉ta꞉ nikana꞉ma꞉ pi eleke eleke ota꞉ wopu lapeke ya꞉la꞉pate ikita꞉ hone a̱i̱ na mia꞉peke ya꞉leke handaa mo pimanu wala꞉la꞉ ekita꞉ ka꞉nda꞉ pa꞉leke paasoma꞉me.

Peneme Yaeyekeeki 22:2

Kutupa mo ikalita꞉ mo daonina꞉ pota꞉ tukikina꞉ yapea꞉me. Mo ikali tea꞉ yaapona꞉ta꞉ hande da꞉ta꞉la꞉eki kita꞉la꞉ ti opo hala꞉me. Mo tima꞉ta꞉ bapi homekena꞉ta꞉ sumba꞉ homeke homeke yalao kiliki a꞉eya꞉tiki pu hala꞉me. Kutupa ipika꞉ katake manuta꞉ mo tapake ta꞉ta꞉ ta꞉ta꞉ paeyaona꞉ epeaasa꞉ekie.