Ma꞉tiu 13:12 - Panake Pi La: Ula: Buka pita: Kine Pieke Buka

¹² Pa ekipeke. Ala꞉ta꞉manu amba꞉ wia hala꞉ somema꞉ta꞉ ipika꞉eki lombei pina꞉ loluekema꞉ haka꞉ta꞉ pao halia꞉ka꞉na꞉ milieke. Pate ala꞉ta꞉manu wopu na wiki natehali someta꞉ ipika꞉ wia hala꞉ alesiki kone ma꞉nda꞉ma꞉ yoka꞉ mea pelieke.

Ma꞉tiu 13:12 Mawu Ofanana

Ma꞉tiu 21:43

Koto ekina꞉ta꞉ iki pa꞉ta꞉ I̱ma꞉ dupa alome. Mo iki pa꞉ta꞉ kieke Koda꞉na꞉ Kilu Tombuao Hala꞉ ekita꞉ paa yoka꞉ mea mo epeke kiliki a꞉elo pa꞉la꞉ wanda꞉hali pa꞉ta꞉ halieke alome leekeme.

Ma꞉tiu 25:29

Pa ekipeke. Ala꞉ta꞉ ala꞉ta꞉manu amba꞉ wia hala꞉ somema꞉ta꞉ ipika꞉eki lombei pina꞉ loluekema꞉ haka꞉ta꞉pao halea꞉ka꞉na꞉ milieke. Koto pa꞉la꞉pate mo ala꞉ta꞉ ala꞉ta꞉manu wopu na wiki natehali someta꞉ ipika꞉ wia hala꞉ alesiki kone ma꞉nda꞉ma꞉ yoka꞉ mea pelieke.

Maka 12:9

Yesuma꞉ alota꞉ Mo e teke halima꞉ eki pilia꞉pe laa Ipikana꞉ma꞉ a꞉paata꞉ mo e pokao haemeke haliweki ota꞉ lia paeyaota꞉ mandane haliwekima꞉ta꞉ ipika꞉ e pokao haena꞉ lelieke laata꞉

Luku 10:42

pa ota꞉ pea꞉peke hau homeke homeke na peleme. Metima꞉ta꞉ hone wia ota꞉ hau ma꞉la꞉ ekita꞉ ma꞉nda꞉ma꞉ pendilao mea꞉peke na ya꞉lieke leekeme.

Luku 12:48

Pate e pokaasa꞉ hali ma꞉nda꞉ma꞉ta꞉ ipika꞉ you halima꞉ hone pa꞉la꞉eki hone na witolo kone tanda napekeeki pia꞉ka꞉na꞉ta꞉ kota꞉ ipikita꞉ ae̱ya̱piki dopitama꞉ hosiki podela꞉ milieke. Hali ma꞉nda꞉ta꞉ mandane alemanu handeteke haena꞉ yeke anekema꞉ halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ anekema꞉ muluekema꞉ hone wilieke. Koto tupa꞉ kone hali ma꞉nda꞉ pa꞉ta꞉ ala꞉ta꞉ ma꞉nda꞉ wopu handeteke haena꞉ yeke halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ ota꞉ ankulao anekema꞉ muluekema꞉ hone wilieke leekeme.

Luku 16:2

Koto leeke mo teke halima꞉ mo ipika꞉ e pokao hayeke hali wi la꞉mea alota꞉ Do nakana꞉ma꞉ pitelema꞉ aleme ekita꞉ ota꞉ alemepe laata꞉ Nakana꞉ma꞉ naka꞉ handeteke hawale alemanu paeyao sikita꞉ wapena꞉ mu wia yaka kikina꞉ u neae. Pa ekipeke. Ameta꞉ nakana꞉ma꞉ yaka ala꞉ta꞉ ala꞉ta꞉ handeteke hawapeke na ya꞉leke loa꞉me leekeme.

Luku 16:25

Koto leekepate Eipoloha꞉ma꞉ma꞉ alota꞉ Ya wekio. Hone niminae. Neketa꞉ hande kenkena꞉ hae natena꞉ta꞉ kota꞉ epeke alemanu wotu wia haepate La꞉satesita꞉ ota꞉ hoke alemanu homeke mia꞉me. Kutu piekepate ameta꞉ ipikita꞉ ta꞉na꞉ma꞉ homo haena꞉ta꞉ neketa꞉ tanda naleme.

Luku 8:18

Koto ekina꞉ta꞉ ikana꞉ma꞉ pi opu haleme ekita꞉ wotu handeteke hao hapa꞉peke. Ekipeke ma꞉nda꞉ma꞉ ala꞉ta꞉ ma꞉nda꞉ wia꞉ka꞉na꞉ta꞉ kota꞉ ipikita꞉ haka꞉ta꞉pao ota꞉ wotu milieke. Pate hali ma꞉nda꞉ma꞉ ala꞉ta꞉ ma꞉nda꞉ na wia꞉ka꞉na꞉ta꞉ kota꞉ mo hosikieki make ipika꞉ honema꞉ Ulume laa wia꞉eki kone yoka꞉ mealieke leekeme.

Luku 9:26

Hali ma꞉nda꞉ epima꞉ I̱ pa꞉ta꞉ make yaka waloa꞉ pimanu pa꞉ta꞉ make yaala꞉ma꞉ homea꞉ka꞉na꞉ta꞉ kota꞉ mo Wanda꞉halina꞉ Eiyeke make Ateke make yako piki enisolo tonu make iki paeyaona꞉ pa̱a̱ pa꞉la꞉eki ame̱le̱ a꞉paata꞉ mo Wanda꞉halina꞉ Eiyekema꞉ mo hande hali pa꞉ta꞉ make yaala꞉ma꞉ homaalieke.

Dia꞉mesi 4:6

Kutu piliepate Koda꞉ma꞉ ipika꞉ a꞉ta꞉ma꞉ homolo hata꞉ pa kita꞉la꞉ ekita꞉ wopue. Kutu pita꞉la꞉ ekima꞉ mo Baibolo bukana꞉ wape pa꞉la꞉eki doe. Hakoko liteleme haliweki pa꞉ta꞉ta꞉ Koda꞉ma꞉ a꞉nda꞉ lia hala꞉pate homupiki haliweki pa꞉ta꞉ ipika꞉ a꞉ta꞉ma꞉ homa꞉la꞉eki pa halo hala꞉me wape pa꞉la꞉me.

Peneme Yaeyekeeki 2:5

Iki pua lopeleme tupa꞉ hone wipee. Ika꞉ hoke hau hoki walaa amba꞉ titina꞉ pimieki paa pipee. Ikana꞉ma꞉ ika꞉ hoke hau hoki na walemeka꞉na꞉ta꞉ I̱ma꞉ iki pa꞉ta꞉ a꞉pa mo ika꞉ ola꞉pake keo panka꞉la꞉ ale ipika꞉ u hala꞉ ale mina꞉pa꞉laena꞉ lolueke.